ملتقي الموهوبين

[Dr.A7med]

مبدئيا أرجو من المدير إذا التوبك ملقاش تفاعل يحذف التوبك
ثانيا
ايه اللي بيخلي الموهبة تتدفن ؟
عدم صقلها وعدم الاهتمام بيها
ليه أنا مش بهتم بموهبة عندي ؟
عشان مكسل
ليه ؟
عشان مفيش تشجيع
والتشجيع هييجي منين ؟
من المشاركة والتعاون مع الآخرين اللي عندهم نفس موهبتي واهتماماتي
ببساطة أنا قلتها كتير الموهبة مسؤولية قبل ما تكون نعمة
عشان كده لازم نهتم
وعشان كده دي دعوة عامة لكل الدكاترة اللي أنا متأكد ان كلهم موهوبين في أي حاجة
كل واحد عنده موهبة يقول
بتعرف تلعب كورة
صوتك حلو
رسام
نحات
عندك فن التعامل والعلاقات مع الناس وكده ( وصدقوني دي موهبة رائعة )
مبرمج
باحث
أي حاجة أي حاجة
واللي يلاقي حد عنده نفس موهبته يبعتله ويحاول يتواصل معاه
وبعد كه يشجعوا بعض ويحاولوا انهم يصقلوا موهبتهم ويحطوها في المكان الصح
تخيل نفسك انت ومجموعة من زمايلك عندكم موهبة معينة
وبمنتهي الإخلاص كا واحد وصل لنقطة معينة يعرف التاني هو وصل لفين
عشان مش لازم كل واحد يبدأ من الصفر
بتشجعو بعض وبتجتمعو وبتتقدمو مع بعض
أنا هبدأ بنفسي
أنا يومي بيتلخص في الآتي:
حضور السكاشن (بمنتهي الصراحة )
المذاكرة واللي بالنسبة ليا مختلفة شوية عن أي حد
القراءة والقراءة والقراءة
أنا بحفظ قرآن دلوقتي لأني كنت أزهري فاشل وحولت بعد الابتدائية والحمد لله صوتي مش هقول حلو بس كويس
بمناسبة الأزهر
حد فيكم اتمد قبل كده علي رجليه ؟
أصل انا كنت بتمد كل شهر علي رجليا عشان الامتحان
كنت بجيب صفر
أنا كنت فاشل أوي في الابتدائي ومكنتش بحب المذاكرة خالص
شوارعي يعني من الآخر
لدرجة ان أساتذتي في الأزهر لما عرفو اني عديت 98 % في الثانوية قالو الغشاش ابن ال .... مع إني والله ما غشيتش ولا كلمة
نرجع لموضوعنا
كمان أنا بعرف أخطب يعني أتكلم قدام الجمهور (سبحان الله ) ومرات عديدة اتكلمت قدام مئات الناس
وبمناسبة الخطابة دي موهبة رائعة وبجد مش عارف مش مهتمين بيها ليه لو نعرف بيعملو عشانها إيه بره
والله ناس بتروح تدخل معاهد المسرح عشان تتعلمها وبيدفعو آلاف الدولارات عشانها
عشان كده أي حد عنده الموهبة دي يا ريت يهتم بيها بجد
كمان أنا بلعب شطرنج ( وصلت النهارده لدور الأربعة في بطولة الكلية )
وكمان بكتب وديمدونتي
a*******************.blogspot.com
صحيح جديدة بس ان شاء الله ههتم بيها وابتدي أضيف عليها كل كتاباتي
أرجو من كل الناس انها تهتم
وكلمة عايز اقولها
في فرق بين الاعتماد علي الناس والتعاون مع الناس
التعاون ده قيمة رائعة وبتخلق معجزات
يا ريت شغفك بموهبتك يخليك تشارك
أي حد له نفس اهتماماتي يا ريت يبعتلي

[live_and_learn2002]

[SIZE=4]كمان أنا بلعب شطرنج ( وصلت النهارده لدور الأربعة في بطولة الكلية )



الف مبروك عملت الى انا معرفتش اعمله ان شاء الله تمثل 3 فى البطولة


انا زيك بحب القراءة برده بس المختصر المفيد يعنى ممكن اعرف الموضوع من عنوانه واعرف كمان اسلوبه هيبقى ازاى وينتهى على ايه(بمل بسرعة من التكرار )

فى احتمال انى اكون موهوب فى الاختيار بعرف اختار كويس واقيم كويس بس مش عارف الموهبة دى تتنمى ازاى ولا حتى استفيد منها اكتر من المعتاد

بجد حلو الموضوع واكيد مش هيتحذف ان شاء الله

[Dr.A7med]

[size=4]كمان أنا بلعب شطرنج ( وصلت النهارده لدور الأربعة في بطولة الكلية )



الف مبروك عملت الى انا معرفتش اعمله ان شاء الله تمثل 3 فى البطولة

انا زيك بحب القراءة برده بس المختصر المفيد يعنى ممكن اعرف الموضوع من عنوانه واعرف كمان اسلوبه هيبقى ازاى وينتهى على ايه(بمل بسرعة من التكرار )

فى احتمال انى اكون موهوب فى الاختيار بعرف اختار كويس واقيم كويس بس مش عارف الموهبة دى تتنمى ازاى ولا حتى استفيد منها اكتر من المعتاد

بجد حلو الموضوع واكيد مش هيتحذف ان شاء الله

شكرا يا حمدي
القراءة مفيش فيها مختصر مفيد بس فيها انك تختار هتقرأ ايه
كان في عالم اسمه الشيخ محمد أمين البغدادي وكان عنده مكتبة من 6 غرف
واحد سأله قرأت كل ده قال نعم
الكتاب بييجي هنا المدخل وما بيدخلش المكتبة غير لما يتقرأ
اقرأ كتيييييييييييييييييييير

أما عن فكرة القدرة علي الختيار والتقييم فهي موجودة عند كل الناس بالفطرة
و برده هتبقي أحسن بالخبرة وسعة الأفق وتعلم طباع الدنيا والبشر
وده مش هييجي غير بالقراءة والاطلاع الكتير
واللي انت بتتكلم فيه ده حاجة عامة
يعني حس الاختيار ده ممكن تستخدمه في حياتك الشخصية والعملية وهيفيدك كتير لو كنت كويس
بس هو موجود عند كل الناس بس حد قوي وحد ضعيف
وممكن تنميتها
لكن مقياس الموهبة عندي حاجة واضحة
البراعة الفطرية
ومشكلة كتير من الناس انهم شايفين انه لو مش بارع في الرسم + صوته مش حلو + مش بيعرف يلعب كورة يبقي كده مش موهوب
لا لا لا
المواهب أنواعها كتييييييييييييييييييييييييييير
بس دور
جرب كل حاجة وعيش كل خبرة
اسمع صوت حكمتك وسيبها تدلك
أصل ربنا عدل
وأعطي لكل واحد زي التاني تمام
كلنا مراية بس عليها غبار ومش واضحة
نضف مرايتك هتشوف اد ايه انت رائع
وصحيح ما خلقش كل الناس بيكاسو لكن أكيد انت بيكاسو العالم في حاجة معينة
ما حدش اتمد علي رجليه خالص كده ؟
أنا لوحدي بس ؟
ما حدش شاف مدونتي ؟
تصبحو علي خييييييييييييييييير

[NonY]

هههههههههههه
مكنتش أعرف ان الناس بيتمدوا لغاية قريب كدا

لا استنى ..
كان عندنا مدرسة فعلا بتقوللنا همدكوا بس مش فاكرة عملتها مرة و لا لأ
بس كل شهر ؟؟ و كمان دخلت صيدلة !
طب أخبار رجليك ايه دلوقتى


ع العموم بالنسبة للموهبة ..
أنا حاسة انى عندى موهبة جامدة جدا





بس مش عارفة ف ايه بصراحة

.
.

مدونتك دلوقتى عندى فى الbookmarks
هقرأها و أتابعها ان شاء الله
Best luck

[Dr.A7med]

هههههههههههه
مكنتش أعرف ان الناس بيتمدوا لغاية قريب كدا

لا استنى ..
كان عندنا مدرسة فعلا بتقوللنا همدكوا بس مش فاكرة عملتها مرة و لا لأ
بس كل شهر ؟؟ و كمان دخلت صيدلة !
طب أخبار رجليك ايه دلوقتى


ع العموم بالنسبة للموهبة ..
أنا حاسة انى عندى موهبة جامدة جدا





بس مش عارفة ف ايه بصراحة

.
.

مدونتك دلوقتى عندى فى الbookmarks
هقرأها و أتابعها ان شاء الله
Best luck

علي فكرة أنا لما تجوز أساسي لازم همد مراتي

كل شهر عشان كنت بجيب صفر
وسبحان الله كمان دخلت صيدلة
ورجليا دلوقتي جامدة جدا وبمشي مسافات طويلة جدا وعمرها ما تعبتني
ربنا يوفقك في اكتشاف موهبتك عشان ده أول الطريق

[chocolata]

ميرسى يادكتور على فكرة الموضوع والله اللى ممكن اكون حاسه شويه انه موهبه هو الكتابه اما الرسم فانا فاااااااااااشله جدا فيه وزماااااااااااااان كنت على طول فى الحفلات قرال اساااااااااسى لان ايامها تقريبا كان صوتى حلو وكمااااااااااان مانوا بياخدونى فى الاستعؤراض بصراحه انا كنت بحب فن الاستعراااااض وكنت احب اتفرج على فرقه محمود رضا لانى شايفه انه فن راقى ومحترم بس يلا موضوع الصوت يعنى ساعات بيبقى حلو ولام ببقى صاحيه من النو م الاحبال بتبقى مقطوووووووووعه خالص مالص القراءة بحبها مش ليا مزاج مش طوال الوقت بحب اقرا القصص والالغاز وكمان الكتابات الادبيه مش كل الادباء بس الادباء العرب مش بقرا لهم لان معظم الكتابات اترجمت افلام مازال عندى فضول للاعلام موهبه الحديث والنقاش والبحث احيانا بتخيل انى هقع فى لغز وهكون فريق ونحله سوا (خيااااااااااااال بقى )من الحاجات اللى نفسى اعملها العزف على الجيتااااااار او الكامنجه وساعات بفكر فى التمثيل لانى كنت جربت مرة فى الثانوى وكانت ناجحه كانت مسرحيه صغيورة كنت عامله فيها دور فلاحه بيعملوا معاها حواروفعلا لبست جلابيه فوق لبس المدرسه ومنديل وربطت على دماغى لدرجه انى فى استاذ احرجنى جدا وقعد يقولى ايه الفلاحه العسل دى (كنت فى عشر هدومى من الاحراج )حاجات كتير خايفه اعملها لافشل فيها بس نفسى اجرب كل حاجه وانا فى الجامعه بالذات وربنا يسهل لغايه دلوقتى دا اللى عندى بس لو لقيت مواهب تانيه هاقول

[lamia]

وانـــــا عنــــــدى موهبـــــــة الخطابـــــــة والقـــــــاء الشعــــــــر

والجــــراة انى اقــــــدم واتكلـــــــم قدام جمهــــــور كبيــــــــر

وده بيــــــــــزود ثقتــــــــى بنفســـــــــى...

[Dr.A7med]

chocolata
دي حاجات كلها رائعة
بس عشان هي مش واضحة لازم تحتكي بالناس كتير وتقرأي كتير
علي فكرة في أنشطة كتير في الكلية وكمان في مكتبة مبارك اللي بنصح كل الناس انها تروحها
لما تعملي حاجة وتعرفي انك مش شاطرة فيها ده هيفيدك لانها مش هتشتتك بعد كده
lamia
الخطابة فن ومن أجمل الخبرات اللي الواحد ممكن يعيشها
بالنسبة لتجاربي مع جمهور أو عدد كبير من الناس فكانت قوية وثرية
ودايما كنت في إذاعة المدرسة
القاء الشعر مش بيستهوييني كتير
مع إني بحب الشعر جدا وعلي رأي عمر طاهر ليه أقول في رواية اللي ممكن أقوله في بيت شعر واحد
لازم تهتمي بالموهبة دي
عارفة ممكن تحاولي يبقي ليكي نشاط سياسي
موضوع الخطابة ده مهم جدا عند الأحزاب السياسية
ودي حاجة أنا بفكر فيها
مش عايز اتسرع لان ميولي السياسية مش واضحة كل اللي واضح فيها اني بحب البلد دي أكتر من أبويا وأمي
بس دي خطوة هاخدها عاجلا أم آجلا
أحمد