البنات و الشيشه (كلام منقول عن بنت )

[DR DOOLA]

كنا زمان نقول الراجل ال يشرب سجاير وشيشه يبقي راجل مش تمام وبيضيع فلوسه ع شئ فاضي كنا بنقول ده راجل فاسق ...بس ده كااان زمان
الوقتى بقت السجاير للراجل شئ طبيعي وعادي جدا
وكنا زمان برضوا

القهاوي والكوفي شوب كان للرجاله بس
مفيش حاجه اسمها واحده ست تقعد ع قهوه ...بس برضوا ده كان زمان
الظاهر ان الدنيا اتغيرت
عاداتنا اتغيرت
لما كنا بنشوف واحده تشرب سجاير نقول خلاااااااااااص دي اخر الدنيا وعلامات الساعه بدءت ونبقي ف حااله زهول
الايام اتغيرت
والاحوال اتبدلت
بقينا الوقتى للاسف البنات والستات تشيش بمنتهي الوقاحه ف الكوفي شوب والقهاوي ومش حتى حاسين انهم مكسوفين من نفسهم ولا بيعملوا حاجه غلط

والله من اسبوع وف رمضان كمان شوفت شويه بنات قاعدين ف مكان محترم ف بورسعيد وبيطلبوا شيشه عادي جدا وف الاخر بعد ما شيشواا اكلوا لبان ال ايه يعنى بيضيعوا الريحه عشان هما بنات محترمه وخايفين من اهلم ....عداهم العيب يا جماعه عاملين حساب اهوا لاهلهم مفيش لوم عليهم يارب ارحمنا برحمتك من البلاوي دي
وربنا يستر ع الايام الجايه
حتى المعسل بقي للبنات
لاحول ولا قوه الا بالله وصل حال المراه للدرجه دي.
...
هي دي الحريه ال بتطلبها المراه ؟؟؟؟؟
هي شايفه كده انها بقت متحرره ...؟؟؟
والله ده منتهي الغباء لو تفتكري ان دي حريه وانك كده وصلتى لمنتهي الحريه ال انتى طلباها
خلاص المراه اتهانت بس مش حد هانها لالالا هي ال بتهين نفسها بنفسها
انا بالمنظر ده بطلب تحرير المراه
لان المراه حالها مش عاجبنى
بقت للاسف وقحه والحياء اختفي من عندها

[Nayroz]

السلام عليكم اولا يا دكتور
ثانيا
انا معاك انا ظاهرة الشيشة دى بقت موجودة بين بعض البنات
ودى بنشوفها واضحة لما بنسافر القاهرة بالذات او اسكندرية
فى الرحلات
بس اكيد الموضوع ده انتشر بين فئة معينة من البنات سواء بقى لسوء التربية
او لاسباب تانية مش عارفاها بصراحة
لكن تعميم انعدام الحياء والوقاحة للبنات والنساء بشكل عام
بجد فيه ظلم كبير للغالبية
مهما كان المجتمع دلوقتى وصل لايه ونسبة الاخطاء اللى زادت فيه واللهى من النوعين مش النساء بس
ففالاخر ماننساش ان احنا مجتمع اغلبه اسلامى وان الخطا مهما وصل فيه مش بيوصل الحمد لله
لشىء فظيع
والغالبية فيه فى رايى كويسة وملتزمة لحد كبير
وبجد كتير من بناتنا ونسائنا الحمد لله كويسين وبيراعوا ربههم قبل الناس فى تعاملاتهم
لان ربنا الاحق اننا نخاف منه ونعمل حسابه قبل الاهل
وبجد ماينفعش نقول ان المراة اتهانت وانها هى اللى هانت نفسها
لان كلمة مراة دى كلمة عامة تشمل جميع النساء
المفروض نقول ان المراة اللى بتعمل الاشياء دى
سواء شيشة ...سجاير ...لبس فاضح..الى اخره
هى دى فعلا اللى هانت نفسها بس
فى النهاية يا دكتور
ارجو ان حضرتك ماتكونش اضايقت من كلامى
بس الخير واللهى فينا لسة موجود
الحمد لله

[DR DOOLA]

لا و الله اسعدنى كلامك جدا
و عندك حق فى اللى قلتيه بس على فكره نسبة الحياء عند البنات بدأت تقل
و ان لم تستحى فافعل ما شئت

[smart_girl]

اولا احيك ع التوبيك
عشان دى ظاهرة بقت منتشرة كتيييييييير اوى
وموجودة عندنا كمان كتير
مش بس فى اليكس او كايرو
بس زى ما الدوك قالتلك مش ينفع نعمم ونقول ان البنات كلهم كدا
عشان لسه فى بنات كتير جدا محترمة
بس اللى بيعملوا كدا
عاوزين يحسوا انهم خلاص بقو زى الشباب فى كل حاجة
وفاكرين ان هيا دى المساواة والحرية
انهم يخرجوا عن طبيعتهم اللى ربنا خلقهم بيها
وزى ما انت قولت اذا لم تستح فافعل ما شئت
بس الحمد لله ان لسه فى بنات كتير محترمين وقادرين يحافظو على صورتهم

[مهداه]

تعرفوا انا بسمع بس عن حكايه ان البنات بتشيش
الحمد لله لسه مشفتهاش_ده طبعا غير فى التليفزبون_
وده معناه ان الحكايه لسه محدوده _ الحمد لله_ على الاقل من وجهه نظرى
يا رب اهدنا واهد كل شبابنا وبناتنا

-----

لا و الله اسعدنى كلامك جدا
و عندك حق فى اللى قلتيه بس على فكره نسبة الحياء عند البنات بدأت تقل
و ان لم تستحى فافعل ما شئت

مش كل البنات يا دوك
والدليل ان نسبه قليله جدا هى اللى بتعمل كده

[mona_ ph]

انا كمان بسمع عن الحكايه دي بس الحمد لله مشفتهاش
واكيد دول فئه صغيره جدا
ربنا يهدي الجميع

[Dr_r.m.m]

فعلا يادكتورمحمد عن حضرتك الف حق انا كنت فى القاهرة مع ماما وبابا من كام سنة كده وبعدين رحنا الحسين لقينا ستات بتشرب شيشة انا وقفت متسمرة مكانى وبقول ازاى

وفعلا فى ستات بتشرب سجاير ازاى والله معرف ممكن نقول ده من قلة الدين والوعى الدينى

وممكن نقول دى من علامات الساعة

المفروض بقى حاجة ينزل قرار من اى مسؤل يمنع الشيشة دى نهائى واللى يشربها يعاق بشدة لمنعه منها باى حال بس نقول ايه بقى

وفعلا رسولنا قال اذا لم تستحى فاصنع ماشئت صدقت يا رسول الله

واسفة لو كنت طولت على حضرتك وربنا يهدى جميع بنات وشباب المسلمين

[Mostafa 3laa]

انا كمان بسمع عن الحكايه دي بس الحمد لله مشفتهاش
واكيد دول فئه صغيره جدا
ربنا يهدي الجميع

اعتراااااااااض

مش فئه صغيره ولا حاجه...الموضوع ده انا شايفه ف المنصوره مش ف الحسين بقى ولا حاجه ولو عايزين ممكن اقولكو الكافيهات اللى بيروحوها كمان
الموضوع مش قليل وفعلا الموضوع ده قرب يبقى ظاهره
يعنى البنت تدخل الكافيه تسيب كل حاجه ف المنيو وتطلب شيشه
والله العظيم شايف ست وراجلين التلاته قاعدين يشيشو مع بعض...عيله متعاونه لما زوجها او اخوها يسمحولها بكده عايزين منها ايه بقى؟؟
انا -معلش-معترض على كلام د/مهداه ود/منى...الموضوع ده بدأ ينتشر اوى مش قليل زى ما حضراتكو بتقولو

[DR DOOLA]

وعلى فكره كمان يا مصطفى
فى ستات كتير متجوزه بتشرب سجاير من ورا اجوازها كمان
و كمان فى بنات فى الجامعات بيشربو سجاير برده
و لو مش مصدقين ابقو شوفو حمامات السنتر اللى ادام المكتبه ده عندنا
ده ير الرجاله اللى بتساعد ستاتها ان هما اللى يشربو و يعرضو عليهم

[jojo_m]

موضوع جميل
بس اكيد مينطبقش على كل البنات
دى نسبه قليله جدا