شكر وتقدير لازم وواجب

[Mohamed Al Gohary]

فيه واحد صاحبنا كان متعود يسال على صاحبه .. كل سنه .. كل سنه .. ولما جت سنه مسالش عليه .. صاحبه ده زعل من صاحبنا .. مع ان المفروض العكس ..

هو انا عاوز اقول ايه !!

اه عاوز ان الانسان ده امره غريب .. لو حد عمل فيه معروف .. يشكره .. ولو المعروف ده اتعمل تاني فهو شيء متوقع وبقى مفروض .. ومش لازم شكر ..


السنه اللى فاتت اول ما الجدول نزل ولقينا ان اليوم بيبدأ الساعه 9 مش 8 زى كل سنه .. وكمان لما لقينا الفواصل بين المحاضرات - بغض النظر عن عدم تطبيقها فعليا - وان المحاضره بقى وقتها الرسمي 50 دقيقه .. والسنه دي نظريا هيبقى اقل .. كله شكر وتوبيكات ورسايل شكر .. وتقدير ..

والسنه دي محدش فكر انه يقول كلمة شكر .. ونقول ليه ياعم ما خلاص الطبيعي ان اليوم يبدا من الساعه تسعه .. وتبقى المحاضره وقتها كده ..




عموما باقة ورد ومعاها فلاسك ..

لـــــ والدنا جميعا واللى بنتعز بيه فعلا .. الاستاذ الدكتور محمود بكر عميد الكليه ..
والاستاذ الدكتور حسن الكاشف وكيل الكليه لشئون التعليم والطلاب ..


جزاكم الله كل خير عنا ..

[Amira]

اصلنا اتعودنا منهم دايما على تعاونهم معانا واستجايتهم لرغباتنا

وكمان هــو ده المتوقع من الدكتور محمود بكــر و الدكتور حسن الكاشف

الــــــف شكــــر .....وجــــزاكم الله خيــــرا

أكـــرمكــم الله

[BoNbOoNa]

أشكر الله الذي انعم علينا بأساتذة رائعين نتعلم منهم دائما . . . و اشكر د\ جوهاري علي تذكيرنا بهذه النعمة العظيمة
جزاكم الله كل خير يا دكتور محمود علي ما تبذله من مجهود من أجلنا
و جزيل الشكر لكل من علمنا حرفا او ألهمنا بفكرة او مهد لنا طريقا او ساعدنا في حل مشاكلنا
و أبلغ كلمات الشكر ,, جـــزاكــــــــم الله كـــل خـيــــــر


باقة من الورود في تست تيوب ( اشيك من الفلاسك )
اقدمها لدكتور محمود ... أسأل الله أن جعل مجهودك في ميزان حسناتك
و ان يعيننا علي رد علي الجميل يوما ما

[Mohamed Al Gohary]

باقة من الورود في تست تيوب ( اشيك من الفلاسك )

لا بقى الفلاسك أحلى

شكرا لكل اللى شارك ..

[ambitious pharmacist]

لا شكر على واجب لانهم ليسوا اساتذتنا فقط بل هم اباءنا فى نفس الوقت ومن الطبيعى ان يخاف الاب على ابنائة وان يرعى مصالحهم دون ان ينتظر منهم جزاءا او شكورا
ومن الطبيعى ان يتنظر الابن من ابية ما هو اكثر

[أمــ هـنـد ــة الله]

يا د\ محمود

كنت خايفه جدا يرجع تانى اليوم الدراسى الساعة 8
لكن الحمد لله فضل الجدول زى ما هوا بكل التغييرات الجميلة اللى فيه

بجد ربنا يكرمكم جميعا لانكم بتشوفو احنا عايزين ايه ولو باستطاعتكم تنفيذه مش بتبخلو ابدا

فجزاكم الله كل خير ونفع الله بكم

[Dr Mahmoud]

أولا شكرا لكم على الورد والفلاسك والتست تيوب وأى حاحه فيها كيمياء ..

ولكن فعلا لا شكر على واجب يا محمد .. كما أكدت المشاركة الأخيرة .. .. فلم يخطر ببال أى منا أن نتلقى كلمة شكر .. لأنه واجب علينا ..

بل حطر ببالنا أننا سنتلقى شكاوى من سوء الجدول .. و .. و ... وده طبيعى جدا .. ومع ذلك نحاول أن نريح الأغلبية لأنه من الصعب ارضاء (الجميع)

أما الذى يحزننى جدا فهو الأسلوب الذى توجه به الشكاوى .. ومثال على ذلك : (
انا شوفت الجدوا بتاعنا النهاردة جاتلى صدمة مشعارفة الصدمة دى فى كليتنا ولا فى الوزارة ولا فى الحكومة كلها
.. بجد نفسى حد يحل المشكلة ولسة فى وقت بلاش تتاجل للسنة الجاية زى ما كل حاجة بتتاجل )
!!!!!!!
عموما لا شكر على واجب !!!!!!!

[Alyaa]

عندك حق يادكتور جوهري

اكيد شكر كبير جدا على كل حاجه بيعملوها عشانا وشهادة تقدير كمان

وهما بصراحه على قد مابيقدرو بيحاولو يساعدونا بدليل جدول امتحانا السنه اللي فاتت وكمان لما طلبنا منهم يتعدل فيا لماده الاخيره وافقو عشان مصلحتنا


وشكرا

[Mohamed Al Gohary]

اشكر حضرتك دكتور محمود على المتابعه التى اتمنى ان تظل دائما رغم أى شيء من الممكن ان ياضيق حضرتك ..

يا دكتور محمود لو عملت الجدول ساعه واحده يوميا .. الناس هتعترض وتقول ليه ساعه .. ولو عملتوا عشر ساعات يوميا الناس برضه هتعترض وتقول ليه عشر ساعات .. والغريب والطريف فى نفس الوقت ان الناس اللى اعترضت على الساعه الواحده هما نفسهم اللى اعترضوا على العشر ساعات ..

امضي فيما تراه نافع لنا فنحن على ثقة كبيرة فى قرارات حضرتك الحكيمه ..

وفقك الله وسدد خطاك وجعل ذلك كله فى ميزان حسنات حضرتك يوم القيامه ان شاء الله ..

[Amira]

اشكر حضرتك دكتور محمود على المتابعه التى اتمنى ان تظل دائما رغم أى شيء من الممكن ان ياضيق حضرتك ..

يا دكتور محمود لو عملت الجدول ساعه واحده يوميا .. الناس هتعترض وتقول ليه ساعه .. ولو عملتوا عشر ساعات يوميا الناس برضه هتعترض وتقول ليه عشر ساعات .. والغريب والطريف فى نفس الوقت ان الناس اللى اعترضت على الساعه الواحده هما نفسهم اللى اعترضوا على العشر ساعات ..

..

بالظبط كده ..... هو ده اللى بيحصل فعلااااا

ارضاء كل الناس غايه لاتدرك

امضي فيما تراه نافع لنا فنحن على ثقة كبيرة فى قرارات حضرتك الحكيمه ..

وفقك الله وسدد خطاك وجعل ذلك كله فى ميزان حسنات حضرتك يوم القيامه ان شاء الله

اللهم آمين

بالتوفيق ان شاء الله