Msdn
ممكن حد يقول ان مكان الموضوع ده المفروض يكون في منتدي الكمبيوتر
بس أنا مش بتكلم في الموضوع ده كإضافة تقنية ليكم لا أنا بتكلم علشان ده هو الصح
يا جماعة كل واحد بيستخدم برامج ميكروسوفت بطريقة غير قانونية يبقي حرام عليه وخصوصا ان البديل ليه موجود
سواء كان اللي بنستخدمه Windows أو Office
كل دي يا جماعة حاجات بفلوس
أنا مش هفرض رأيي عليكم
بس بحس لو استخدمتها كأني دخلت محل وسرقت منه حاجة
آسف علي التعبير
بس دي يا جماعة فلوس وحقوق ناس
وربنا بيسامح في إي حاجة إلا في حقوق الناس
الجميل إن جامعتنا المحترمة اشتركت في برنامج Msdn اللي بيسمحلنا اننا نستخدم برامج ميكروسوفت مجانا بطريقة قانونية
ودي حاجة بجد تشكر عليها الجامعة
Windows Xp , Vista ,7 Visual Studio , Net Framework
وبرامج تانية كتير
أنا هسيب التصويت 5 أيام وبناء علي النتيجة هعمل موضوع في منتدي الكمبيوتر هشرح فيه بالتفصيل ازاي تقدرو تشتركو في البرنامج وازاي تعرف Serial Number الخاص بالبرنامج اللي بتستخدمه وكمان ازاي تعمل Activation للبرنامج بتاعك علي موقع ميكروسوفت
اللهم قد بلغت اللهم فاشهد
رد مع اقتباس