هل هذا ما جنيناه من دورات otc والكلينيكال؟؟؟؟؟؟؟؟

[m_pharmacist89]

بسم الله الرحمن الرحيم

بصراحة وبدون مقدمات اثناء تجولى فى احد المنتديات الطبية المعورفة وجدت موضوع بعنوان

هل الصيدلى ممكن يساوى الطبيب بدورة otc مدتها 12 ساعه

وكان نص الموضوع كالتالى:

عند التدريب أثناء الدراسة في الصيدليات العامة ، أو بعد التخرج ، أو عند بداية العمل في الصيدليات العامة ، نواجه مشكلة صعبة .. و هي أن هناك أدوية و أغذية و مستحضرات تجميل يمكن للصيدلي و صفها لعملائه دون الحاجه لروشتة طبيب .. و هناك صيدليات كثيرة تعتمد بشكل أساسي على مهارة الصيدلي في هذا الوصف .. صعوبة الأمر تكمن في أن الصيدلي يجب أن يكون لديه فعلا المهارة و القدرة على أداء هذا العمل بكفائة و فاعليه ليؤدي دوره كاملا و تتميز صيدليته ... و هنا تقفز للأذهان أسئلة غير محدودة : كيف يمكنني اكتساب تلك المهارة ؟؟؟ كيف أستطيع الإلمام بالأسس و القواعد المختلفة لأاحقق نجاحي في هذا ؟؟ كيف أتعامل مع عملائي و أفهم شكواهم لكي أستطيع وصف أدوية لهم أو أوجههم الوجهة الصحيحة الأمينة ؟؟؟؟ .. من أجل هذا و أكثر ...صممنا لك هذا البرنامج التدريبي و بعرض لا يقاوم ...

دا نص اعلان عن دورة 12 ساعه ب 75 جنيه
يا ترى كام واحد هيدفع ال 75 جنيه علشان يبقى دكتور قصدى يفتكر نفسه دكتور
ايه الحل من وجهة نظرك ازاى الوزارة والنقابة تقدر تتصرف ادام الجهل دا



الكلام اللى بالاحمر دا تعليق الطبيب صاحب الموضوع عن اعلان عن دورة OTC للصيادلة
وبصراحة انا مش عاوز اقولكوا ردود الاطباء على هذا الموضوع كانت عاملة ازاى

المهم الغرض مش انى اضايق حد او اعصب حد لكن الغرض ان احنا نتناقش يا صيادلة المستقبل ويبقى لينا وقفة
هل فعلا هذا ما حصدناه من الدورات المتكررة والمتكررة فى كليات الصيدلة والمراكز الثقافية والى اخره

هل فعلا هذا هو الحصاد ؟


الموضوع مطروح للنقاش وياريت نسمع ارآء دكاترتنا الكبار فى هذا الموضوع

[A H M E D]

هل الصيدلى ممكن يساوى الطبيب

لا

ولا يصح أن نضعهما في مقارنة

كل فرد منهم له دوره في المنظومة الطبية

وإن اختلطت الأدوار في بعض الأحيان !!!!!!!!!!!

[m_pharmacist89]

حضرتك يا دكتور لم تذكر لنا تعليقك على موضوع الدورات المتكررة مثل دورات ال Otc وغيرها

الموضوع مطروح ليس لنناقش الفرق بين الطبيب والصيدلى ولا من يساوى من

ولكن مطروح لابداء الرأى فى مسألة الدورات التى اصبحت اكثر من ان يعدها الفرد مننا

وايضا يجب علينا ابداء الحلول حول هذه الظاهرة المستمرة من الدورات

والمشكلة انها فى بعض الاحيان تكون موجهة لغير الصيادلة مثل اعلان عن احدى دورات الكلينيكال رايته العام الماضى تقريبا لمعظم التخصصات الخاصة بالكليات العملية والطبية

فهل سبب ذلك هو مجرد استنزاف اموال الناس بدعوى الفائدة العلمية واعطاء الاوهام الطبية ام لغرض اخر وهل نحن الصيادلة عجزنا عن ممارسة الصيدلة الاكلينيكية او ممارسة دورنا الحقيقى فى المجتمع فلجأنا لمثل هذه الدورات لنشعر انفسنا باننا دكاترة بجد (وده على فكرة واحد من تعليقات احد الاطباء على هذا الموضوع فى ذلك المنتدى)

ياريت نتناقش فى مثل هذه النقاط ونحاول ان نعطى الحلول لتكون ولو شبه محاولة لحل مثل هذه المشكلات

[عبدالله عبدالرحمن]

شكرا يا محمد على طرح الموضوع
فى الواقع
انا عمرى ماعترفت بالدورات دى
كأساس يعتمد عليه
دى عبارة عن تفتيح كده
او قواعد بسيطة لعلوم الكلينك
وكذلك للotc
يفترض اصلا انك بتدرس ازاى توصف otcفى كليتك
اعتمادا على انك خذت باثولوجى وفيسيولجى
ولكن طبعا الكورسات دى ضعيفة جدا فى كليتنا
ومتقدرش تدى للصيدلى الفرصة انه يوصف اى ادوية
_-_-_
لدرجة ان الناس مش عارفة ايه الحالات اللى يتوصفلها otc
والحالات اللى لازم يتعملها referral
__--__
حتى قسم الفارما بدأ يعمل العملى حالات وكده
ومع اول سكشن ليا فى الفارما هاجى واحط رد تانى
واقولك
رأييى كاملا

[m_pharmacist89]

شكرا ليك يا عبدالله على الرد

وانا منتظر رأيك كاملا

[thelovertiger]

انا بصراحه شايف الدورات دى











عباره





















عن








ضـــحـــك علــــــى الدقـــــــون

[m_pharmacist89]

انا بصراحه شايف الدورات دى

عباره

عن

ضـــحـــك علــــــى الدقـــــــون

يا عم علاء احنا مش عاوزين كده عاوزين رأيك فى الموضوع وايه الحلول من وجهة نظرك

[احمد شبند]

العلم ليس حكرا على احد

لو هتناقشوا بالنسبة لدراسة كلية صيدلة + دورااااااااات مش دورة

لن تساوى الطبيب ابدا ابدا


لكن لو هتتكلم على علم وطلبه

فالعلم بيرفع باذن الله من يشاء

وبفضل ممكن لو شخص اجتهد فى مجال معين ربنا يكرمه ويبقى افضل بكتيييييير من الطبيب

بفضل الله سبحانه وتعالى وحده

الطبيب بيتعلم من طالب اصغر منه بل بيجيلو يشرحلو الى هو مش عارفه

انا مش عارف اوصل الكلام ازاى

لانى مش عاوز اقع فى حاجة اندم انى كتبتها

بس ممكن حد يستنبط من كلامى


كتير لو اجتهدت مع نفسك تلاقى الاية انعكست تماما

[Dr/HULK]

عادى ماهو لازم الطالب ياخد دورات

ومش فى otc بس

وخصوصا ان الطالب لو اعتمد على مناهج الكلية بس!!!!

هيتخرج من الكلية بلاطة (على رأى دكتور عطاالله)

لأ وبلاطة ايه درجة اولى مفيها خربشة واحدة

يعنى حتى ممكن ميعرفش يشتغل سواق تاكسى بالشهادة بتاعته

[mohamed samir]

انا لو شايف انها هتفدنى فعلا وهستفيد منها هاخدها , وحتى لو هتعلم منها مبادئ بس .وبعد كده اكمل واتعلم مع نفسى .