كلمات قد تكون منقذة

[chocolata]

موضوعى فكرته بسيطة معرفش اذا كانت هتعجبكم ولا لا هى مش فضفضه بس طريقة مساعده وانا اول من هيشارك واول من هيحتاج مساعدة بجد والله الفكرة فيها ان الواحد مش بيطلب مساعدة لاى حاجه والسلام لكن بيطلبها لكن لحاجه زى مابيقولوا الصعايدة عويصة اوى اوى اوى و انا عندى سؤال ومحتاجالوا اجابه وبجد اجاباتكم هتساعد كتير لانها هتتاخد فى الاعتبار سؤالى هو
يعمل ايه الانسان لو حاس فجاة انه ملوش اى لازمه فى الحياة والفكرة دى مسيطرة عليه وان وجوده زى عدمه فى حياته وحياة من يعرفوه ؟ايه اكتر حل ممكن ننقذ بيه الانسان دا من لحظه الياس دى ؟اتمنى اولا انكم تعرفوا كويس المغزى من الموضوع دا وثانيا انكم تشاركوا فيه لان كل كلمة المفروض انها هتبقى مهمه ليا ولكل مين هيحتاج مساعده ويشارك فى الموضوع ................

[قناع الذهب]

موضوعى فكرته بسيطة معرفش اذا كانت هتعجبكم ولا لا هى مش فضفضه بس طريقة مساعده وانا اول من هيشارك واول من هيحتاج مساعدة بجد والله الفكرة فيها ان الواحد مش بيطلب مساعدة لاى حاجه والسلام لكن بيطلبها لكن لحاجه زى مابيقولوا الصعايدة عويصة اوى اوى اوى و انا عندى سؤال ومحتاجالوا اجابه وبجد اجاباتكم هتساعد كتير لانها هتتاخد فى الاعتبار سؤالى هو
يعمل ايه الانسان لو حاس فجاة انه ملوش اى لازمه فى الحياة والفكرة دى مسيطرة عليه وان وجوده زى عدمه فى حياته وحياة من يعرفوه ؟ايه اكتر حل ممكن ننقذ بيه الانسان دا من لحظه الياس دى ؟اتمنى اولا انكم تعرفوا كويس المغزى من الموضوع دا وثانيا انكم تشاركوا فيه لان كل كلمة المفروض انها هتبقى مهمه ليا ولكل مين هيحتاج مساعده ويشارك فى الموضوع ................

اولا يا شيكو عايزة اقوللك فكرة موضوعك جمييييله
وثانيا بقة عايزة اسالك ازاى تفكرى فى كدة ؟؟؟؟ ازاى ملكيشلزمة فى الحياة بس
يعنى ينفع المنتدى يبقى من غير شيكولاتة ؟ طب انا مبحبش الكريمة انا بحب المنتدى اصلا عشان بالشيكولاتة
لا بجد الفكرة دى ممكن تيجى لكتير مننا ودى بيبقى نتيجة الملل او ان مفيش حجة مفيدة بنعملها او ان حياتنا ماشيه على نظام واحد
بس اتاكدى ان اكيد فية حد بيحبك وبيهتم بيكى وليكى لزمة جامدة اوى عندة ....... عارفة مين الحد دا ؟؟؟
مامتك ... صدقينى والله طب اعملى نفسك تعبانة بس وشوفى هيا هتبقى عامله ازاى وهتعرفى هيا بتحبك اد اية هيا وياياكى واخواتك
واصحابك والله هتكتشفى ان انتى مهمة عند ناس كتير وناس كتير بتحبك
ممكن الدنيا تكون شاغله الناسمن حوالينا وهييجى يوم احنا كمان نتشغل عنهم سواء بشغل او باسرة او باى حاجة
بس كلنا بنحب بعض ومنقدرش نستغنى عن بعض
عايزة حاجة تخرجك من اللى انتى فية كل يوم قبل ما تنامى قسمى يومك بطريقتك ..... قولى مثلا هصحى اصلى ايا كان الضهر مثلا واساعد ماما شويه واتفرج عالتليفزيون شويه وافطر وهكذا والعب رياضة شويه واخرج شويه ويوم تانى اقعد فى البيت مع اخواتى او عالمنتدى وهكذا وبكرة الكليه تيجى ونتشغل فيها جامد ومش هتحسى الاحساس دا ابداااا صدقينى والله بس فعلا اطردى اى فكرة وحشة من دماغك واقراى الموضوع دا للاخر ومتزهقيش وقوليلى ردك فية
http://www.pharma-board.com/board/showthread.php?t=11869
وهتلاقى الحل فية يا قمرى انا طولت عليكى بس مش مهم هههههههههههه

[mona_ ph]

فكره موضوعك حلوه ياشيكو
وفعلا كتير مننا ممكن يحس بالاهمال شويه لكن مش توصل لدرجه انه يبقي ملوش لزمه وبتكون حاجه مؤقته
نفتكر بس اي حاجه عملناها ولو بسيطه فرحت حد بينا اوي
او بلاش ازاي ملناش لزمه في الحياه واحنا ان شاء الله هنمثل جزء كبير جدا من خدمه الناس في المكان اللي هنشتغل فيه ان شاء الله ده كفايه ده اوي دافع يخلي اي حد يعرف قيمته ويطرد فكره ان ملوش لزمه من ذماغه
احنا ان شاء الله عايشين عشان غيرنا
يعني لينا لزمه كبيييييييييره اووووووووووووي

[same7]

انا جربت الاحساس ده قبل كده بس مش فاكر ايه السبب ولا خرجت منه ازاى

اعتقد الموضوع ده بسبب
الملل
ومفيش جديد فى الحياه
وكومان لان فى احساس داخلى ان محدش مهتم بيا

مع ان مفيش حاجه اتغيرت حواليا
انا اللى عملت فى نفسى كده

ايوه

ارجع و اقرب من اللى حواليا
احاول اعمل حاجه جديده
اغير يومى
اشغل نفسى فى اى حاجه تبعدنى عن الملل ده
واحاول اتكلم مع حد بجد بس لازم اكون عارف ان كلامى مش هيطلع بره افضفض يعنى

لو حاولتى هتلاقيكى انتى اللى وصلتى الاحساس ده لنفسك لكن هوه مش موجود

بس اتاكدى ان اكيد فية حد بيحبك وبيهتم بيكى وليكى لزمة جامدة اوى عندة ....... عارفة مين الحد دا ؟؟؟
مامتك ... صدقينى والله طب اعملى نفسك تعبانة بس وشوفى هيا هتبقى عامله ازاى وهتعرفى هيا بتحبك اد اية هيا وياياكى واخواتك واصحابك

مش موافق على فكيره دكتوره ( قناع الذهب) انى اعمل تعبانه
لان بجد بيبقى حال الاب والام لما ابنهم يتعب صعبه اوى
مش لازم اتعبهم عشان احس انهم مهتمين بيا
لانهم فعلا مهتمين

لكن
انا ببوص ايام زومان كان الاهتمام عامل ازاى ودلوقتى عامل ازاى
هوه الاهتمام موجود لكن الطريقه اتغيرت

لكن
لسه جوايا طفل بيدور على نفس المعامله بتاعت زومان

او فى احساس داخلى ان الواحد كبر فجأه وعايز اللى حواليه يهتموا بيه تانى زى الاول

ويارب الحاله الممله دى تخلص لانهاصعبه

اه نسيت الفكيره بتاعت الموضوع ده جامده

[shimoaa]

شكرا ليكي يا شيكولا علي الفكرة الجامده دي
هتخلينا نطلع اللي جوانا ونستريح
انا بالنسبالي بقي اعاني من نفس مشكلتك دي بس انا عارفه اني انا السبب فيها لاني مش عارفه اوصل للاخرين علشان اخليهم يحسوا بيا وهي دي المشكله الرئيسية
تاني مرة شكرا ليكي ولزمايلنا اللي شاركوا و الله كل خير
واللي عنده حل يا ريت يقوله احتمال نستفيد منه

[summer breeze]

ازيك ياشيكولاتايه كل سنه وانتي طيبه

اولا توبيك فكرته حلوه وجميله اما عن المشكله فبصي كتير قوي بتعدي على الانسان لحظات بيبقى مسيطر عليه افكار سلبيه وبيجيله احباط وتلاقي الدنيا فقدت بهجتها ومفيش حاجه تسعده ولايبقى ليها مذاق وفي الغالب البنات بيعانوا من الحكايه دي اكتر من الاولاد تلاقينا بنعاني من تقلبات حاده في المود تلاقيكي مقضيه اليوم عادي جدا وبتضحكي وبتتكلمي وفجاه كدا تلاقيكي متضايقه وبتعيطي من غير سبب
دي حاجات بتحصل عادي متقلقيش بس المهم ان الواحد ميستسلمش للحاله دي يحاول يخرج منها ويبقى عارف ان دي كدا سحابه وهتعدي انما ميعشي بقى في الحاله ويقضيها اكتئاب

تاني حاجه بقى للوضع اللي انتي وصفتيه دا لازم توجدي لنفسك دور اتعهدي كدا انك تعملي اي حاجه بس تخلصي بجد وتعمليها يعني احنا دلوقتي في رمضان ممكن تعاهدي نفسك انك تعلمي اخوكي او اختك حاجه جديده تقربهم لربنا ولو حتى تفتحي المصحف وتقريلهم قل هو الله احد تخلي يوم تعملي فيه طبخه وتبعتيها مائده من موائد الرحمن تنزلي الصيدليه وتعاهدي نفسك ان مفيش مريض يدخل عندك الا وتقابليه بوجه بشوش وتدعيله بالشفاء
تروحي اي جمعيه خيريه زي رساله مثلا وتشتغلي معاهم يوم في تحضير شنطه رمضان وغييييييييييرها حاجات كتير
شوفي الحاجات دي بالرغم من انها تبان صغيره بس والله تاثيرها جبار عليكي كفايه بس لو اخوكي او اختك جه حضنك بعد متشرحيله حاجه صغيره ويقلك انا بحبك قوي ياشيكو او لما العيان يدخلك قلقان ومهموم ويخرج مرتاح ومطمئن او لما تحسي انك وهبتي شويه من وقتك علشان تجهزي وجبه لصائم من فقراء المسلمين ياااااااه جربي كدا وباذن الله الشعور دا يختفي تماما

[Nayroz]

يعمل ايه الانسان لو حاس فجاة انه ملوش اى لازمه فى الحياة والفكرة دى مسيطرة عليه وان وجوده زى عدمه فى حياته وحياة من يعرفوه ؟ايه اكتر حل ممكن ننقذ بيه الانسان دا من لحظه الياس دى

اولا ازيك يا شيكو عاملة ايه ياقمرة
تانى حاجة بجد فكرة الموضوع حلوة اووووووووووووى
ثالثا بقى
انا عارفة ومجربة الاحساس ده وغالبا اصا ب بيه كتير لظروف نفسية لا داعى لذكرها
بيجى فجاة ويسيطر على تفكيرى .......بحس انه هيشللنى....وانى عاجزة عن فعل اى شىء ......وعاجزة انى افوز باهتمام وحب الناس حتى اقرب الناس لقلبى ...... حتى امى وابى.......بتبقى لحظات ياس متقطعة وبتروح لحالها.......غالبا بتبقى بسبب موضوع جديد فى حياتنا انتهى بطريقة مش حبينها ......او خناقة مثلا على موضوع تافه خدت اكتر ما تستحق وكبرنا الحكاية فيها....او ان مثلا حياتنا زى ماهى مافيهاش جديد........ملل بجميع الانواع والاشكال......ساعات الواحد بيقعد مع نفسه ويفتكر حاجات حصلت ليه ويضايق ويبكى بكاء شديد وده حصلى من كام يوم.....وبيبقى مضايق اكتر انه بيبكى ومحدش هامه هو بيبكى ليه......مش شايف فى اللى حواليه ان حد ممكن يمسح دمعه .........حد يحس بيه فعلا......لدرجة انه بيتخيل ساعات انه حتى لاقدر الله ومات محدش هيحزن عليه.....بسبب الاهمال لمشاعره وانه شايف ان محدش بيحبه......
كنت بقول لنفسى للدرجة دى انا مش مهمة لاى حد .....للدرجة دى محدش بيحبنى ولا بيهتم لحالى.....ليه بحب كل الناس وبعاملهم الى حد ما كويس.....ومحدش بيحبنى للدرجة دى الناس شايفنى وحشة اوى كدة......حتى انى تخيلت ان امى وابويا واخواتى وصديقاتى مش بيحبونى.......ايوة واللهى ده حصل...والذاكرة بقى قعدت تقلب ذكريات حزينة من الطفولة لحد دلوقتى فبكيت جاااااااااامد اكتر......لكن لاما اختى الصغيرة لقيتها اهتمت بيا ولبكائى وحزنى حسيت ان الحمد لله فى حد بيحبنى حد فعلا خايف عليا ...حب اى طفل ليك بيبقى مش زى حب اى حد لانه بيبقى حب صادق
المهم تعرفى ايه اللى حصل بعد كدة فجاة بطلت عياط وقعدت اتكلم معاها واحكيلها مواقف حلوة كتير مريت بيها حاجات بجد كنت نسياها تماما..وقعدت اضحك ......لدرجة انها حست انى هودع خلاص وبكت عشانى
بكاها ده خلانى افرح اكتر واكتر ونسانى كل اللى كنت فيه وحاسة بيه........
يعنى دخلت فى الحالة دى على اهون سبب وخرجت منها برده على اهون سبب
صدقينى ساعات ممكن بسبب قسوة الام او الاب فى بعض المواقف نحس انهم مش بيحبونا.....لكن كل اللى بيعملوه ده لانهم فعلا اكتر حد بيحبنا وخايف علينا وعايزنا تملى نبقى احسن منهم.....فافرحى ادى اتنين بيحبوكى
اخواتك اكيد طبعا بيموتى فيكى وما يقدروش يستغنوا عنك يوم ......اه بنتخانق لكن حياتهم ماتمشيش صح الا لو كنتى فيها.........شوفى بقى هما كام وبيحبوكى برده
وتعالى بقى هنا ......ايه ياست شيكو......نسيتى صاحباتك يعنى....اللى بيحبوكى موووووووووووووووت موووووووووت ومايقدروش يتخيلوا حياتهم من غيرك........طيب افتكرى مواقفك معاهم .......وحاجات عملتوها وضحكتم عليها من القلب ومافيش مانع تفتكرى برده موقف خلاكم تبكوا مع بعض....
وبعدين المنتدى كله بيحب شيكولاته ......والدنيا كلها كمان.......ينفع نعيش من غير شيكولاته يعنى.....هاه ينفع.....


باختصار الحل:
ان اى انسان بيمر بلحظة زى دى يحاول يقرب من ربنا اكتر
انه يحاول يخرج نفسه من الحالة اللى هو فيها
يدور على صديق مخلص ليه ويحكى ليه عن حاله وانا متاكدة.......هاه...ان الصديق ده هيسمع ليه كويس وهيحس بيه.....ماشى.....
يحاول بقى يغير من حياته ويشوف ايه اللى بيضايقه ويحاول بقدر الامكان يبعد عنه ......

انا عارفة بجد انى طولت على الاخر ودوشتك وكتبت موضوع تعبير مش مشاركة وبدل ما اقول الحل قعدت احكى انا كمان .....بس واللهى بكلمك من داخل تجربة شخصية وطيدة بالاحساس ده وخلى باللك الاحساس ده لو زاد عن حده والانسان ماعرفش يخرج منه بسرعة ممكن يصبح عنده شعور عادى وهيصاب بيه كتير كل ما اى حاجة صغيرة تحصل وبجد لازم تقنعى نفسك ان فى ناس بيحبوكى ولشخصك انتى من غير اى هدف تانى....وانا متاكدة من اللى بقوله مش لازم يبقوا كتير ومش لازم اى حد نحبه يحبنا او ننتظر ان اللى بنحبه يحبنا ....لكن اكيد بجد حوالينا ناس بيحبونا ممكن نكون لسة مش عارفين منهم ناس كتير ....ممكن يكونوا حوالينا بس مش بيقدروا يعبروا عن حيهم ده.......بس لازم ا قنعك واقنع نفسى اولا....ان بجد احنا اكيد مهمين لحد واكيد فى حد بيحبنا بجد......
كفاية كدة اوووووووووووووووووى
واسفة على الاطالة
وسلاماااااااااااااااااااتى

[محمد سمير]

موضوع حلو ياشكولانه

وعلى فكره المشكله دى بيعانى منها ناس كتير نتيجة الملل وان ما فيش حاجه جديده فى حياتهم وزملائى قالوا حلول كتير اوى للمشكله دى

بس انا عاوز اقلك الحياه مش كلها حزن ومش كلها فرح لازم نعيش الاتنين ودى سنة الحياه

يعنى الواحد ساعات بيبقى طاير من الفرح والدنيا دى بتكون فى عينه جميله وبيقعد يقول ده الحياه حلوه بشكل

وساعات تانيه يحصل موقف يزعلك ويخليك مكتئب وما لكش نفس لحاجه وتقعد تقول يارب اموت انا زهقت ده حياه ما ليهاش طعم

مش ده اللى بيحصل؟؟

نهاية كلامى احب اقول ان الواحد ما يستلسمش فى اوقات الحزن وان الواحد طول ما هو قريب من ربنا بتكون حياته حلوه وسعيده

يارب اجعل حياتنا كلها فى طريقك المستقيم وابعد عننا اى حاجه وحشه