يوميات فاشل عاوز ينجح.....متجدد

[Dr/HULK]

ازيكوا ياناس

عاملين ايه اكيد طبعا كويسين لاما زعلانين العادى

الموضوع اللى هتقروه بعد شويه

منقول من جروب على الفيس بوك

ممكن يكون فيكم ناس عارفينه

وهو عبارة عن 10 حلقات من الفشل

لشخص تقريبا فاشل فى كل حاجة

يلا نبدأ
الفسل الاول بعنوان:

الحب الحب

بدات حكايتى وانا فى تالته ابتدائى



كنت بشوف اعلان واحد بيطلع فيه ويقول كول وافلام التسعينيات ديه اعد افكر فى الكلامه وفى الاخر قررت ابقى كوووووول



صحيت الساعه السابعه والنصف كالعاده وسمعت اغنية عايزنها تبقى خضر الارضى الى فى الصحراء وشربت لبن وبطنى وجعتنى كالعاده مش من اللبان من الاغنيه



ورحت المدرسه وانا ماشى عمال افكر ازاى ابقى كول



المهم كان عندى واحد صحبى اسمه احمد كان بيحط زيت امله على شعره وبنطلونه مرفوع لحد صدره اظهار انه كان بيدفى صدره بيه ورابط القميص لحد ماهيشنق نفسه بيه



قولت ده الواد الكول الى فى صحابى كلهم



فقررت اروح اسئله ازاى ابقى كول زيك فرد عليه



احمد: كول سرح شعرك وامسك منديل فولار اوعى تجيب فاين فولار احسن والبس ساعه وحس انك كول وانت ماشى



خلص اليوم وروحت وكان عليه درس باليل فقررت انى افاجئ الناس كلها وابقى اجمد كووووول فى مصر



لبست بنطلون ورفعته لحد صدرى كنت حاسس ان هيغمى عليه من البنطلون وتنيته من تحت لحد مابقيت شبه بتوع المطافى



وحبيت اخرج عن كلام صحبى واحط جيل فى اول واضخم حدث هو الاول من نوعه وهو انى هبقى كول



رحت الصبانه وجبت بربع جنيه جيل وحط بقى ياكول على شعرك واستحمه بالجل حطيت كمية جيل محدش حطها ابدا



ولبست قميص كول كده كنت حاسس ان رايح جنينة الحيوانات من كتر الحيوانات الى عليه ولبست ساعه كتينه موديل 1919 من ايام عمك سعد ومشيت فى الشارع وانا حاسس انى كول واجمد كووول فى التاريخ البشرى رحت الدرس وكنت اتاخرت طبعا عشان بظبط الكول بتاعى



ودخلت ووقعت عنيه على ندى وبجد ندى والحب والكول ابتداء ذات الشعر القصير الوجه الذى لا يفرق عن وجه الولاد فهى فى ذلك الوقت لا تملك اى شىء يدل عن انها بنت او اى داليل عن انوثتها فهى فتات احلامى وبجد ندى والحب والكول ابتداء



اعد ابصلها طول الحصه وشعرى غرقان جيل وبمنظرى العجيب ده وبعد مخلص الدرس قولت لاحمد انا بحبها اوى قالى



احمد: هو انت شوفتها غير مرتين خلاص هظبطك معها



طبعا احمد ولا ظبطنى ولا حاجه كل تظبيطه اننا مشينا جمبها طول الطريق كنت حاسس سعاتها انى فى الصم والبكم



وفى الاخر قررت اكلمها واصرحلها على كووول الى فى القلبى قصدى الحب يعنى



فكانت ماشيه هى واحده صحبتها وانا واحمد لقتها بتقولى انت بتحب ياعبدالله يااااااااه مش عارف اوصفلكم اللحظه ديه حاسيت ان الكول عمل حاجه رديت عليها قولتلها انا اها اها بحب



ندى : مين ياعبدالله



انا: وبكل ثقه انتى بحبك انتى



لقتها مره واحده راحت قالبه وشه ولسان حالها بيقول انا احب الكول ده ازاى يعنى



لقتها راحت قالتلى احنا لسه صغيرين على الكلام ده



طبعا انا فى اللحظه ديه كل الكول عندى وقع حسيت ان البنطلون نزل من على صدرى وكيلو الجيل الى كنت حاطه على شعرى بيقع وبنطلون المطافى بدا ينزل من تحت



المهم كالعاده عم عليه السكوت وفضلنا ماشين حوالى 50متر كده وفجائه احنا الاربعه ماشين فى خط واحد راحت واخده يمين هى وصحبتها من غير سلام او بيس يامان ولا اى حاجه كوووووول



كان منظرى انا واحمد مش كول ولا طعميه كمان



ودي كانت البدايه بس طبعا قصص الحب مخلصتش






نهاية الحلقة الاولى

سؤال بس

تحبوا اكمل الحلقات كلها فى الموضوع ده

ولا احط كل حلقة فى موضوع منفصل؟؟؟؟؟؟؟؟؟؟

[simsimstar]

ازي حضرتك يا دكتور
طبعا الموضوع ظريف جدا وخفيف جدا
وعجبنى والله
أما حكاية الحلقات دى
فأنا من رأييى إن حضرتك تنتظر لما
يبقى فى مشاركات وردود لكل حلقة
منفصلة
وكمان عشان يبقى فى تفاعل
وأكيد الموضوع هينال إعجاب الجميع
زى ما عجبنى

[d\omnya]

موضوع حلو وان شاء الله ينال اعجاب الجميع وكمل يادكتور الحلقات .

[قناع الذهب]

لبست بنطلون ورفعته لحد صدرى كنت حاسس ان هيغمى عليه من البنطلون وتنيته من تحت لحد مابقيت شبه بتوع المطافى

هههههههههههههههههههههههههههههههههههههههههههههههههه ههههههههه
لا موضوع حلو يادكتور
كمل وكلهم فى موضوع واحد

[mona_ ph]

موضوع جميل مستنيين باقي الحلقات
منفصل او متصل بقي اللي حضرتك شايفه احلي كمل فيه

[عبدالله عبدالرحمن]

سؤال بس

تحبوا اكمل الحلقات كلها فى الموضوع ده

ولا احط كل حلقة فى موضوع منفصل؟؟؟؟؟؟؟؟؟؟

انا رأييى تعتزل
وتريح دماغك
ولومختش بنصيحتى
غير اسم الشخصية
احسن لك


الله يرحم مواضيعك
اللى كانت بتكسر الدنيا

[Dr/HULK]

انا رأييى تعتزل
وتريح دماغك
ولومختش بنصيحتى
غير اسم الشخصية
احسن لك


الله يرحم مواضيعك
اللى كانت بتكسر الدنيا

مانت اول واحد كان بيسيبنى فى المواضيع اللى انت بتتكلم عنها

وبعدين فى ناس بتزعل من مواضيعى

وبعدين اساسا ده مش موضوعى دا انا ناقله

فاكر لما كنت عاوز اعمل موضوع عن كتاب الميكرو
و كلكم خوفتونى منه

فانا قررت الاسبوع اللى باقى فى الدراسة

اهدى شوية

عشان لما الدراسة تبدأ ابقى مستعد

[dr moory]

طبعا انا فى اللحظه ديه كل الكول عندى وقع حسيت ان البنطلون نزل من على صدرى وكيلو الجيل الى كنت حاطه على شعرى بيقع وبنطلون المطافى بدا ينزل من تحت

شوفتوا حصل ابه بعد ما ندى صدمته ههههههههههههه


تحبوا اكمل الحلقات كلها فى الموضوع ده

ولا احط كل حلقة فى موضوع منفصل؟؟؟؟؟؟؟؟؟؟

لا كمل يا دكتور التوبيك لذيذ منفصل او متصل مش هتفرق كتير
اى حاجة تضحك وخلاص بدل الزعل والاكتئاب اللى بيعم على معظم الناس

[مهداه]

هو الموضوع كووووووووووووول
بس لذيذ
يلا يا دوك كمل

[mohamed samir]

بجد فكرة الموضوع جميلة

الحلقة انا بعتبرها كويسة بس انا هستنى منك الاحسن منها



مستنين باقى الحلقات