موقف الوحدة من انتخابات الاتحاد

[متفائل]

بدأت أمس الخميس أولى وقائع انتخابات الاتحادات الطلابية لعام 2009 / 2010
حيث فتح باب الترشيح فى الساعة ال 9 صباحا و اغلق فى الثالثة عصرا


و من المعلوم أن الائحة الطلابية تشترط إعلان الكليات عن موعد قتح باب الترشيح و إغلاقه فى مكان واضح قبل موعد الترشيح بوقت كاف لاطلاع الطلاب عليه
و الملاحظ أن كليتنا لم تلتزم بهذا الشرط
و لم يعلم معظم طلاب الكلية بهذا الأمر
و لم يتقدم للترشيح إلا الطلاب ( المعدين مسبقا للتعيين )
و هذا هو السيناريو المعمول به فى كل السنوات منذ أن دخلت الكلية إلى الآن

أتسائل هل هذا هو اتحاد الطلاب أم اتحاد ماذا .....

لماذا لم يعلم طلاب الاتحاد زملائهم بالفرقة الاعدادية بهذا الخبر أثناء الحفل الذى أقيم يوم الأربعاء بمدرج الفرقة رغم علمهم المسبق بالموعد
و لماذا لم يتحدث السيد العميد أو الوكيل بهذا الأمر
مع العلم أن الوكيل أخبر الطلاب من قبل أنه سيتم إعلامهم بموعد الانتخابات

كما أن الفرقة الرابعة كانت ريست و لم يتقدم منها سوى طلاب الاتحاد من العام الماضى


أين دور وحدة ضمان الجودة و الاعتماد؟؟؟؟؟؟؟؟؟

و لماذا لم تهتم بالمساواة التامة بين طلاب الكلية

هل هذا الأمر ليس من اختصاصها

لماذا اهتمت الوحدة بالدواليب أكثر من اهتمامها بإرادة طلابها
و التأكد من المساواة بينهم

لماذا أشرف الدكتور / سرى البيلى على الدواليب و رأيته يتابع العاملين فى هذا الأمر

و لم أر أى مسئول يتابع سير الانتخابات الطلابية
؟؟؟؟؟؟؟؟؟؟؟؟؟

أرجو الرد

و عدم حذف المشاركات كما يتم فى ركن اتحاد طلاب كلية الصيدلة

و لو فيه غلط فى الكلام - لا سمح الله - ياريت حد يرد و ينصح

أما حذف المشاركات دون إبداء أى سبب عن طريق الرسائل الخاصة و خلافه فهذا تجاوز للحدود لا يمكن أن يقبل أحد به

و تفضلوا بقبول فائق الاحترام و التقدير

[مهداه]

شوفوا يا جماعه دى انتخابات ذى اى انتخابات فى زمنا ده
اكيد فاهمينى

[عبدالله عبدالرحمن]

والله يادكتور انت بتضيع وقتك
انا عن نفسى عندى استعداد اعمل اى حاجة للطلبة
او الكلية ودون ان اكون عضوا فى هذه الجماعة
اللى عايز يخدم الطلاب ممكن يخدمهم
ودون ان يلتحق بهذا التجمع الغير مفيد
وعلى راى الجوهرى
ممكن تعمل أسرة

[Dr. Atallah F. Ahmed]

والله يادكتور انت بتضيع وقتك

انا عن نفسى عندى استعداد اعمل اى حاجة للطلبة
او الكلية ودون ان اكون عضوا فى هذه الجماعة
اللى عايز يخدم الطلاب ممكن يخدمهم
ودون ان يلتحق بهذا التجمع الغير مفيد
وعلى راى الجوهرى
ممكن تعمل أسرة

انت يا عبد الله اخر واحد تتكلم عن الأسر لأنك حتى دى مش مقتنع بها او بأعمالها.
عموما بالنسبة للقضية اللى فتحها "متفائل" هى قضية معروفة الكلام فيها هو تفهيم المفهوم و شرح المشروح و انا يهمنى كعضو هيئة تدريس (اعتبر الطالب ابنى) ان يشارك كل الطلاب فى الأنشطة الجامعية و ذلك بإعتبار ان الجامعة هى جزء من المجتمع و أن الجامعة هى محضن لتنمية الثروة البشرية و أى اتجاه عكس ذلك هو خسارة للبلد. هذا لا يمنع ان يكون هناك محددات و ضوابط للأنشطة و لكن يجب ان تكون واضحة و معلنة و ذات مصداقية و شفافية و تسرى على كل الطلاب سواسية لأنهم اولادنا و ليس هناك بط اسود او بط ابيض.

[..::ciZar_Resala::..]

أنا عن نفسى واحد مش ف الاتحاد السنة اللى فاتت .. و عارف بميعاد الانتخابات من الأسبوع اللى فات

كل واحد يدور على مصدره .. و اللى عاوز يعرف حاجة بيعرفها ..
-----

انت يا عبد الله اخر واحد تتكلم عن الأسر لأنك حتى دى مش مقتنع بها او بأعمالها.


عموما بالنسبة للقضية اللى فتحها "متفائل" هى قضية معروفة الكلام فيها هو تفهيم المفهوم و شرح المشروح و انا يهمنى كعضو هيئة تدريس (اعتبر الطالب ابنى) ان يشارك كل الطلاب فى الأنشطة الجامعية و ذلك بإعتبار ان الجامعة هى جزء من المجتمع و أن الجامعة هى محضن لتنمية الثروة البشرية و أى اتجاه عكس ذلك هو خسارة للبلد. هذا لا يمنع ان يكون هناك محددات و ضوابط للأنشطة و لكن يجب ان تكون واضحة و معلنة و ذات مصداقية و شفافية و تسرى على كل الطلاب سواسية لأنهم اولادنا و ليس هناك بط اسود او بط ابيض.

أحب أضيف لكلام الدكتور عطا الله .. إن الناس اللى بتعمل المشاكل على " مواعيد " الانتخابات .. بيعتبروا إن اتحاد الطلبة حق لهم .. " مش مجرد حق ترشيح " .. و كونهم ينتموا لأى أسرة .. أو فصيلة .. أو جماعة .. ده مش يديلهم حق تمثيلنا .. لأنهم الأكثر إثارة للشغب ف الكلية .. و أنا طالب ف الكلية .. و بتكلم على حاجات شفتها ..

[عبدالله عبدالرحمن]

[quote=..::ciZar_Resala::..;201184]أنا عن نفسى واحد مش ف الاتحاد السنة اللى فاتت .. و عارف بميعاد الانتخابات من الأسبوع اللى فات

كل واحد يدور على مصدره .. و اللى عاوز يعرف حاجة بيعرفها ..

انا بحترمك جدا يا دكتور ياسر بس بصراحة ردك استفزنى
لو كان فى شفافية فى التعامل كان موعد الأنتخابات اتعلن على المنتدى -وده أقل حاجة-
وتخيل ان المشرف على قسم الأتحاد -اللى هو عضو فى الأتحاد وأكيد عارف الميعاد
وقاعد على المنتدى ليل ونهار ومردش على سؤال دكتور متفائل
كذلك مش شرط ان حضرتك عرفت ان الناس كلها تعرف

هو الموعد سر حربى قاعد ادور عليه

انا مش مهتم بالموضوع بس على الأقل ما نيجى نبرر منبررش بالكلام ده

وطالما الترشح حق مكتسب لكل طالب فان من يرى فى نفسه القدرة على الترشح يجب ان يستطيع

ان يفعل ثم يقرر المنتخبون مصيره
-----
وزى ما دكتور عطا الله قال انا اخر واحد اتكلم فى الموضوعات دى

يعنى ياريت محدش يرد بعدى

وبعدين انا شايف ان فى مشروعات اهم نحتاج للمناقشة بها
مثل الأشراف الأكاديمى والأستبيان بس نجيب وقت منين بس
انا بقيت شبه مقيم فى الكلية

[متفائل]

ما شاء الله ايه التفاعل ده كله
فوق ال 100 مشاهدة و المشاركات 5
.
.
.
بفكر اطلب من ادارة المنتدى رصد مكافأة مالية لكل مشاركة
فى أى حاجة بتتكلم عن الاتحاد
يعنى مثلا ربع جينة لكل سطر
يمكن ربنا يرزق

طبعا التأخير غى الرد خارج عن ارادتى لأنى مش فى البيت
و الدخول ع النت مش متاح على طول

المهم اشكر الجميع ع التفاعل

و بالنسبة لموضوع الجماعات و الكلام ده أنا مش عارف ايه مناسبته دلوقتى

( المصرى تكلمه يمين يروح لك شمال
تروح له شمال يجيلك يمين )


أنا بكلم عن حق كل طلاب الكلية فى معرفة موعد التقدم للترشيح و قبلها بوقت كاف كما تنص اللائحة الطلابية

أما الواقع كما قالت المشاركات أنه فى طلبة معينين عارفين الموعد من زمان ... زمان أوى
بينما معظم طلاب الكلية لا يعلمون شيئا عنه
ثانيا هذا التعتيم التام من ادارة الكلية و من الاتحاد عن اعلام الطلاب بالموعد

و ده محور الكلام

الكلية و الاتحاد و كمان ادارة الجامعة أكدوا لطلاب اعدادى أهمية الاتحاد و دوره و نبهوا على حق كلطالب فى الترشيح
و طبعا احنا اجدع ناس فى الكلام و ساعة التنفيذ ..........

" لا حياة لمن تنادى "

و بالنسبة للناس اللى بتقول الأسر بتعمل نشاط أكتر من الاتحاد
فدى فعلا حقيقة
و العميد أكد لى الجزئية دى
و الناس فرحانه بكده

مع أن ده ظلم للاتحاد و دوره و مكانته كممثل وحيد لارادة الطلاب
و ليس هذا الكلام عن الأسر مدعاة للفخر

[MAI HABIB]

دا غير اني سألت في اول شهر 9 السنة دي
ياجماعة ممكن ادخل في الاتحاد السنة دي تحت اي لجنة قالو لا والله دي اللجان اتعملت خلاص

[مورجان]

دا غير اني سألت في اول شهر 9 السنة دي
ياجماعة ممكن ادخل في الاتحاد السنة دي تحت اي لجنة قالو لا والله دي اللجان اتعملت خلاص

أنا بردو معرفتش معاد الترشيح إلا يوم الخميس الصبح

فعلا تعتيم غريب علي موعد الترشيح

يا تري ليه ؟

و فعلا فين وحدة ضمان الجودة و الإعتماد من اللي حصل ؟

و أكرر باقي أسئلة الدكتور متفائل

ننتظر أجوبة شافية تثلج ما في الصدور

[The Princess]

مع اقتناعى باهمية ان الواحد ياخد حقه
بس حد يقدر يقولى هى ايه هى اهمية الاتحاد اساسا ليا كطالب عادى بيروح يحضر محاضرات و سكاشن و يروح يذاكر و يمتحن ...؟؟؟؟؟؟؟؟؟
ايه لازمة الاتحاد غير الانشطة و الكلام اللى محدش بيهتم بيه غير بتوع الاتحاد نفسهم و الاسر غير كده تلاقي معظم الطلبة و لا بتاخد بالها من حاجه و لا يهمها اصلا ان الكلية اخدت درع تميز و لا عملت معرض و لا الكلام ده
الحاجات دى مش بتفيد غير الطلاب المشاركين فيها فى المقام الاول و الاخير هما اللى بيستمتعوا بوقتهم و ياخدوا تكريم و الحياة جميلة و محدش يقولى ما هو المفروض بقية الطلاب يشاركوا فى الانشطة علشان يستفيدوا و ده مستحيل و مش صح المفروض دور الاتحاد يخدم الطالب من غير ما يشارك و يعلق لوح و يعمل مجلات و معارض
و بما ان الاتحاد مالوش لازمة يبقى مفيهاش حاجه اما الطلبة تتعين ريحونا من وجع الدماغ مش احسن ما يجى يوم و ياخدوا غياب على اعطاء الصوت