دكتور على ماتفرج

[manoo]

انا مش عارف ابدأ ازاى بس كل اللى اقدر اقوله انى مش حاسس انى دكتور بجدز
الناس دايما تسألنى عن حاجات ومش عارف اجاوب عليهم مش عارف هل تقصير منى فى الدراسة
ولا تقصير من الجامعة ولا العيب فى الناس...........
ياترى يمكن ان الناس بتسأل اسئلة اللى يجاوبها طبيب وليس دكتور صيدلى............
ولا الاسئلة بتاعت الناس لازم الصيدلى يعرفها حتى لو لم تدرس فى الجامعة...............
ولا ايه........................
ياريت اللى يعرف تفسير او حل يقول وجهة نظره................
لان ساعات اتسألأ سؤال لا اعرف شىء عنه طول حياتى ولم ادرسه....
ياريت اعرف ردكم واقتراحتكم ايه................
شكرا.............
د-عبدالرحمن......
- ............................
والسلام عليكم ورحمة الله وبركاته.............................

[Pharmcist_girl]

الخبرة الخبرة هى الشئ اللى احنا نفتقدها وكمان لازم نقرا فى كتب من بره تمس الحياه العمليه اكتر حاجة تزود خبرتنا بعنى

[M_S_SH]

انا اسمع من زمايلنا الي اكبر مننا ان الصيدله الي بجد في تالتة ورابعة
فبتهيقلي يا دك باذن الله بعد ما تعدي السنتين دول اكيد هتغير رايك

[مهداه]

عندك حق يا دوك
انا كمان اتحطيت فى الموقف ده قبل كده
بس انا حاسه ان التدريب هو الحل
وكمان ذى ما الدكتوره قالت نجيب كتب
بس يا ريت اللى عنده كتب حلوه ومفيده يقول عليها
شكرا

[DR DOOLA]

لو حسيت انك هتتوه لما ييجو يسألوك توههم انت
و ده فايدة التدريب من بدرى فى الصيدليات
و كمان الصيدلى بقى مطلوب منه الا يتوقف عن القرايه و خاصة كمان فى كتب طب
لان فى فى بعض المناطق الصيدلى افضل من الطبيبا لبشرى
فدلوقتى على عاتقه مسئوليه جامده
فاصبح مطالب بمتابعة كل ما هو جديد فى الادويه و مش يسيب ولا بروشور الا لما يقراه
و زى ما قالو انت لسه مخلصتش يا دوك و لما نخلص نشوف الموضوع ده هيستمر و لا ايه
انا اعتقد انه مش هيستمر ان شاء الله
و ميرسى على التوبيك يا دوك

[Mohamed Al Gohary]

كل ده هتقدر عليه بعد ما تقف فى صيدليه وده فايدة التدريب الصيفي بجد ..

[pharmacistina]

دكتور manoo




أنا كنت كدة من كام سنة ..

بجد و الله و انا بحلف ..

مفيش حد بيتولد عارف كل حاجة ,

الناس بتسأل في الأدوية , و بتسأل عن بعض الأعراض , و ناس عايزة علاج لحاجات معينة ..

بعد سنة ثالثة صيدلة هتلاقي الوضع اتحسن أوي , هتلاقي نفسك بقيت دكتور صغير كدة .. ماشي الحال يعني ..

بس اياك تتغر

أصلا انت لو قضيت عمرك كله تدرس الصيدلة و الأدوية مش هتحصيها ,

بس انت اعمل أحسن ما عندك ..

صدقني حاول تقرأ و ذاكر فارما و طبية و فيتو كويس جدااا ..

و حاول تقرأ ع النت , كنوع من الثقافة ..

شوية شوية هتلاقي الناس بتسألك و انت بتجاوب , و هتبقى مبسوط أوي بكدة

ممكن تبقى لسة قاري الحاجة النهاردة الظهر و تصدف ان حد سألك فيها العصر و تكون لسة قاريها فتجاوب , ساعتها هتقول الحمد لله و تكون مبسوط ..

و شوية شوية هتلاقي نفسك بجد بقيت صيدلي .. بس دة مش بيحصل بسرعة , دة بياخد سنين ..

كل ما تقرأ أكتر , كل ما توصل أسرع ..

أنا مبسوطة أوي ان حضرتك عايز بسرعة تبقى عارف كل حاجة , دة شيء رائع و أتوقع لحضرتك مستقبل رائع ..

ربنا يوفقك ..

[Retag]

انا كمان اتحطيت فى الموقف ده كتير وكنت حاسه باحراج شديد

[chocolata]

بجد يادكتور احسنت اختيار الموضوع دا برده انا بحس بيه كام مرة حد يسالنى على حاجه وانا اتكسف واعمل نفسى بهزر واقول معلشى اصلى لسه مخدتهاش متتصورش انا من جوايا ببقى بجد حزينه وحاسه بالخجل جدا وانى عمرى مهبقى دكتورة صيدلانيه بحق مش على ورق وبس لانى مفيش خبر ولا عمل ولا ذاكرة تسجل اى حاجه وتفضل موجودة دايما ومش عارفه اعمل ايييييييييييييييييه انا كماااااااان؟؟؟؟؟؟؟؟؟

[محمد سمير]

ما فيش حد بيتولد كبير يامانو & وياشيكو


كل حاجه هتجى بالخبره والممارسه وكلنا كنا زيكم وما زلنا برضه لسه فى حاجات ما نعرفهاش اوى

وبجد التدريب الصيفى بيفرق كتير مع الواحد


وحاولوا على طول تقرأوا كتير فى المجالات الطبيه والدوائيه عشان تبقوا ملمين بالحاجات الجديده


اتمنى ليكم التوفيق