توضيح ........عن مسجد البنات

[موظفه طموحه]

السلام عليكم ورحمة الله وبركاته
ارجو ان اوضح لكم يجماعه موضوع المسجد
هو ان شاء الله بالفعل اتعمل مسجد جديد للبنات بالمبنى الجديد المجاور للمبنى الادارى مباشرة بس كان ناقص بعض التشطيبات البسيطه وان شاء الله سينتهى فى اخر الاسبوع باذن الله اما بالنسبه للمسجد الموجود فى الدور الخامس اصل يجماعة دلوقتى تم تقسيم مبنى الكيمياء بين التحليلية والعضويه والطبيه والمكان اللى كان فيه المسجد فى الخامس ده اصبح مكان معيدين قسم التحليليه والله يجماعه مكاتبهم الان فى مكان المسجد ورفضين الطلوع فوق الا ما المسجد الجديد ينتهى ومازالو يفتحو المكان وقت الصلاه
والله انا عرفه انها حاجه تضايق يحبايبى بس ارجو ان يكون الموضوع اتفهم صح بس بجد الناس دى مش لاقيه مكان تقعد فيه لان زى ماقلت تم التقسيم
وان شاء الله المسجد ينتهى قرييييب جداااا وياريت لاتنسونى من صالح الدعاء
جزاكم الله كل خير

[حنين الأمس]

جزاك الله خيرا يا أ/منى
ربنا يبشرك بالخير ياااااااااارب على طووول
:
:

[عامر إبراهيم]

جزاكم الله خيرآ يا أ. منى

وكلام حضرتك مش غريب عن معيدين الكلية و معيدين قسم التحليلية خصوصآ

ربنا يبارك فى حضراتهم يارب إن شاء الله

بس مافيش حد يلتفتلنا إحنا الشباب بدل ما الواحد بيشوف ناس بتصلى على الأرض من غير أى مصلية أو سجادة حتى !!!!

[مهداه]

الحمد لله
ميرسى يا استاذه
خبر جميل اوى

[DR/Moaa]

جزاكى الله خيرا على التوضيح
والحمدلله

[Amira Said]

جزاكم الله خيرا على التوضيح

[زهرة الياسمين]

جزاك الله خيرا أستاذه منى
وضع قسم التحليلية صعب بالفعل
وللمعيدين الحق في طلب غرفة مستقلة عن المعمل كسائر الأقسام
لكن وضع البنات والصلاة في الطرقات أيضاً صعب
الدور الخامس به مكاتب ومعامل
العمال والطلاب في مرور دائم

دكتور حسن الكاشف أبلغنا أن المسجد سينتهي بعد أسبوعين
لكنها ليست بالفترة اليسيرة

ومازالو يفتحو المكان وقت الصلاه

جزاهم الله خيرا
لكن هذا لمدة ساعة واحدة لصلاة الظهر
وقد يكون لدى المعظم محاضرة أو سكشن خلالها

فهل سيظل الوضع هكذا لمدة لا تقل عن أسبوعين؟
كل يوم صلاة في الطرقات الظهر والعصر وربما المغرب
والفترة بين المحاضرات والسكاشن والتى ربما جاوزت الساعتين والثلاث
هل سنقضيها في الطرقات ؟

قسم التحليلية أكثر قسم له احترامه وتقديره من قبل الطلبه
ولعل ما حدث مثل علامة تعجب كبيرة بالنسبة لمحبي هذه المادة
نشكر لك التوضيح

لكننا ننتظر حل سريع من الادارة بتوفير أية غرفة أخرى إلى أن يتم الانتهاء من اعداد المسجد

[d\omnya]

جزاكى اللة خيرا وبارك فيكى يارب شكرا ع التوضيح

[موظفه طموحه]

السلام عليكم
اشكركم جميعا
وان شاء الله اعدكم انى اتابع هذا الموضوع واى جديد ساسرع فى تبليغه لكم وان لم يتم الانتهاء من المسجد قريبا ان شاء الله لابد ان يكون فيه مكان للصلاه
اشكركم جميعا

[Mohamed Al Gohary]

توضيح بس يا جماعه الكليه الوقتي فى مرحلة اعادة توزيع للاقسام وكده .. وفعلا في مشكله فى الامكان .. لدرجة ان فيه اقسام فى الكليه اصلا مش لاقيه اماكن لها ..
وزى ما انتم شايفين مفيش لا مقر للاتحاد والجمعيه واوضة اسرة رساله اللى كان بتتحط فيها الادوات برضه اتاخدت .. معلس اصبروا شويه .. وان شاء الله كل حاجه تبقى تمام ..

الصبر يا زميلات كليتي ..