جدول الامتحانات مناقشة عامة

[Mohamed Al Gohary]

فى الاول ارجو قراءة هذا التوبيك جيدا ..

وهذا الجدول كما هو موضح ( مقترح ) .. لكن مقترح بالنسبه لترتيب المواد وليست مدة الامتحانات .. لانها لن تغير الا بتغير الوضع الحالي او بقرار ..

بما يعني ان مدة الامتحانات ثلاث اسابيع بواقع مادتين كل اسبوع .. القابل للتغبير هو ترتيب المواد ..

وهذا يعني ان النقاش مفتوح بالنسبه للجدول لترتيب الامتحانات ..

وكل قسم فرقه هناك توبيك خاص بذلك .. ارجو من كل دفعه ابداء ملاحظاتها واقتراحاتها على ترتيب المواد فى الجدول ..
وكل ذلك سيتم اخذه عين الاعتبار من قبل الدكتور حسن الكاشف عند وضع الجدول النهائي ان شاء الله ..

للاطلاع على الجدول المقترح الحالي
هـــنــــا

[مهداه]

نعم
يعنى ايه مده الامتحانات 3 اسابيع بس
يعنى ايه المواد بس هى اللى قابله للتغيير
مين اللى قال كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[قناع الذهب]

والله انا شايفة ان الكلام فى الموضوع دا معادش ليه لزمة خلاص لان الجدول اتحط وطبعا عارفين ان دا علشان الظروف اللى فى البلد واللى هيترتب عليها حاجات كتير اوى زى اننا مثلا هندخل الامتحان باجزاء كتير مفقودة من المنهج يعنى من الاخر محدش هيدخل بالمنهج كامل .. والتقديرات الله اعلم ايه اللى هيحصل فيها بقة واحنا اخر سنة واكيدتوزيع التكليف بتاعنا هيتاثر.. يا اما بقة لو راعوا موضوع الامتحانات والتصحيح وبكدة هنبقى بنمتحن علشان بس نحط الكلمتين فى ورقة الاجابه وبردة نخرج لنفس الزنقة قدام لجان الشفوى وبكدة مقللناش اى فرصة للاصابه ولا حاجة
المهم .. لازم كلنا نعرف ان دى ظروف واكيد هيبقى فيه خساير .. والخساير فى الامتحانات والنتيجة احسن من الخساير فى الارواح بصراحة
اما بالنسبه لترتيب المواد فلفرقتنا يعنى فياريت يبقى مادة صعبة ومادة سهله
مثلا مديسنال .. ادارة اعمال
صناعية .. صيدلانيات
ابلايد ..توكسو
باثولوجى
ولو ان مفيش حاجة سهله

[Mohamed Al Gohary]

بشكرك على مشاركتك دكتوره قناع الذهب ..

[heba541]

يعنى المده اللى هنمتحن فيها اسبوعين كلام نهائى .......الحمدلله ده اللىكان نفسى اعرفه علشان اشوف كلامنا ليه لازمه ولا لا

[د\بوسى ربيع]

طب ياريت الصناعيه تكون اول ماده والميدسنال يكون قبلها 3 ايام

[:|©؛°¨¨°؛©الصيدلى الذهبى©]

هو بالنسبه لترتيب المواد كويس اوى بس المده طبعا لأ وانا حاسس ان ان شاء الله هتزيد المده

[Amira Said]

هو علشان آخر مادة مقبلهاش غير يوم واحد فمينفعش تكون غير إدارة أعمال،
بالنسبة للجدول الحالي ففيه مميزات و هي ان المديسنال اول مادة لأنها كيمياء و كبيرة فمهم انها تكون اول مادة،، و باقي الترتيب كويس بس ليا بس ملاحظة عليه لو نبدل الصيدلانيات و الصناعية مع بعض، بحيث تكون الصناعية على رأس الأسبوع الثاني و قبلها 3 أيام، و برضه الصيدلانيات مادة مش مرهقة نوعا ما
و كل ده بشرط مهم جدا، ان يكون في قرار لكل الأقسام بإن امتحان الشفوي في نفس يوم النظري، موضوع تاني يوم ده مستحيل، و برضه ياريت أساتذتنا يراعوا اننا مضغوطين فياخدوا بالهم من الدكاترة اللي من الخارج و بيتأخروا و يأخرونا معاهم

[Mohamed Al Gohary]

لا موضوع امتحان الشفوي انا اتكلمت فيه مع الدكتور محمود واكد عليا ان كل امتحان هيكون في نفس يوم النظري ..

[Amira Said]

طيب تمام،، شكرا لحضرتك د/جوهري