اقتـــراح بخصـــوص زحمـــه المدرجـــات

[Amira]

الســـلام عليكم ورحمة الله وبـــركاته
الصلاه والسلام على سيدنـــا محمد وعلى آله وصحبه اجمعيـــن

طبعا معروف ان كليتنا مقسومه مجموعتين وحاليا 3 مجموعات

ومعظم الناس مش ملتزمه بمواعيدها

فى حاجه بيعملوها فى كليه تجاره طبعا لما اتقسموا "السنه دى اول سنه يتقسموا"

النهارده شفت مع اخويا كارنيه فيه صورته واسمه بالكامل و المجموعه بتاعته

والعامل قبل ما كل طالب يدخل بيشوف اسم المجموعه من الكارنيه واكيد مبتاخدش وقت

طبعا الاقتراح ده ناس كتير قالوه بس للاسف ماشوفتش حد عرضه هنا على المنتدى

انا شايفه ان ده اسهل حاجه نحل بيها مشكله عدم التزام الناس

لان مش كل دكتور هيدخل هيضيع المحاضره فى انه يطلع الناس اللى مش تبع المجموعه بره

اتمنى ان الاقتراح ده يعجبكم ان شـــاء الله

[smart_girl]

ياااااريت والله
بس المشكلة ان العامل فى الغالب بيدخل كله
بس لو هيلتزمو
يبقة يااااارييييييييييييييت

[محمد سمير]

بالنسبه لينا مش هتفرق لان عدد قليل هو اللى بيحضر فى رابعه


ولكن بالنسبه للفرق التانيه فالاقتراح مهم جدا ياأميره

بس ياريت يتنفذ

[Chimera]

هو ف الاول بس بتبقى زحمة .. و بعد كده بح
و الله الدكاترة كانوا بيشتكوا دايما من ان المدرجات فاضية

لما الكورسات تبدأ و الورق ينزل .. المشكلة هتتحل تقريباً

.,,

[محمد سمير]

هو ف الاول بس بتبقى زحمة .. و بعد كده بح
و الله الدكاترة كانوا بيشتكوا دايما من ان المدرجات فاضية

لما الكورسات تبدأ و الورق ينزل .. المشكلة هتتحل تقريباً

.,,

عندك حق

بس المدرج اللى بيفضل زحمه بتاع اعدادى

[Larine_Resala]

المشكلة اللي عندنا ان أغلب الناس بيحضروا ف مجموعة واحدة

يعني أول يوم المدرج كان زحمة جدا في مجموعة ب الساعة 9 ومجموعة أ بعد الظهر كانت الزحمة أقل بكتير

[rose_pharm]

اقتراح كويس جدا

علي الاقل هلاقي مكان اقعد فيه من حقي في مجموعتي

وياريت كمان الناس اللي بييجو ويحجزو لنص الناس اللي مجتش

فيه ناس معروفين عندنا كده في الفرقه واحدة تيجي وتاخد بنج بحاله ليها واتباعها وكاننا في حرب

وان حد قرب ممكن يحصل معركة وكمان ايه فيه زوق متناهي ان كمان لو حجزة لتلاتة اربعة وقلت هتقعد علي ما ييجو تلاقي حد بيقومك عشان يقعد هو بصراحه منظر تحفه هو ده الايثاااااار مع انك ممكن تكون جي جري ومواصلات وياعالم ممكن تكون جاية ازاي

خيير خيييير يا جماعة ياريت بس اللي يحجز يحجز لواحدة اتنين مش عشرين

ولما حد يلاقيهم مجوش بقي بعد المحاضره بعشر دقايق كده في المعقول يرحم الناس الواقفه

مش يقعد ويفرش كتبه حواليه والناس مهدوده

وشكرا علي الاقتراح

وجزاكم الله خيرااااااا

[Larine_Resala]

بصراحة حكاية الحجز دي مستفزة جدا يعني اللي تحجز كفاية قوي لواحدة أو اتنين لكن مش يحجزوا لفريق كورة

[قناع الذهب]

ممممممم هيا فكرة حلوة والله يا اميرة بس عايزة اقوللك على حاجة تالتة ورابعة مقسومين مجموعتين بس يعنى دى اد دى فمش فارقة كتير وبعدين كلها 3 اسابيع قولى شهر بالكتير والمدرج هيرجع زى ما كان والطلبه تبدا كورسات وتذاكر من الورق الا عدد قليل طبعا بس مبدئيا اقتراح كويس على الاقل الشهر دا علشان نتفادى العدوى لحد ما العدد يقل تانى فى المدرجات
وبعدين بصراحة الطلبه خالف تعرف ساعة ما يبقاش فية خطر ولا حاجة تلاقى المدرج مهووووى ومايحضروش الا ما الدكتور يقول هاخد غياب
وساعة انفلونزا الخنازير بقة تلاقى الاجتهاد نزل مرة واحدة وازاى منحضرش المحاضرات
يللا ربنا يسهل

[dr_orchida]

تمام يا اميرة
بس يااااااااااااااااااااارب يتنفذ