لماذا هجرنا الصيدلة

[pharmacistina]

السلام عليكم ورحمة الله وبركاته

كل عام و أنتم بخير ..

قريبا تبدأ الدراسة , نسأل الله عز و جل أن يوفقنا جميعا لما يحب و يرضى و يرزقنا الاخلاص ..


سؤال يشغلني كثيرا جدااا , خصوصا بعدما قرأت ما يكتبه بعض الأطباء بخصوص الصيادلة ,

هذا الموضوع الذي يشغلنا جميعا ..


تعالوا لا نهرب من الواقع , ندرس المشكلة , تعالوا نصارح أنفسنا , و لا نحزن من واقع لم نكن يوما السبب فيه ,

لكن على كل حال هو واقع غير جيد , و لذا يحتاج للاصلاح الذي هو مهمتنا و درونا في الحياة تجاه مهنة الصيدلة ..


اخواني و أخواتي صيادلة المستقبل ..

لنعد بالزمن الى عهد قديم ..

عندما كانت مكانة الصيدلي مفروضة و عالية جداااااا , لا تحتاج لمن يجادل و يثبت علم الصيدلي و دوره في المجتمع ..

كان الصيدلي يصنع الأدوية بنفسه .. هذا هو الصيدلي الحقيقي ..

لماذا هجرنا الصيدلة ؟؟

أجيبوني ..


الله يخرب بيت شركات الأدوية ..

سرقت مننا مهنتنا ..

عندما نرى الدبلومات قائمين بالأمور التجارية في الصيدلية على أكمل وجه , و يشعر الصيدلي أن وجوده في الصيدلية لن يفيد كثيرا ..

بدأ الصيادلة يتركون الصيدليات ,

و أصبحت حقا تجارة ..

يصعب علي أن أقول هذا الكلام , لكن A B الاصلاح هو مصارحة النفس بالواقع و ان كان مرير ..


لماذا اذا أدرس مادة الصيدلانيات ؟؟

لماذا حضرت بيدي أقراص و أشربة و أقماع و مراهم و كريمات ؟؟

لماذا لا نعود كما كنا , نحضر الأدوية ..

و القانون معنا ..

الصيدلي من حقه تصنيع الأدوية أقصد الـ dosage forms من الأدوية الخام ..

و لكن ..

لكي نتخذ هذه الخطوة لابد من أشياء عديدة نأخذها في الاعتبار , أناقشها في مشاركة لاحقة ..

أريد مشاركتكم معي في تفكيري ..

سواء بالتأييد أو المعارضة ..

شكرا لكم ..

[احمد الجوجرى]

فعلا هو ده السبب الحقيقى لهذا الجدل الواسع بين الصيادله والاطباء وعامه الشعب

قديما كانت معظم الادويه يتم تحضيرها فى الصيدليه وكان المعمل من اولى اهتمامات الصيدلى عند فتح الصيدليه وكان الصيدلى فى هذا الوقت ذو مكانه يحسده الجميع عليها لأن بدونه لم كان هناك علاج
يعنى تخيلو الطبيب شخص الحاله ومفيش علاج
وكان كمان طريقه كتابه الروشته تختلف عن الان حيث كان الطبيب يكتب اسم الماده الفعاله والشكل الدوائى ويقوم الصيدلى بتحضيره بالنسب المطلوبه داخل معمله

لكن الان اصبحت معظم بل كل الادويه يتم تحضيرها فى شركات الادويه واصبح الصيدلى الان لا يهتم بوجود معمل فى الصيدليه من عدمه

لأنه لايستخدمه الا فى تركيبات بسيطه تعدعلى الاصابع

لكن بالرغم من كده انا اعرف صيدليات مازلت تقوم بعمل تركيبات كثيره وفى معظم الاوقات تأثيرها العلاجى بيكون اقوى بكثير من الادويه الجاهزه ومن امثله هذه الصيدليات على ما اذكر صيدليه شرومبيل فى المحله الكبرى ويأتى اليه الناس من اماكن بعيده بسبب تركيباته الدوائيه ذات المفعول الاقوى على كثير من الامراض والكلام ده لم انقله عن سمع ولكن عن تجربه شخصيه

لذلك فأنى افكر دائما للوصول الى هذه المكانه واكثر ان شاء الله لأن امثال هؤلاء الصيادله فخر لنا

عشان كده من اهم اهتماماتى عند فتح صيدليه ان يكون بها معمل يحتوى على كل الامكانيات المعمليه وان اقوم بعمل هذه التركيبات والا اتوقف عن البحث دائما عن اى معلومات جديده او اى تركيبات جديده
لأن فعلا الشغل الذى يقوم به الان الصيدلى فى الصيدليه يجعله ينسى تدريجيا ما درسه فى الكليه لأن دى طبيعه البشر

[عبدالله عبدالرحمن]

السلام عليكم ورحمة الله وبركاته
كل عامو حضرتكوالمسلمين بخير
شكرا على طرح الموضوع

فى الحقيقة السؤال ده شغلنى كثير
لماذا لا يعود الصيدلى لعملية التصنيع الدوائى
ماهو حال الصيدليات فى الخارج
وهل يقومون بالتصنيع الدوائى
هل بيدنا ان نغير شيئا فى النظام


حسنا
فلنقم بالأجابةعلى هذه الأسئلة عسى ان يتضح لكى رأيي المتواضع


حسنا السؤال الأول

لماذا لا يعود الصيدلى لعملية التصنيع الدوائى

كما حضرتك قلتى عودة الى الزمن القديم
حال الصيدلى
-عدد أقل من الطلاب يسمح بتدريب عملى صحيح وذو كفاءة وجودة تعليمية فائقة

-محترم وله مكانته
2-يصنع الدواء
3-يحقق ربح كافى ويزيد جدا
حال سوق الدواء
1- الأصناف الدوائية تعد على اصابع اليد
2-توافر المواد الخام بأسعار مقبولة 3
-عدد أقل من الصيدليات مما يعنى عدد أكبر من المرضى موزعون على كل صيدليةمما يعنى انتاج عدد لا بأس به من الأدوية

4-استخدام التكنولوجيا الدوائية محصور على انواع محددة
5- العلوم الصيدلية المختلفة لم تتطور بما يكفى لحل مشاكل ثبات الدواءمما استلزم تصنيع الدواء تحت صفةfreshly prepared


نظرة الى الزمن الحاضر
حال الصيدلى
-عدد كبير من الطلاب لا يسمح بالتدريب او تحقيق الودة التعليمية الكافية لتحمل مسئولية انتاج الدواء


1-لا يصنع الدواء ولا يقوم بتراكيب الا من رحم ربى وفى حدود ضيقة للغاية
2-لا داعى للتحدث عن نظرة المجتمع لأنها معروفة و-ومؤلمة-
3-الربح غير متوفر على أساس عادل اجتماعيا اذا ما اخذ فى الأعتبار متوسط دخل الصيدليات جميعا

حال سوق الدواء
1- الأصناف الدوائية لا تعد ولاتحصى وتكاد تكون من المستحيل تصنيع معظمها فى الصيدليات
2-غلاء شديد فى المواد الخام بما لا يقدر عليه سوى مؤسسة كبرى
3-عدد كبير جدا من الصيدليات يهبط بعدد المرضى وهامش الربح الى حد كبير
4-تطور العلوم الدوائية بما يمكن العلماء من الحفاظ على الدواء لفترات طويلة فى وضع امن وثابت
5-اصبحاستخدام الألات ضروريا فى هذه الصناعة الحيوية


الأن

جيدالسؤال الأن
س :- اذا اراد الصيدلى العودة الى التصنيع الدوائى فانه


1-سيضطر لشراء مواد خام مرتفعة الثمن مما يعنى زيادة سعر الدواء ومع الأخذ بالأعتبار ان انتاجه سيكون على مدى أضيق من انتاج الشركات ووجود صيدليات منافسة فى مساحة ديموجرافية صغيرة
2- سيكون عليه تزويدصيدليته بمعمل يتبع اساليب تعقيم وبحتوى على اجهزة حديثة مما يزيد تكلفة العلاج على المريض
3- سيضطر لمواحهة شركات أدوية عملاقة لا قبل له بها مع سيطرتها الحالية على سوق الدواء
4- المصيبة الأكبر اذا تسببت بروبجاندا الشركات فى تسرب الشك للمريض فى سلامة الدواء المصنع فى الصيدليات


بعد هذا كله اعتقد ان اجابة السؤال الأول واضحة هناك الف عائق وعائق
حروب لن تنتهى وللأسف ستكون مضيعة للوقت والجهد
اكاد اجزم ان عودة الصيدلى للتصنيع الدوائى لن يتحقق ابدا
الا اذا زالت التكنولوجيا الدوائية الحالية
وعدنا 50 عام الى الوراء وهو مالا يتمناه اى احد يخشى على صحة المريض

اذا الحديث فى هذا الأمر -فى رأييى جدل لا فائدة منه
والدليل
السؤال الثانى

ماهو حال الصيدليات فى الخارج
وهل يقومون بالتصنيع الدوائى

الصيدليات فى الخارج لاتقوم بتحضير اى نوع من الأدوية بأى شكل من أشكاله الدوائية
ومعظم الأدوية prefabricated
ان لم يكن كلها
نظره لحال الصيدلى فى الخارج
1-وظيفة من الوظائف المحترمة جدا جدا وقال عنها دكتور محمد رضا انها الوظيفة الرابعة فى أمريكا
2-الصيدلى حاصل على مكانته المادية والمجتمعية على الرغم
-اعلم انكم ستفاجئون-
ان هناك صيدليات كاملة موجودة وتابعة لمولات او سوبر ماركت
وليست ملك لصيدلى لكن يديرها صيدلى مجتمع

نظرة متعمقة فى الكلام السابق استنتج ان ترك الصيدليات للتصنيع الدوائى لم يقلل من المهنة
لأن المهنة مازلت مزدهرة فى بلدان يسرى بها نفس النظام
فالصيدلى يعمل ايضا داخل شركات الأدوية
ولكنه لا يقوم بتحضير التركيبات الدوائية
لأن معظمها أصبحت automated
مش محتاجة بشر الى لأدارتها فقط
مقصدى
نعم يادكتورة لقد هجر الصيادلةمهنتهم
ولكن ليس لأنهم لا يصنعون
وليس لأنهم لا يرتدون البالطو الأبيض
وليس لأنهم لا يجلسون فى غرفة حتى يدخل عليهم المريض للأستشارة
...
لكن هجرهم مهنتهم بدأ منذ اعتبروها تجارة مربحة
منذ ظنوا انها دراسة لخمس سنين وينتهىالأمر
ونسوا معنى التعليم المستمر
منذ بدأ الصيادلة فى التعامل مع السوق السوداء
ليحصلوا على دواء محروق بسعر رخيص
منذ ترك التفتيش الصيدلى الصيدليات خالية من الصيادلة
منذ بدا الصيدلة الأستعانة بالدبلوم وترك زملائهم بلا عمل
منذ نست الكليات معنى التطوير
ونسوا ان الصيدلة لا تعنى بكل حال الصيدلية
...................
ـــــــــــــــــــــــــــــــــــــــ
اذا
دكتورة فارمسيستينا
زملائى صيادلة المستقبل
هل فى يدنا شيء
ماذا يمكن ان نفعل
لنصلح ونغير
هل ننتظر حتى ميقات التخرج
لصدم بالواقع المؤلم
ام نبدأ من الأن
فى التغيير
غير من نفسك
من حولك
انتمى لمهنتك
وانت مع أهلك
مع أصحابك
مع نفسك
اتكلم عنها
فهم الناس مين احنا
قل لأقاربك
وابدأ بأهلك
فهمهم يعنى ايه بديل
ويعنى ابه ادوبة بروشته وادوية otc
وده كله دون تجريح فى مهنة الطب
او الكلام عنهم
انوى النية الصالحة لله وحده
وقول انى اريد الأصلاح
اتكلم مع الصيادلة اللى انت عارفهم انهم يبدأوا يعملوا دفاتر للروشتات
ويبنوا قواعد history
للمريض
من المهم جدا ان المريض يعرفك وتعرفه
اكسبه لصالحك
هى دى البداية
ان الصيدلى يقنع المجتمع انه الراعى الصحى له
وان غرضه الأول حمايته من شر المواد اللى بياخدها
وتوصيله لبر الأمان

يا جماعة انا حزين جدا ان الناس عندنا بتدخل الأمتحان عشان النجاح او التقدير
نفسى حد يبدأ يفتح فى text bookاو يعمل مشروعات بحثية
يقرأ لأجل العلم وان يفيد غيره
بيه
استحلفكم بالله تنسوا الناس بيقولوا ايه عننا
ونبدأ مع بعض
خلى السنة القادمة شعارنا فيه
عام النهضة لكلية الصيدلة جامعة المنصورة
ونبدأ من هنا من على صفحات المنتدى
فى النهوض
وننفض التراب عن معدننا الأصيل
ننوى النية الصالحة ان شاء الله
انا هبقى صيدلى صح
بأنى هذاكر مناهجى
واللى مش هفهمه هقول مش فهمه
واللى هشوفه غلط هصلحه
حتى أضعف الأيمان
هقرأ اللى ربنا يقدرنى عليه من الكتب
العلمية

وان شاء الله فى موضوع بحضر فيه دلوقتى
هحتاج مساعدتكم ليا واكيد مش هتتأخروا
ادعو لى بظهر الغيب والمسلمين
اسف على الأطالة الشديدة

[Mahmoud_Seif]

كلامك جميل اوووووووووووووووي يادكتور عبد الرحمن وبيعجبني اوووووووووي ....

جزاك الله كل خر عن كل كلمة قلتها ..... والله اصبت

لك سلاماتي ..

[summer breeze]

فعلا مشاركه دكتور عبد الله مشاركه مميزه جدا ومعاه في كل كلمه قالها طبعا من الخطا كل الخطا ان احنا نقول ان الحال اللي النا اليه الان سببه ان الصيدلي بطل يصنع دوا بالعكس وجود شركات الادويه حاجه جميله جدا ومفيده جدا كفايه بس انك تشوفي انت عندك كام صنف في الصيدليه وافيلابل بكميات قد ايه يعني لو كان الصيدلي شغال لوحده كان هيقدر يحضر كميه قد ايه بالمقارنه بالوضع الحالي حاجه تانيه ان دلوقتي في حاله وجود ازمه عالميه زي انفلونزا الخنازير حاليا الدكتور محمد رضا ذكر في مشاركه ان شركات الادويه صيادلتها كلهم قاعدين دلوقتي عاكفين على ايجاد مصل او لقاح يقي منه يعني شركات عملاقه زي دي فيها فريق صيدلي تيم كامل شغال مع بعضه بشكل تكاملي علشان يلاقوا حل والشركه المنافسه التانيه بتشتغل كمان وعاوزه يبقى ليها السبق وكل دا بيصب في مصلحه المريض اما لو كان الموضوع فردي ومفيش شركات ادويه كان كل صيدلي بقى يقعد في مختبره يحاول شوفي هنحتاج وقت اد ايه علشان نطلع للناس دوا دا على اعتبار طبعا ان هيبقى فيه في الصيدليات معمل مجهز بتقنيه تسمح باجراء مثل هذه التجارب اما عن حكايه ليه احنا اشتغلنا التحضيرات الدوائيه بايدنا في المعمل فدي اكيد حاجه بتصب في المصلحه العامه يعني يكفي انها بتساعدك انك تفهمي الكلام النظري اللي بتقرئيه يعني لما تاخدي في النظري ان الايماشن بيتحضر بطريقتين ويت ودراي وتشتغلي دي بنفسك ودي بنفسك او لما تحضري اللبوس وتشوفي فعلا ازاي اللبوسه يكون قوامها سليم وليه بقت سايله طيب السنترال بور دي لو شفناها يبقى سببها ايه وليه دي تراسيبيرنت ودي لا وكل دا بايدك هتلاقي بعد كدا سهل انك تفهمي اللي انتي بتذاكريه يعني مساعده لفهم كورس النظري وكمان علشان لما تدخلي مصنع وتشوفي تحضير الدواء باجهزه على اللارج سكيل يبقى اسهل عليكي انك تفهمي فكره عمل الاله لان الطريقه في الاول والاخر واحده واضعف الايمان انها خلتك تشوفي شكل الماتيريال نفسها اللي الادويه اللي في ايدينا دي بتتصنع منها في مرحله مبكره من حياتك كطالبه علم لسه قدامك الطريق طويل قوي عن نفسي مقتنعه قناعه تامه ان اللي سوا سمعه الصيادله هما الصيادله نفسهم مش حد من برا وان اللي هيصلح النظره دي برضه الصيادله مش حد غيرهم ولا يضيرني ابدا نظره الناس وغيره لان كل مهنه فيها الحلو والوحش احنا بس واخدانا الحميه لمهنتنا لكن هل كل الدكاتره كويسين منهم ناس اتسببت في ضياع ارواح الناس وحالات تبديل الاطفال اللي بنسمع عنها او خطفهم من المستشفيات وسرقه الاعضاء كل دا بايد مين ماهو باييد فئه فاسده من الاطباء طيب العمارات اللي بتنهار على رؤوس الناس وتحصد ارواح الابرياء مش برضه غلطه مهندس باع ضميره ومقاول غشاش وصاحب عقارات طماع وقيسي على ذلك كل مهنه وكل مجال فبلاش نزعل خلينا نحاول نرتقي بنفسنا ونخدم المريض من قلبنا ونتعلم اكتر علشان نقدر نفيد اكتر شكرا يافارماسستينا ع الموضوع الحلو وسوري ع المشاركه الطووووووووووويله جدا دي دمتي بود وفي امان الله

[قناع الذهب]

معاكى حق يا فارمسستينا ان المهنة معادتش زى الاول ودا كان السبب فى نظرة المهن التانية لينا اننا بياعين وخلاص مع انهم بيحكموا على الظاهر بس او على الاغلبيه اللى قدامهم بس وميعرفوش حاجة فى تفاصيل المهنة ولا فى دراستنا
السبب فى كدة ان بقى معظم دور الصيدلى متوقف انة يجيب الحاجة من على الرف ويحسب ويعمل فاتورة وبس على كدة ودى مش صعبة وممكن يقوم بيها اى حد معاة اى شهادة زى ماحنا شايفين فى الصيدليت
ومحدش بيبص للصيدلى اللى شغال فى شركة الادوية اللى بيشارك فى تصنيع الدوا نفسة علشان يوصل للصيادله التانين اللى بيوصلوة للمريض
اصلا مينفعش كل اللى هيتخرجوا من كليه هيشتغلوا فى تصنيع الدوا وان كان دا مش موجود فى مصر اوى واللى سمعتة ان حتى دور شركات الادويه المصريه هيا التعبئة وخلاص
بس مهما كان دورها لازم يبقى فية طايفتين حد يصنع وحد يوصل ودا مفيهوش اى احتقار للصيدلى اللى واقف فى الصيدليه ان كان بيادى دورة كويس ويفهم المريض بالتعليمات اللى المفروض يبقى عارفها
بس كدة دا رايى

[pharmacistina]

كما حضرتك قلتى عودة الى الزمن القديم
حال الصيدلى
-عدد أقل من الطلاب يسمح بتدريب عملى صحيح وذو كفاءة وجودة تعليمية فائقة

صحيح خطوة زي دي محتاجة صيدلي متعلم على أعلى مستوى , و من هنا بقول لو هنعمل حاجة زي كدة ممكن تكون بعد التخرج بعد لما الصيدلي مننا ممكن يكمل دراسته حتى لو خارج مصر , و يا سام كدة لما يبقى عامل دكتوراه في تصنيع الأدوية .. ساعتها يصنع الأدوية في الصيدلية و لا حد يقدر يقوله تلت التلاتة كام

[/B]نظرة الى الزمن الحاضر
حال الصيدلى
-عدد كبير من الطلاب لا يسمح بالتدريب او تحقيق الودة التعليمية الكافية لتحمل مسئولية انتاج الدواء

:


دي أنا أجبت عليها , الصيدلي لو عايز يبقى صيدلي بجد و يحضر الأدوية ممكن يكمل تعليمه لحد ما يكون قد هذا المشروع ساعتها يبدأ ..

حال سوق الدواء
1- الأصناف الدوائية لا تعد ولاتحصى وتكاد تكون من المستحيل تصنيع معظمها فى الصيدليات

لأ , مهو حضرتك بتنظر للصيدليات الموجودة حاليا اللي معملها أصغر من مطبخ بيتنا , أنا بتكلم على صيدلية كبيرة جداا و معمل محترم زي معامل الكلية ..
و خد بال حضرتك حاجة , الأدوية التي لا تحصى هتلاقي أكتر من نصها بدائل ..
عدد أصناف الدواء كتير لكن معظمها مادة فعالة واحدة ..

2-غلاء شديد فى المواد الخام بما لا يقدر عليه سوى مؤسسة كبرى

دي بقى لا أتفق مع حضرتك فيها اطلاقا ..

يا دكتور اللي يخليك تقدر تشتري الطلبية الجاهزة من شركة الأدوية , يخليك تقدر تشتري الدواء الخام بنصف الثمن , معروف ان الدواء الخام أرخص مليون مرة من الجاهز .. شيء منطقي مهو الشركة بتبيع لحضرتك المنتج الجاهز و بتخليك تدفع ثمن الدواء و العلبة و الغلاف و مرتبات العمال كل دة بيحدد سعر علبة الدواء الجاهز ..

لو كان غلاء شديد في أسعار المواد الخام كان يبقى غلاء أشد في الدواء الجاهز , ولا ايه ؟؟



4-تطور العلوم الدوائية بما يمكن العلماء من الحفاظ على الدواء لفترات طويلة فى وضع امن وثابت

طيب و ايه المشكلة ؟؟
الصيدلي يصنع الأدوية و يسيبها في الصيدلية ثابتة و يبيع بعد كدة ,
مش قصدي اننا لما نحضر الأدوية لازم نعطيها للمريض fresh ,
عادي اعمل الأدوية و سيبها في مكان كويس و ظروف كويسة ..

تعالوا نتكلم كلام عملي ..

الأقراص the most stable dosage form لأنها جافة مفيهاش ماية فبتعيش , تعملها و تسيبها في غلاف كويس .. و بعيد عن الرطوبة , تفضل جميلة و حلوة بالشهور .. و بالسنين ..

الكبسولات كذلك الى حد ما , المهم توفر ظروف تخزين كويسة ..

المراهم و الكريمات و الأقماع .. أنا عندي لبوس من الترم الأول في سنة ثالثة , يعني بقاله معايا سنة في الثلاجة و أظنه بخير ممكن أبقى أوريكم صورته ..

و عندي Cold cream و Cleansing cream بقالهم شهور و لسة كويسين .. stable لدرجة تفرح القلب الحزين ..


طبعا أنا مجبتش سيرة الـ parentral preparations نهائيا و لا أقدر و يستحيل تتعمل في الصيدلية لأنها عايزة very sterile condition ..

الأشربة تتعمل في ساعتها fresh بـ distilled water و نخلي المريض يحفظها في الثلاجة .. و بتهيألي عمل الأشربة مهوش صعب يعني و العيان واقف ندخل المعمل نعملها ما تاخدش ثواني ..

5-اصبحاستخدام الألات ضروريا فى هذه الصناعة الحيوية

دة عند شركات الأدوية اللي بتوزع على مليون صيدلية , لكن أنا على قد صيدليتي ممكن الصيدلية تكون كبيرة و يشتغل فيها 6 صيادلة و يعملوا شغل ممتاز .. بس طبعا شغل متواصل ليل مع نهار علشان يسدوا احتياجات الصيدلية ..

1-سيضطر لشراء مواد خام مرتفعة الثمن مما يعنى زيادة سعر الدواء ومع الأخذ بالأعتبار ان انتاجه سيكون على مدى أضيق من انتاج الشركات ووجود صيدليات منافسة فى مساحة ديموجرافية صغيرة

2-

أنا وضحت قبل كدة موضوع مواد خام غالية دة انه مش صحيح ..
يستحيل يكون الخام أغلى من الجاهز , أصل شركات الأدوية لازم بتكسب و مكسب مش قليل ..

بالعكس بقى , دة الصيدلي هيشتري المادة الخام رخيصة و هيصنع تصنيع نظيف في الشكل و الضمون و بعد كدة يرخص سعر الدواء عن شركات الأدوية , مهو شركات الأدوية بتكون مغلية سعر الدواء علشان الدعاية و الغلاف و الكلام دة ..

لكن احنا في الصيدلية مش هنعمل اعلانات ولا حاجة فنقدر نرخص الدواء كتير عن شركة الأدوية ..

سيكون عليه تزويدصيدليته بمعمل يتبع اساليب تعقيم وبحتوى على اجهزة حديثة مما يزيد تكلفة العلاج على المريض

3-
مفيش أجهزة حديثة ولا حاجة ..

معمل نظيف ,
أنا مرة سألت أحد أساتذتنا في الصيدلانيات قالي ان في مستحضرات محتاجة Clean condition و ليس بالضرورة sterile condition و منها الحقن و القطرات ..

أما لو عملت مرهم في أدوات نظيفة و مغسولة و متعقمة في autoclave كمان , نفسي أعرف ايه المشكلة ؟؟

الـ autoclave على فكرة مش غالي أوي للدرجة دي , موجود عند أفقر طبيب أسنان .. عادي الناس بتشتريه مهوش غالي للدرجة دي ..

و على فكرة بخصوص التعقيم , أنا لو جيت مثلا آخد قرص أسبرين ووقع من ايدي ع الأرض و رجعت جبته أخدته , مش هموت ولا هيجرالي حاجة لأن أي حاجة تتاخد بالفم المعدة بتتصرف معاها بـ HcL و كدة

أقصد المعمل النظيف هيكون كويس أوي ..

و كذلك الأقراص و الكبسولات تتعمل بنظافة في أدوات متعقمة بايتة في الـ autoclave و معمل نظيف و موازين رقمية دقيقة كل يوم يتعمل لها calibration للتأكد من ضبطها قبل و بعد و أثناء الشغل ..

سيضطر لمواحهة شركات أدوية عملاقة لا قبل له بها مع سيطرتها الحالية على سوق الدواء
4- المصيبة الأكبر اذا تسببت بروبجاندا الشركات فى تسرب الشك للمريض فى سلامة الدواء المصنع فى الصيدليات

صحيح هي دي المشكلة الكبيرة , و مش بعيد أبدا يلفقوا للصيدلية قضية و يبعتوا لنا مرضى يتبلوا علينا , و نلاقي بلاوي نازلة كدة منعرفش جاية منين ..

في المقابل نحاول نكسب دعم الأطباء .. بأي شكل من الأشكال ..

مهو لما الطبيب يقول للمريض هات الدواء دة الصيدلي هيركبهولك ساعتها المريض هياخد منك الدواء و هيقولك تسلم ايدك ,

انما لو الطبيب ما فهمش المريض , المريض عمره ما هياخد دواء متصنع ..

و لو شركات الأدوية هتحاربنا في نزع الثقة , هنحاربهم بكسب دعم الأطباء و نحاربهم بسعر منتجنا , نقدر نرخص منتجنا نخليه أرخص بكتير من شركة الأدوية , و بكدة نضربهم ضربة تمام .. لأن المريض عايز دواء فعال و سعره قليل .. و الثقة عموما مش بتيجي على طول , عايزة سنين و سنين من الشغل ,

لو الناس وثقت في منتج الصيدلية , خلاص بقى ساعتها مهما حاولوا مش هيقدروا لأن الناس اشترت منتجنا و عارفاه ..


[B]

بعد هذا كله اعتقد ان اجابة السؤال الأول واضحة هناك الف عائق وعائق حروب لن تنتهى وللأسف ستكون مضيعة للوقت والجهد

أهون عندي أخوض الحرب و أحاول بكل ما أستطيع من اني أظل بئر علم مهجور ..
الصيدلي الحديث كدة ..
متعلم و مثقف و ذكي جدا و دارس علوم جميلة , لكن في الآخر .. دوره يصرف الروشتة .. و يعطي بس الـ OTC

اكاد اجزم ان عودة الصيدلى للتصنيع الدوائى لن يتحقق ابدا
الا اذا زالت التكنولوجيا الدوائية الحالية
وعدنا 50 عام الى الوراء وهو مالا يتمناه اى احد يخشى على صحة المريض

اذا عملت منتج نظيف و فعال و تركيزه مزبوط و سعره كويس , مالها صحة المريض ؟؟

التكنولوجيا الدوائية و الـ machines في المصانع هدفها الوحيد هو توفير كميات هائلة من الأدوية Large scale manufacture , لكن أنا في صيدليتي مهما كانت بتشتغل مش هاجي واحد على مليون من الكميات المطلوبة من شركات الأدوية ..

اذا الحديث فى هذا الأمر -فى رأييى جدل لا فائدة منه
والدليل
السؤال الثانى

الصيدليات فى الخارج لاتقوم بتحضير اى نوع من الأدوية بأى شكل من أشكاله الدوائية
ومعظم الأدوية prefabricated
ان لم يكن كلها
نظره لحال الصيدلى فى الخارج
1-وظيفة من الوظائف المحترمة جدا جدا وقال عنها دكتور محمد رضا انها الوظيفة الرابعة فى أمريكا
2-الصيدلى حاصل على مكانته المادية والمجتمعية على الرغم
-اعلم انكم ستفاجئون-
ان هناك صيدليات كاملة موجودة وتابعة لمولات او سوبر ماركت
وليست ملك لصيدلى لكن يديرها صيدلى مجتمع

دة لأن المجتمع الأمريكي مختلف عن المجتمع المصري في الفكر , فكر الناس مختلف ..

قد يكون دور الصيدلي أصلا هناك مختلف ..

مهو ميبقاش الصيدلي واقف في الصيدلية يجيب الأدوية الجاهزة من على الـ shelf و نجي نقول رابع مكانة , ازاي و منين ؟؟!!

لازم في دور تاني بيعمله الصيدلي الأجنبي بيخلي الناس تحترمه و تثق فيه ,

أو يمكن لأن الأجانب متعودين يحترموا بعض أيا كان الوضع ..
الله أعلم .

نظرة متعمقة فى الكلام السابق استنتج ان ترك الصيدليات للتصنيع الدوائى لم يقلل من المهنة

بالعكس , لا أتفق معك ..
تصنيع الأدوية دة مجالنا الأصلي اللي احنا تركناه , زي ما تركنا طب الأعشاب و سبناه للعطارين , و زي ما سبنا الأمور التجارية للدبلومات و خرجنا احنا خارج اللعة و أخيرا نتساءل ( ليه الأطباء و الناس بينظروا لينا كدة ؟؟ )

الاجابة ببساطة ( لأنك تركت دورك فأصبح لا دور لك ) و بالتالي الدبلوم يقوم بعملك على أكمل وجه اللي هو صرف الأدوية الجاهزة , و بالتالي انت زيك زي الدبلوم .. دة طبعا تفكير الناس كلها أطباء أو غير أطباء ..

لأن المهنة مازلت مزدهرة فى بلدان يسرى بها نفس النظام
فالصيدلى يعمل ايضا داخل شركات الأدوية
ولكنه لا يقوم بتحضير التركيبات الدوائية
لأن معظمها أصبحت automated
مش محتاجة بشر الى لأدارتها فقط

أنا ذكرت موضوع الـ Large scale اللي تطلب وجود الماكينات لتصنيع الأدوية ..

لكن هجرهم مهنتهم بدأ منذ اعتبروها تجارة مربحة
منذ ظنوا انها دراسة لخمس سنين وينتهىالأمر
ونسوا معنى التعليم المستمر
منذ بدأ الصيادلة فى التعامل مع السوق السوداء
ليحصلوا على دواء محروق بسعر رخيص
منذ ترك التفتيش الصيدلى الصيدليات خالية من الصيادلة
منذ بدا الصيدلة الأستعانة بالدبلوم وترك زملائهم بلا عمل
منذ نست الكليات معنى التطوير
ونسوا ان الصيدلة لا تعنى بكل حال الصيدلية

طيب سؤالي لحضرتك ..

حاضر , أنا هتعلم كويس و هخلي تعليمي مستمر و هقرأ كتير ,

هستفيد ايه من علمي ؟؟

القانون بيقول ممنوع الصيدلي يشخص أي مرض و يعطي أدوية بدون تذكرة طبية , ماشي عندهم حق مهو احنا لم ندرس مادة لتشخيص الأمراض عشان المريض يجي يشتكي من حاجة أقوم أنا أشخص و أعطي دواء ..

قلنا هنكون صرحاء مع بعض .. احنا لم ندرس في كلية الصيدلة مادة تخلينا نعطي للمريض دواء بناء على أعراض عنده لأن الكلام دة في كلية الطب ..

قولي العلم اللي أنا هحافظ عليه دة يروح فين ؟؟

و ازاي هقدر أرفع بيه مكانة الصيدلي ؟؟

يعني لو أنا معايا مليون دكتوراه في الصيدلة وواقفة بصرف روشتة فيها أدوية جاهزة , فين العلم اللي أنا استخدمته و نفعت نفسي و الناس بيه ..


أنا عايزة نتعلم صح و نطبق اللي اتعملناه .. مش مجرد كلام كدة ..


عموما التعليم على مستوى عالي دة سيصبح شيء اجباري و غصب عننا لو احنا تبنينا هذا الاتجاه ..


و أكيد لازم هتواجه مليون عائق و عقبة , شوية من شركات الأدوية و شوية من المرضى و يمكن من زملاءك الصيادلة ..

بس أعتقد ان أحسن شيء في الدنيا الواحد يستعيد مكانته , و يجاهد عشان يعيد مكانة مهنته ..

يحاول , يمكن ربنا يصلح الحال شوية ..


ساعتها بس مش هنكون بياعين , و هنكون أعظم مهنة


آسفة ع الاطالة ..

بقية الردود أعلق عليها فيما بعد عشان تعبت ..

أعتذر ان المشاركة ملخبطة

[pharmacistina]

ليه محدش بيشارك , مشاهدات كتير بدون مشاركات ..


فكروا معانا ..

عايزة أسمع آراءكم يا جماعة لأنها بتخلينا نشوف نقاط يمكن غايبة عننا ..

محدش يبخل علينا برأيه ,

أصل الموضوع يهمنا كلنا , دي قضية و موضوع خاص بكل واحد فينا ..

[عبدالله عبدالرحمن]

و خد بال حضرتك حاجة , الأدوية التي لا تحصى هتلاقي أكتر من نصها بدائل ..
عدد أصناف الدواء كتير لكن معظمها مادة فعالة واحدة ..

حتى مع وجود البدائل يظل عدد الأدوية الموجودة فى السوق كبير جدا على ان يقوم الصيدلى
بتصنيعه بمفرده

دي بقى لا أتفق مع حضرتك فيها اطلاقا ..
يا دكتور اللي يخليك تقدر تشتري الطلبية الجاهزة من شركة الأدوية , يخليك تقدر تشتري الدواء الخام بنصف الثمن , معروف ان الدواء الخام أرخص مليون مرة من الجاهز .. شيء منطقي مهو الشركة بتبيع لحضرتك المنتج الجاهز و بتخليك تدفع ثمن الدواء و العلبة و الغلاف و مرتبات العمال كل دة بيحدد سعر علبة الدواء الجاهز
لو كان غلاء شديد في أسعار المواد الخام كان يبقى غلاء أشد في الدواء الجاهز , ولا ايه ؟؟

طب حضرتك
خدى المقارنة دى
شركة تصنع الدواء
1- تشترى مادة خام بكميات كبيرة جدا (فتحصل عليه بسعر الجملة اى بسعر أقل )
2-الشركة تضمن تزويع الدواء على الصيدليات ولا يهمها على الأطلاق ان كان سيباع فور نزوله اسوق او بعدها بسنة
3-كذلك استخدام الexcepient يكون بشكل أفضل لأستخدام الألات وبذلك تستطيع التوفير فى الكميات المستخدمة
4- انتاج شركات الأدوية بيكون على الويد سكال زى مادكتورة سمر قالت فنسبة انها تخسر بسبب غلاء المواد الخام
والمواد الأضافية قليل جدا
حضرتك لما تدرسى صيدلة صناعية هتعرفى ان تقدم تكنولوجيا الدواء وفر قد ايه على الشركة
وساهم فى تقليل ثمن الدواء بشكل مقبول
اصلا الصيدلة الصناعية هى المجال اللى بيحاول الأنتاج بأعلىجودة واقل تكلفة

نبص لصيدلى يصنع الدواء

1- لا يمكنه شراء مواد خام بكميات كبيرة ولكن بما يكفى مثلا لمائة شخص كحد اقصى ولا يمكنه ان يضمن حتىى توزيع مثل هذه الكمية
أ- انه لا يعرف ما الدواء الذى سيطلب منه وبأىى تركيز وبأى صيغة دوائية
ب-انه سيفقد أهم ميزة من تحضير الدواء فى الصيدلية وهى التحضير الفورى او الجديد
وهذا ماكان يحدث من قبل المريض يذهب لطلب العلاج فيقوم الصيدلى بتحضيره عندئذ
المقصد ان الصيدلى لن يستطيع المغامرة بالأنتاج المسبق للدواءووضعه على الرف ولكنه سيضطر الى الأنتظار حتى مجىء المريض 2- الصيدلى لن يستطيع حتى تصنيع الدواء قبل ان يطلبه المريض لسببين
ودون الحديث ان الصيدلى سيضطر الى زيادة سعر الدواء المصنع من قبله ليغطى
أ- جهده وعمله وجهد المساعدين معه
ب-اى خسارة قد تحدث نتيجة عدم توزيع الدواء كاملا بسبب وجود صيدليات منافسة قد لا تقوم بتطبيق النظام ذاته
والتى تبيع الدواء مسبقالصنع
الصيدلى يصنع على المدى الصغير فيضطر لرفع السعر لتلافى الخسارة
والنقطة الأكثر تعقيدا
هل سيؤيد الأطباؤ هذا النظام ام يفضل كتابة الروشتة بالأسم التجارى الذى لايمكن ان تحمله ادوية الصيدلى بسبب حقوق الملكية
وطبعا ذكرت من قبل موضوع الشركات وانها لن تسكت على مثل هذا الأمر
شوفى يا دكتورة انا أختى صيدلانية وكانت بتصنع بعض التركيبات فى الصيدلية
مثل تركيبا جروح مرضى السكر وتركيبات التوبيكال بريبراشن
وبصراحة فعلا كانت تكلفتها على الصيدلية منخفضة جدا
بس الصيدلية اللى كانت شغالة فيها كانت بتبيعها بأضعاف مضعفة
اقصد
ان سعر الدواء فى السوق لن يكون ثابتا
فالصيدلى يصنع التركيبة س بمبلغ ص
يمكن ان يصنع صيدلىاخر نفس التركيبة وبسعر اقل او اعلى
مما يعنى ان الصيدليات ستقوم بضرب بعضها البعض
والخاسر فى النهاية هم الصيادلة والمريض
أتذكر انالدكتور عطا الله كان قد أخبرنا فى المحاضرات انه كان هناك صيدلى فى المحلة
افتتح صيدلية عشبية وكان يقوم بتقديم ادوية للعلاج من الأعشاب فقط
ونجح هذا الصيدلى ووصلت سمعته ارجاء البلاد
مما تسبب فى غيرة الصيدليات المجاورة
خصوصا ان هذاالصيدلى كان يتبع نظام متابعة المريض
اى انه طوال فترة العلاج كان المريض على اتصال مع الصيدلى والصيدلية
وانهالت على هذا الصيدلى الشكاوى حتى تدخلت النقابة
وقامت باجباره على بيع أدويته للصيدليات الأخرى
وان بصبح مجرد صانع وبائع للدواء
وأفقدته ميزة متابعة المريض التى لم تقم بها باقى الصيدليات بالطبع
المقصد
انه حتى لو قامت صيدلية بهذا الأمر ونجحت فيه فان الصيادلة ذاتهم هم من هاجموها وارادوا ايقافها
المشكلة اعمق مما تتصورين
المشكلة فى اجيال كاملة من الصيادلة نست معنى الصيدلة
وأصبحوا مجرد تجار
السؤال الأن
من سيقبل المغامرة
من سيقبل ان يقف ليس فقط امام الأطباء والشركات
ولكن ايضا امام ابناء مهنته
للأسف انا ارى ان الخطوة التى تطالبين بها
هى اخر خطوة فى استعادة الصيدلى لمكانته
ولا يمكن تنفيذها الأن فى ظل الأوضاع الحالية
قد يمكن تنفبذها فى يوم من الأيام
ولكن ليس الأن ولا بعد حتى 20 عاما

أهون عندي أخوض الحرب و أحاول بكل ما أستطيع من اني أظل بئر علم مهجور ..
الصيدلي الحديث كدة ..
متعلم و مثقف و ذكي جدا و دارس علوم جميلة , لكن في الآخر .. دوره يصرف الروشتة .. و يعطي بس الـ OTCة.

مش متفق معاكى يادكتورة فى الكلام ده
احنا مش بندرس العلوم الكثيرة دى عشان صيدلية
انا قلت قبل كده صيدلى لا يعنى باى حال صيدلية
شوفى فرص العمل المتوفرة للصيدلى اللى اتعلم صح وحطى تحت صح خطين حمر
1- صيدلى مجتمع
2- باحث أكاديمى
3-صيدلى شرعى وجنائى
4-صيدلى يعمل فى الصيدلةالمختصة بالتعامل مع المواد المشعة
5-صيدلى اكلينيكى
6- صيدلى يعمل فى علوم اصلاح عيوب الجينات
7-صيدلى الكواليتى كنترول والتصنيع الدوائى المتقدم

وطبعا الترتيب ده ليس بالأهمية واعتذر ان كنت انقصت مجالات اخرى

الكلام ده ليس كلام نظرى
ولا على الورق
ولكن الكلام ده مطبق فى كل دول العالم المتقدم
وهوده اللى مخلى وظيفة الصيدلى الرابعة على مستوى امريكا

طبعا زى مانتوا شايفين
كل المجالات دى لايمكن للصيدلى المتخرج من اى كلية فى مصر
ان يقتحمها الا
وظيفة صيدلى المجتمع نتيجة قصور فى مفهوم صيدلى المجتمع

- صيدلى المجتمع :- يكون هذا الصيدلى مسؤول عن ادارة الصيدليات العامة ومهمته مركزة على ضمان
أ-ان الدواء المتوفر فى الصيدليات مخزن بشكل سليم
ب-ان الدواء المطلوب من قبل المريض سيصرف بشكل سليم مع اعطاء النصائح المناسبة وتعليم المريض
الثقافة المطلوبة للتعامل مع الدواء ومعرفة أثاره الجانبية
المقصد ان صيدلى المجتمع هو اخر حلقة فى السلسلة الطبية التى يتعامل معها المريض قبل بدء مرحلة العلاج
المواد المطلوبةلكى يكون الشخص قادر على أداء المهنة
1-الفارماكولوجى
2-صيدلانيات الصيغ الدوائية (التى تتعامل مع شكل الدواء وتناوله واوقاته)
3- علم الأمراض والصحة العامة
4- علم الأجتماع ومهارات التقديم ( التنمية البشرية)

نظرة عامة تجد ان مدة الفارما لاتدرس سوى عام واحد
علم الأمراض والصحة العامة نصف ترم
علم الأجتماع ومهارت الأتصال (لايدرس)

صيدلى المجتمع بالتنسيق مع الطبيب يحافظ على سلامة المريض
من الأستخدام الخاطىء للدواء
كما انه يعمل مع الطبيب على تحسين وضعية المريض الصحية بتوجيه المريض نحو عادات يومية محددة او الغاء
عادات اخرى
يعنىمش بيعالج المريض بالدواء بس
لأ بيعالجوا باللطعام والشراب والتمارين
صيدلى المجتمع هو مستشار المريض
يعرف كلب شىء عن حياته ومسجلة لاديه فى قاعدة بيانات
يعلم كل ماتناول من ادوية من اول ماولد وحتى الأن
وهو على اى حال ليس مسؤول عن وصف الدواء
نظرة الى وظيفة صيدلى المجتمع
اعتقد ان اهميتها غير عادية
ولكن هو كالجندى المجهول
يحارب وينظم هنا وهناك
ولكن لا يشعر به أحد

هكمل بعدين تعبت

ا

[احمد شبند]

السلام عليكم ورحمة الله

انا اول واحد دخلت الموضوع اول لما حضرتك عملتيه وقراته بس مش عارف حسيت ان مفيش كلام اقوله

لان دى ان كانت مشكلة فملهاش حل


زى بزبط المنتجات الصينية اجتاحت الاسواق فى كل العالم ومحدش يقدر يوقفها


بالنسبة للموضوع حتى لو بقى الواحد فعلا لديه المعدات والقدرة العلمية والكفائة على تصنيع الدواء بالمعكل

فهل

المريض هيرضى يخدو ويثق فينا

ازكان مش بيرضى لما تديله بديل بتاع شركة تانية يبقى هيرضى بالى عمله انا بايدى

دى مشكلة لا حل لها يا دكتورة وبدرو بقول ان كانت مشكلة........

جزاكم الله خيرا على طرح لموضوع