مطروح للنقاش .. هل تكنس صيدليتك

[pharmacistina]

السلام عليكم ورحمة الله وبركاته

كل عام و أنتم بخير أساتذتي الكرام , اخواني و أخواتي صيادلة المستقبل ..

و أتمنى من الله عاما دراسيا موفقا و سعيدا لنا جميعا ..

فكرة راودتني منذ بضعة أيام , أثارها مشهد رأيته ..

فكرت فيها و أردت أن أسمع آراءكم ..

هل من الممكن أن تقوك بكنس و تنظيف صيدليتك ؟؟ اذا لم يكن هناك أحد يقوم بذلك .. لأي سبب


واضعا في اعتبارك نرة الناس و ما قد يلحق بك من انتقاص نظرة الناس ,

واضعا في اعتبارك أن الصيدلية بيتك الثاني و مكانك ..

واضعا في اعتبارك أشياء كثيرة تختلط علينا ..


شارك برأيك معنا ..

[Mohamed Al Gohary]

طبعا ممكن .. وعملتها قبل كده فى الصيدليه بتاعة خالو اللى انا بدرب فيها من اعدادي ..

[mona_ ph]

ممكن لأن ببساطه منظري هيكون ايه وانا واقف في المكان اللي المفروض يكون مفيش انظف منه وهو مش نظيف
اكيد شكلي هيكون اوحشششش ومفيش حد هيبقي حابب يدخل الصيدليه

[NonY]

طبعا هنضفهاااا
دا لازم ..

خاصة التنضيف الخفيف الشبه يومى دا ..
عشان التراب اللى بيدخل
بما ان الصيدلية مفتوحة طول الوقت للناس ..

دا انا هزوقها كمان

و بعدين ممكن أنضف قبل ما أفتح
مش لازم نفرج الناس يعنى ..

[Amira]

اكيـــد طبـــعا هنضفها

و كمان هنضف الارفف بتاعه الادويه

بس لو صيدليتى او صيدليه حد قريبى لكن لو مش صيدليتى يبقى مش هنضفها

[عبدالله عبدالرحمن]

بصراحة انا مش عارف اصلا صيدليية ايه اللى مش هيبقى فيها عامل
مينفعش أصلا
لازم الصيدلية يكون فيها عامل واحد على الأقل
وافتراضا ان مفيش حد يقوم بالوظيفة دى
فالصيدلى مكلف يجيب حد يعمل الوظيفة دى
يعنى يا جماعة احنا بنقول ان الصيدلى ميتعاملش فى الأمور المالية وكده عشان نبعده عن شبهة البقال
والكلام التعبات ده
وفى الأخر
نقول يمسك مكنسة ويتملى تراب
طيب لما المريض ييجى يتعامل معاه ازاى
وهو ماسك مقشة
بتهيألى صعبة جدا
وغير مقبولة
وبتهيألى ان توفير
عامل ولو حتى بالأجرة اليومية قد يكون مناسب أكثر

....
شكرا على الموضوع

[محمد سمير]

طبعا هنضفها لان جمال ونظافة الصيدليه بتدل على شخصية اللى واقف فيها

وده مش عيب ولا فيه احراج انى انضف الصيدليه بتاعتى

وابرفنها كمان وده مش تقليل من قيمتى خالص

بس انا لما احب انظف الصيدليه هنضفها بس مش قدام حد

عشان برضه البرستيج وكده يعنى

ولو مش عاوز انضفها بنفسى اجيب ليها عامل ينضفها كل يوم

موضوع مهم جدا ياد/ منى واحسنتى انك فتحتيه

[SmSm]

أكيد كل واحد يحب يكون واقف في صيدلية نضيفه و خاصة لما تكون صيدليته هو .. لأن ده المفروض باعتبار الصيدلية مكان لصرف الادوية وأحيانا للتشخيص ..
انما ان الدكتور الصيدلي بنفسه هو اللي يعمل كده بنفسه فده بيقلل من قدره قدام الناس .. على رأي د . الشابوري ,, سألنا تفتكرو ليه دايما الدكتور الصيدلي في مكانه أقل من الدكتور البشري ف عيادته !! و كان رأيه ان موضوع ان الصيدلي هو اللي ينضف بقه الصيدليه جوه و بره كمااااااان و يرش مايه و حاجات كده ... ( بالاضافه ل اللبس ف الصيدليه و نضافه الدكتور الصيدلي نفسه .. ) عمر ما الدكتور البشري يعملها أبدا بالعكس ده الدكتور البشري حتى لو كان لسه مبتدئ بيحاول يفرد نفسه بأشكال كتير ....... تخلي اللي قدامه يحطه ف المكانه الصح .
أنا شايفه ان مش المفروض أبدا ان الصيدلي يعمل كده بنفسه .. بس ف نفس الوقت ما يهملش أبدا نظافة الصيدليه ..

[BoNbOoNa]

هل من الممكن أن تقوك بكنس و تنظيف صيدليتك ؟؟ اذا لم يكن هناك أحد يقوم بذلك .. لأي سبب
اكيد طبعا .... هو احنا ورانا حاجة غيره
التنظيف عندنا يوميا في الصيدلية ...كل يوم حد ينضف بالتبادل
و آخر الاسبوع تقوم العاملة بتنظيف من النوع التقيل بقي .... و بنحاول نساعدها علي قدر الامكان
واضعا في اعتبارك نرة الناس و ما قد يلحق بك من انتقاص نظرة الناس ,
لم اشعر بـ " انتقاص نظرة الناس " ابدا .... بل علي العكس تماما البعض يعرض المساعدة ( كترتيب الارفف العالية مثلا )
طالما ان المريض يحصل علي اهتمام كافي من باقي الزملاء فلا مشكلة علي الاطلاق
لكن طبعا مش أكون واقفة لوحدي و قدامي زباين و انا قاعدة انظف ولا كأن في حاجة .. اكيد هينتقصني الناس لانني لم اعاملهم بالاحترام و الاهتمام المطلوب
واضعا في اعتبارك أن الصيدلية بيتك الثاني و مكانك ..
سواء بيتي الثاني أو الثالث هي مكان اقضي فيه أكثر من ثلث يومي ,, فكيف يتوقع من احد ان يعمل طوال هذه المدة في مكان غير مرتب غير نظيف مشبع بالأتربة ... اكره الاماكن الغير نظيفة و ان كانت فخمة و احب الاماكن النظيفة و ان كان كوخا صغيرا ....
واضعا في اعتبارك أشياء كثيرة تختلط علينا ..
سيدنا عمر بن الخطاب كان ينظف الحمام - اعزكم الله - لعامة الناس .... في فترة خلافته
"من تواضع لله رفعه "
انا اري انني اكتسب أضعاف احترام الناس حين اتعامل معهم بطبيعتي
أنا برستيجي الوحيد جوة الصيدلية هو الأمانة و البالطو ....
===============
======
عام دراسي موفق ان شاء الله يا فارماسيستينا
تحيــــاتي

[د\بوسى ربيع]

لا طبعا لا يمكن اقف اكنس او كده فى الصيدليه ليه يعنى طب ما فى عمال نظافه ده طبعا بينتقص من منظر الدكتور ده من غير اى حاجه بيقولو علينا بقالين طب بعد ما نكنس بقى لا طبعا ممكن ارص الدواء عادى ارتب الرفوف لكن اكنس مستحيييييييييييييييييييييييييييييييييييييل