حملة النظافة المستمره .. كليتنا دوماً نظيفة

[Mohamed Al Gohary]

كليتنا .. الاعتماد .. السيكاب .. التطوير .. الدواليب .. التكييفات .. معمل التكنولوجيا .. الصيدله الاكلينيكيه ..

كلها مصطلحات جميله .. وخصوصا اننا الحمد لله ماشيين فى طريق جميل .. خلى الكليه بتاعتنا افضل من اى وقت مضى .. وزي ما بقول القادم افضل ان شاء الله ..

بس ازاى اعمل تورته وازوقها وانا معنديش سكر .. او ازاى اعمل قطايف واحشيها بكل ماهو فاخر وانا معنديبش زيت .. او معنديش نار اقليها عليه !!

ازاى ابقى عاوز الكليه بتاعتى تطور وتعمد .. وانا فى ايدي منديل استخدمته وارميه على الارض !!

ازاى ابقى عاوز الكليه بتاعتى تطور وتعمد .. وانا خلصت اكل واسيب كيسة هوت ميكس فى مكانها !!

ازاى ابقى عاوز الكليه بتاعتى تطور وتعمد .. وانا برمي علبة الكانز الفاضية على الارض والعب بيها كوره مع اصحابي !!

ازاى ابقى عاوز الكليه بتاعتى تطور وتعمد .. وانا حتى معدتش بيأذيني منظر القاذورات !!

عشان كده كان لازم نعمل ثورة .. نعمل افاقه لطلابنا كلهم ..

تحت رعاية
السيد الاستاذ الدكتور
محمود بكر العشماوي
عميد الكلية

تحت ريادة
السيد الاستاذ الدكتور
حسن الكاشف
وكيل الكليه لشئون التعليم والطلاب

تحت تنفيذ
السيد الدكتور
سري عطا
مدير وحدة ضمان الجوده والاعتماد

واشراف اتحاد الطلاب

ومشاركة الاسر الطلابيه المختلفه بالكليه

تم الاعلان عن حملة النظافه المستمره بالكليه ..



هيتم عمل معسكر دوري كل يوم جمعه باذن الله .. لمجموعه من الطلاب هيكون ليهم كافة الصلاحيات بكل شيء متعلق بالنظافه فى الكليه ..

لو عاوز تكون معانا .. سجل عند الدكتور سري فى الدور الرابع بالمبنى الاداري ..

واول تجمع لينا يوم الخميس الساعه 12 ان شاء الله ..

الكليه بتنادينا .. ومحتاجانا ..

[طيور الجنه]

بجد يا د/محمد موضوع رائع وجزاك الله كل خير على كل مشاركاتك اللى بجد مفيدة وجميلة والمهم ان كل واحد يبدا من نفسة لان لو عملنا معسكر ونضفنا الكلية ومفيش حد التزم باقى السبوع هيبقى المعسكر مالوش لزمة فياريت كلنا نتعاون ونخدم كليتنا لان دة بجد هيفرق معانا كتير اوى

[Mohamed Al Gohary]

معاك ومتفق تماما .. وده دور المعسكر .. المعسكر هيكون له كل الصلاحيات .. توعيه وكل حاجه .. اتمنى مشاركة الجميع واتمنى ان يكون فيه بنات ..

جه الوقت بجد يا جماعه اللى نخدم الكليه صح ..

[طيور الجنه]

ممكن تتكلم اكتر عن المعسكر دة ***يعنى هيبدا الساعة كام وينتهى الساعة كام لان انا مش من المنصورة ومفيش bus
يوم الجمعة

[Mohamed Al Gohary]

المعسكر كل سوم جمعه من الساعه 9 حتى الساعه 4 .. وفيه وجبة غدا ..

ويوميا بقى بشكل دوري ..

واجتماعنا يوم الخميس الساعه 12 عند الدكتور سري ان شاء الله ..

[تابعة محمد]

بسم الله الرحمن الرحيم
اوك اتفقنا يا دكتور معاك فى الراى و عندك حق فى كل كلمة قلتها و فعلا انا مرة دخلت مدرج اعدادى السنة ديه صعبت على المسئولة عن المدرج من كتر القاذورات الى هتشوفها ................
بس فى ناس اعرفهم بيحبوا يحافظوا على نظافة المكان بس مشكلتهم ان مفيش سلة قمامة بمعنى فى ساحة الكلية الى خارج المبانى مفيش غير صندوف او اتنين للقمامة و فى الدور الارضى مفيش حاجة و لاحتى قدام المدرجات او داخلها و لو داخلها بيكون فى سلة واحدة عند الباب و طبعا الناس بتكسل تقوم ترمى فيها و لو دخلنا الحمامات ساعات يكون فى و ساعات كتير لايوجد .
و بالتالى لو عايزينى اشارك انا و اصحابى فى الدورة توعدونى بامرين :-
الاول ان الكلية توفر مستلزمات الحفاظ على الكلية .
و الثانى اننا نعمل على تنمية الروح الايمانية و بالتالى اهمية الحفاظ على نظافة الكلية .

[..::ciZar_Resala::..]

أنا كنت عند الدكتور سرى إمبارح و قاللى على المعسكر ده .. وإن شاء الله جاى ..

بس مش هقدر أحضر الاجتماع إن شاء الله عشان هكون مسافر ..

يا ريت تبقى تبلغنى يا محمد لو حتى ع الميل ..

[Hope1]

الفكرة حلوة اوي بس ياريت كمان يبقى في باسكت في المعامل .انا في معمل التحليلية اللي فات لفيت السكشن كله علي باسكت و للأسف ملقيتش.

[Mohamed Al Gohary]

يا جماعه ماهى دى مسئولية اللجنه بقى انها تقول المكان الفلاني محتاج لعدد من سلات المهملات .. والمدرج كذا محتاج لكذا .. والمكان ده عاوزين لوحه ارشاديه ..

والكليه ووحدة التطوير هتوفر لينا كل حاجه .. ده وعد يا تابعة محمد

[3aSseM]

أنا معاكم ياجماعة في الفكرة وليس في المعسكر

هبدأ بنفسي وأحاول بقدر الامكان لو مكنتش هنظف .. مش هوسخ

توبيك جميل وشكرا ع الموضوع