مسجد البنات

[dr moory]

بسم الله الرحمن الرحيم

بالنسبة لمسجد البنات كان فى الدور الثالث وبعدين اتنقل للدور الخامس عادى مفيش مشاكل

بس يتنقل بعد كده عند السلم بالتحديد أمام الدولايب الجديدة

أنا أول مرة فى حياتى أشوف بنات تصلى كدا فى الشارع

والأولاد والعمال بيعدوا عادى وكده حرام

يا ريت وبسرعة لو تتوفر حجرة فى الكلية الكبيرة دى فى أى مبنى بس يتعمل مسجد للبنات لأن كده حرام بجد
احنا بنوافق على كل حاجة بس من حقنا يكون فى مكان نصلى فيه

[Amira]

اه والله عندك حق .......كنت ناويه اعمل الموضوع بس كنت هستنى شويه اما نشوف هتتحل ولا هنفضل كده على طول

النهارده البنات بتصلى او قاعدين مستنيين سكشن والولاد طالعين ونازلين

والمكان اللى كنا بنصلى فيه قبل كده موجود والسجاجيد مفروشه فيه وفاضى طب خرجنا بره ليه ....... الله اعلم
بس هو بقاله يومين تقريبا مفتوح وفى بنات بتقعد جوه بس مش عارفه بقى ساعه الصلاه بس ولا على طول بيبقى مفتوح

[dr moory]

لا على فكرة انا كل ما اطلع اصلى بيكون مقفول
احنا عايزين حد يهتم بالموضوع

[Amira]

مش عارفه انا كنت قاعده فيه النهارده قبل سكشن العضويه

بس برضو حتى لو كان بيتفتح فى اوقات الصلاه بس ..ماينفعش..... لازم يبقى مفتوح طول مافى ناس فى الكليه لانى انا عمرى ماكنت بطلع الا والاقى ناس بتصلى

فى ناس بتخلص السكشن او المحاضره بعد وقت الصلاه مش معقوله هنقولها ماتصليش اتاخرتى عن الوقت المحدد

عموما خير ان شاء الله

[Dr:Hala]

عندك حق يا دكتور ما ينفعش الكلام ده
إزاى مانلقيش مكان مغلق وكويس نقدر نصلى فيه........
وهوه ده مش من حقنا .........بقى كليه بسم الله ماشاء الله كبيره بالشكل ده وما فيش مكان محترم نصلى فيه ...
بقى ده تقدير الكليه واحترامها لينا نصلى كده قدام اللى رايح واللى جاى ....
أنا وحده من الناس يستحيل هصلى كده اركع واسجد والناس بتعدى عليه...
طب إزاى
إحنا بنقول إن الكليه فيها تطورات كتير والحمد لله بتحاول توفرلنا كل شىء ممكن ....وما فيش مكان نصلى فيه..
ياريت من ضمن التطورات دى يكون مكان كويس ينفع إن بنات تصلى فيه.....

[Mohamed Al Gohary]

متنسوش يا جماعه اننا الوقتي فى مرحلة انتقال في الكليه والاقسام بتتوسع .. والاتحاد نفسه مالوش مقير غير ان مفيش مكان الولاد تصلي فيه ..

عموما شكواكم هتوصل وهيبقى لها حل ان شاء الله .. ربنا يسهل ..