الفرقة الرابعة تستغيث ..

[pharmacistina]

السلام عليكم ورحمة الله وبركاته

بعد التحية لأساتذتنا الكرام ..

أولا نود أن نشكركم على المكيفات و الدواليب الجديدة الرائعة ..

جزاكم الله عنا كل خير ..


المكيفات في مدرج الفرقة الرابعة ..

أحيانا العاملة مش بترضى تفتح المكيفات و بتقول ان دي أوامر الادارة ..

دكتورة ماجدة طلبت منها تفتح المكيفات , ففتحتها

المكيفات دلوقت بيقولوا اتحرقت .. مع اننا مالحقناش نفرح بيها ..

الجو حاااار جداااا الأيام دي و مش بنقدر نركز بسبب الجو الحار ..

و كمان الصوت بتاع الشغل في المباني الجديدة ..

طول النهار ززززززززززززززززززززززززززززز بتاع الآلة اللي اسمها الصاروخ ..

أحد أساتذتنا ما كانتش عارفة تشرح المحاضرة بسبب الصوت العالي ..

برجاء تصليح المكيفات , لأنها مازالت في فترة الضمان و الشركة مسئولة انها تصلحهم ..

و برجاء ايجاد حل لموضوع الصوت و الدوشة ..

شكرا لكم ادارة كلية الصيدلة ..

وفقكم الله ..

[متفائل]

و أنا بضم صوتى

و خصوصا يوم السبت الوضع بيبقى صعب جدا

و جزاكم الله خيرا

[DR DOOLA]

لا لو كده يبقى الله يكون فى عونكم

[pharmacistina]

المشكلة فعلا في ان الكيفات اتنين منهم محروقن و بيقولوا تشغيل الكيفات بيعمل load ع الكهرباء فتفصل ..

فعلا الكهرباء بتفصل كتير اليومين دول ..

نقوم نضطر نفتح الشبابيك علشان الهواء يدخل شوية ..

لو حد مننا بص ناحية الشباك يلاقي العمال كأنهم معانا في المحاضرة ..

و الصوت بيكون عالى ..

[Mohamed Al Gohary]

المكيفات مفيهاش مشكله ..

موضوع العمال ده فعلا لازم يكون له حل .. لان دول كانوا معانا حتى ايام الامتحانات ..

موضوع التكييف هو ملخبط شويه .. يتفتح ولا لأ .. ومحتاج قرار حاسم من الاداره ..

[Larine_Resala]

ازاي تكييفات تتحرق وهي اصلا ما اشتغلتش الا مرة ولا مرتين

بالذمة دا كلام؟؟؟؟؟؟؟؟؟؟

[..::ciZar_Resala::..]

ازاي تكييفات تتحرق وهي اصلا ما اشتغلتش الا مرة ولا مرتين

بالذمة دا كلام؟؟؟؟؟؟؟؟؟؟

ما هم مش أى مرتين يا لارين ..

ده المرتين التلاتة دول كانوا ف محاضرات الصناعية ..

و بعد ما الطلبة خلوا المدرج " جهنم " .. و العياذ بالله ..

[Larine_Resala]

ما هم مش أى مرتين يا لارين ..

ده المرتين التلاتة دول كانوا ف محاضرات الصناعية ..

و بعد ما الطلبة خلوا المدرج " جهنم " .. و العياذ بالله ..

بس على فكرة محاضرة الصناعية بتاعت أول امبارح التكييفات فيها كانت شغالة

وبجد كنت مبسوطة أوي انها اشتغلت تاني بدل الحر والخنقة

دا بجد قبل كدا مكنتش عارفة أتنفس

[..::ciZar_Resala::..]

بس على فكرة محاضرة الصناعية بتاعت أول امبارح التكييفات فيها كانت شغالة

وبجد كنت مبسوطة أوي انها اشتغلت تاني بدل الحر والخنقة

دا بجد قبل كدا مكنتش عارفة أتنفس

أنا كنت موجود .. بس مدخلتش المحاضرة ..

و على فكرة الكلام اللى أنا قلت عليه اتنفذ الحمد لله ..

التكييفات كانت شغالة من الساعة 7 الصيح .. يعنى قبل ما أى حد يدخل المدرج بساعتين .. و ده اللى ساعد ف إن الجو يكون حلو و الحمد لله ..

بس النهاردة و أنا بتكلم عن دورة التنمية البشرية بتاعتنا لقيت تكييف واحد بس اللى شغال ف الفرقة الأولى .. و الشباك اللى تحته مفتوح .. و باقى الشبابيك متقفلة !!!

أنا وجهت المسئول عن المدرج .. و قلتله إن كده يتحرق لو اشتغل لوحده بالنظام ده .. و قلتله إن عندنا 2 اتحرقوا بسبب كده .. و التكييف اتقفل و أنا واقف ..

يا ريت يا جماعة .. لما نقوم بحاجة نقوم بيها صح ..

المفروض كل عامل مسئول عن مدرج يبقى عارف وفاهم إن التكييفات كلها لو ناويين يشغلوها .. أولاً: لازم تشتغل قبل ما الطلبة يتواجدوا ف المدرج ..

ثانياً: دايرة التبريد لازم تكون كاملة بمعنى إن كل التكييفات شغالة .. يا كلها مبطلة .. عشان مفيش خاحة تتحرق ..

ثالثاً: قفل الشبابيك كلها ..

[قناع الذهب]

انا مبحضرش الا محاضرة د\اسماعيل والتكييف بيبقى شغال فيها
خلاص الشتا داخل وموضوع التكييفات دا هينتهى