خروف العيد ..... ممنوع دخول ولاد ابو اسماعيل

[hesham]

ازاي تشتري خروف العيد؟
عمر الخروف

ازاي تعرف الخروف عمره كام من غير محد ياخد باله ؟؟

تيجى جنب الخروف وتمسكه من ودنه جامد وكانك بتوشوشه وتقوله عندك كام سنة

لو رد عليك ( ماء ماء )يبقى كبير وفاهم ولو مردش متزعلش عشان هتبقى عرفت انه صغير ولسه مبيفهمش ..




صحة الخروف

بص بقى انت عايز دلوقتى تدخل تاخد خروف جامد

الخروف الى تلقيه نايم ولا قاعد قدام التلفيزيون سيبك منه دول تعبنين من كتر القعدة

ولو لقيت خروف قاعد بعيد اعرف ان ده مدمن وبتاع مزاجه متجبوش احسن

الخروف الحلو هتلقيه بيخبط فى الحيطة زى العبيط ...او بيحاول يحفر نفق يهرب منه ...او بيلعب ضغط هو وواحد تانى عشان يلفتو نظر الخرفان الاناث

بس خلى بالك لتاخد واحد لسه خارج من خناقة ومضروب وطالع عينه


نصائح لما بعد شراء الخروف[/size]


طيب كده تمام وجبت الخروف لازم وانت جيبه تربطه من ايده اليمين و ورجله الشمال ليه بقى ؟؟؟!!!


اقولك يا سيدى عشان ممكن يكون خروف غاوى كورة وشاف رونالدينهو فى اخر ماتش فاول ميشوف عيال بتلعب كورة فى الشارع يحب يجرب ...فانت خليك فى السليم لان لو مربطوش وشاف الكورة وعملة الحركة صح هيخطفه سمسار كورة وتطير لحمة العيد ولو معملهاش هيبقى منظرك وحش ( على اساس انك معرفتش تدربه )




لازم تجيب الخروف قبل العيد بفترة

كمان لازم تجيب الخروف قبل العيد بفترة عشان تحطه مع الاولاد يتفرجو عليه ويلعبو معه وبالمرة يعلمهم حركة روناليدنهو الى اتكلمنا عليها من شوية

جوعه ومتاكلوش عشان يعرف ان الدبح بالنسبة له رحمة عن العيشة معاك وبكده توفر تمن اكله..

[مهداه]

ههههههههههههههههههههههههههههههه
جميل جدا ومرح خالص الموضوع التحفه ده
تسلم الايادى
ميرسى يا دكتور

[dr.noody]

هههههههههههههههههه
جامدة جدا يا د / هشام .. ميرسى ليك

[NeScaFE]

ههههههههههههههههههههههههههههه....جميل يا دوك بس انت شكلك مستعجل على لحمة العيد

[chocolata]

موضوع زى العسل يادكتور بجد تسلم ايديك وربنا يجعله عيد سمييييييين عليكم

[@Noh]

كل سنة وانتوا واحنا طيبين قوى زى مااحنا أنا قريت ان مواصفات الخروف اللى تشتريه (ذكر - نشيط - عنيه لامعة ) بس ماقالوش لونها ايه.

[hesham]

شكرا يا جماعة ليكو وعلى ردودكم الجميلة دى

ودة لينك لطريقة تخلينا نفوز على الجزائر ببساطة جدًا ان شاء الله

اتفضلو من هنا

دة من المنتدى الرياضي عشان لو مش بتخشو عليه
وشكرُا

[Nayroz]

هههههههههههه
واللهى موضوع زى العسل بجد
عيد سعيد على الجميع
ياااااااااااااااارب

[hesham]

ان شاء الله عيد سعيد ملئ بالمذاكرة عشان الشيتات ولمتحانات العملي اللي بعد العيد على طول