Toxicology (أسئلة و أستفسارات)

[sallyelshaer]

السلام عليكم يا سنة رابعة...كل سنة و أنتو طيبين وموفقين السنة دى ان شاء الله و متخرجين بتفوق...انا حبيت أعمل الموضوع ده علشان أى حد عندو سؤال بخصوص عملى الToxo انا تحت أمره و طبعا كل practical toxicology staff مستنية إستفساراتكم...د/سالى

[..::ciZar_Resala::..]

لو سمحتى يا دكتورة سالى ..

فى كلام كتير اتشرح ف السكشن .. مش موجود ف كتاب العملى ..

المفروض إننا نكتب ورا المعيد .. و ده برده مش حل .. لأن المعيد بيتكلم بسرعة .. و لما بنقول براحة .. بيتكلم بالراحة بالظبط دقيقتين و يرجع يتكلم بسرعة تانى..

كمان المعيدة قالت السكشن الجاى أنا مش هشرح كده ..

إنتوا تيجوا مذاكرين و محضرين .. و نتناقش !!

هو إحنا معانا حاجة فيها الكلام اللى بتقوله عن الـ case أساساً عشان نذاكر منها ؟؟؟

يا ريت نخلينا واقعيين شوية .. مفيش حد هيضيع من وقته 4 أو 5 ساعات ف بحث عن حل لـ case المفروض إن المعيد يشرحه ..

و يا ريت يكون متوفر لينا hand out للكلام اللى بيتقال ده .. لأن بصراحة كده ظلم !!

[sallyelshaer]

بصى يا ciZar لو المعيد بيتكلم بسرعة فده لأنه ملزم بوقت لازم يخلص فيه لأن طبعا بيبقى فيه سكشن بعد اللى أنتى بتاخديه....فدايما حاولى تكتبى الكلام مختصر لو حتى بالعربى مش لازم تكتبى كل كلمة بالضبط ورا المعيد بتاعك...علشان كده أحنا طلبنا منكم أنكم تقرو السكشن قبل حضوره علشان تعرفى ايه اللى مكتوب و ايه اللى مش مكتوب أكيد ده هيوفرلك وقت و يساعدك على المتابعة ... ومش معنى طبعا أنك تحضرى الcase أن احنا هنختار حد من الطلبة يشرح طبعا المعيد بتاعك هو اللى هيشرح بس احنا قصدنا يكون عندك فكرة علشان المتابعة مش أكتر..و بالنسبة ل complete handoutفاحنا فعلا بندرس الأقتراح ده بس فى كل الحالات لازم تتابعى من أول السنة علشان لو نزل أو لأ..... بالتوفيق

[محمد سمير]

انا ما خدتش السكشن لسه بس الحمد لله كده عندى خلفيه عن نظام الشرح فى السكشن

شكرا لحضرتك ياد/ سالى

وان شاء الله ربنا يوفقنا

[قناع الذهب]

طب لو سمحتى يا د\سالى ليه مجابولناش ضفادع نشتغل عليها زى السنة اللى فاتت ونجرب مكان الحقن ؟
لان انا سامعة ان التجربه دى بتنزل كتير فى الامتحان ...

[Larine_Resala]

احنا عندنا ف السكشن كل سبعة اتعلموا يمسكوا ضفدعة وواحدة بس هي اللي تحقن

المفروض يحصل زي السنة اللي فاتت ان كل واحدة او اتنين بالكتير ليها ضفدعة يشتغلوا عليها

وبيتهيألي الضفادع كتير علشان احنا مش ف الشتا

[..::ciZar_Resala::..]

بصى يا ciZar لو المعيد بيتكلم بسرعة فده لأنه ملزم بوقت لازم يخلص فيه لأن طبعا بيبقى فيه سكشن بعد اللى أنتى بتاخديه....فدايما حاولى تكتبى الكلام مختصر لو حتى بالعربى مش لازم تكتبى كل كلمة بالضبط ورا المعيد بتاعك...علشان كده أحنا طلبنا منكم أنكم تقرو السكشن قبل حضوره علشان تعرفى ايه اللى مكتوب و ايه اللى مش مكتوب أكيد ده هيوفرلك وقت و يساعدك على المتابعة ... ومش معنى طبعا أنك تحضرى الcase أن احنا هنختار حد من الطلبة يشرح طبعا المعيد بتاعك هو اللى هيشرح بس احنا قصدنا يكون عندك فكرة علشان المتابعة مش أكتر..و بالنسبة ل complete handoutفاحنا فعلا بندرس الأقتراح ده بس فى كل الحالات لازم تتابعى من أول السنة علشان لو نزل أو لأ..... بالتوفيق

الكلام جميل و الله ..

بس برده لازم يكون فى hand-out للكلام اللى بيشرح الـ case ..

و عدم وجوده بيأخرنا إحنا أيام امتحان العملى ف المذاكرة ..

طب إزاى عاوزينا مش نجيب ورق من بره .. و مفيش أصلاً مصدر داخل الكلية للكلام اللى بيتقال ف السكشن ؟؟؟

على قكرة يا دكتورة .. أنا اسمى ياسر ..

[wh_kaboo]

شكرا د/سالى على هذه المبادرة الطيبة

[Amira Said]

شكرا لحضرتك د/سالي،، أنا لسه مخدتش اول سكشن بس ان شاء الله لما نبدأ كلنا أكيد هيكون لينا استفسارات

[sallyelshaer]

طب لو سمحتى يا د\سالى ليه مجابولناش ضفادع نشتغل عليها زى السنة اللى فاتت ونجرب مكان الحقن ؟
لان انا سامعة ان التجربه دى بتنزل كتير فى الامتحان ...

احنا عندنا ف السكشن كل سبعة اتعلموا يمسكوا ضفدعة وواحدة بس هي اللي تحقن

المفروض يحصل زي السنة اللي فاتت ان كل واحدة او اتنين بالكتير ليها ضفدعة يشتغلوا عليها

وبيتهيألي الضفادع كتير علشان احنا مش ف الشتا

يا جماعة فعلا لازم يبقى فيه حاجة واضحة..لما بنقول ان الأمكانيات ضعيفة و معندناش animals لكل طالب(الدفعة حوالى ألف) فده فعلا حقيقى..أمكانيات الكلية أضعف مما تتصوروا(ميزانية القسم فى السنة لاتصل الى 500 جنيه واحنا بندرس 3 موادassay,pharma,toxo) ...بس فيه حل لما نزلت frog حتى لو ل 7 طلبة فأنا عايزة كل واحد يمسك الfrog و يدخل syringe و يجرب مكان الحقن و ممكن واحد بس فى الآخر هو اللى يحقن بس يبقى الباقى كلهم شافوا و أختبروا مكان الحقن..و بعدين متقلقوش يا جماعة فى لسة unknowns كتيرة على الfrog يعنى sc injection هيتكرر كتير...ولو آخر السنة كان لسة حد ممسكش او محقنش انا حقف معاه و أعلمه الحقن و مش لوحدى كل الstaff معايا وده وعد منى على فكرة