ابن الزوجه ..!!!!

[summer breeze]

السلام عليكم ورحمه الله وبركاته

كل سنه وانتم طيبين جميعا وينعاد عليكم رمضان بالصحه والخير دايما يارب

طبعا مفيش حد خافي عليه ارتفاع معدلات الطلاق الرهيبه دلوقتي مش في مصر بس انما في اغلب البلاد العربيه كمان ظاهره تانيه ملحوظه هي ارتفاع معدلات موت الفجاه والحوادث الى اخره وطبعا الحاجات دي كلها بتخلي نسبه نساء كتير في المجتمع مطلقات وارامل وهنا بقى مش هنتكلم على نظره المجتمع ولا الاسباب في هذه الظواهر انما حابه اننا نناقش الوضع بتاع المطلقه والارمله اللي معاها اطفال
في ظلم اجتماعي رهيب بتتعرض ليه الفئه دي من السيدات لانها مش خارجه من وفاه الزوج او الطلاق لوحدها لا دي معاها اولادها اللي هيا طبعا هتبدا معاهم رحله الشقاء في ازاي تعلمهم وازاي تكبرهم وتربيهم في ظل الظروف اللي احنا عايشينها دي طبعا مش خافي عليكم برضه ان الفئه دي بتبقى حظوظهم في الزواج قليله والخيارات اللي قدامهم ضيقه والمجتع كله عارف كدا وبالتالي اللي رايح يتقدم لها يشرط ويتامر على كيفه يعني مثلا احنا هنسكن سوا وابنك ميسكنش معانا او ييجي يعيش معانا بس مليش دعوه بمصاريفه وقيسوا بقى على ذلك

انا هقول مثل واحد بس شفته على ارض الواقع يعني مش من برنامج ولا من تلفزيون ولا حاجه واحده مطلقه وشابه ومعاها ولد اتقدملها رجل ثري وميسور وعلى مستوى رفيع علميا مش فاكره هو كان دكتور في الجامعه ولا طبيب بشري المهم هو كمان معاه ولد اتقدملها وعارف ظروفها وان ليها ابن وكل حاجه يقوم بقى يشترط ايه بصي نتجوز تربيلي ابني بس ابنك ميعشي معانا
ها دا ايه دا بقى يعني هيا مش انسانه دي وليها مشاعر يبقى شعورها ايه وانت بتطالبها تربيلك ابنك وتاكله وتشربه وهيا راميه ابنها يعني متوقع منها تعمل دا ازاي ؟
خلاص معدش في رحمه هي الناس نسيت حديث الرسول عليه الصلاه والسلام ان من لايرحم لايرحم وارحموا من في الارض يرحمكم من في السماء

ادلوقتي بقى عاوزين نتناقش سوا يعني ايه رايكم في الكلام دا كبنت لو جتلك واحده وشكتلك حاله زي دي تنصحيها انها توافق ولا ترفض مع التوضيح في الحالتين وكولد هل ممكن تعمل زي الزوج دا في يوم من الايام وتطالب الزوجه ان ابنها ميعش معاكم ليه اه وليه لا

وسؤال بقى للبنات لو تخيلتي نفسك في يوم من الايام لاسمح الله ومعاكي اطفال من تجربه سابقه هتتجوزي علشان تربيهم ولا هترفضي وتفضلي انك تتفرغي لتربيتهم بمجهودك ومن غير مايدخل حياتهم رجل غريب
وطبعا زي ما سالنا البنات نسال الاولاد ليه الرجل لما ينفصل عن زوجته او يتوفاها الله على طول يروح يتجوز ليه مبيبقاش عنده حته الخوف على ولاده من زوجه الاب دي بالرغم من الحكايات المرعبه اللي بنسمعها عن زوجه الاب وبهدلتها في الاولاد
وهل عايشتم حد في المجتمع عاش تجربه مماثله بس ياريت ياجماعه تبقى حاجات واقعيه مش من التلفزيون ولا المجلات

بانتظار ردودكم وارائكم اترككم في امان الله

[mona_ ph]

الموضوع بجد مهم جدا وواقعي ومن كلامك اول مره اعرف ان الناس انتزعت من قلوبهم الرحمه للدرجه دي
طبعا لو واحد طلب منها انها تسيب اولادها ترفض ومن غير تردد ده رأي
وانا افضل ان الانسانه اللي لا قدر الله يحصل معاها كده تتفرغ لتربيه اولادها من غير ميدخل في حياتهم راجل غريب الا اذا كان انسان عاقل ومقدر ده ودول طبعا مش كتير
وشكرا علي عرضك للفكره

[Dr nour]

كل سنه وانتم طيبين جميعا وينعاد عليكم رمضان بالصحه والخير دايما يارب

كل سنه وانتى طيبه ياسمر ووحشتنا موضوعاتك الجميله واللى دايما بتناقش قضايا مهمه

وهنا بقى مش هنتكلم على نظره المجتمع ولا الاسباب في هذه الظواهر

بصراحه كنت اتمنى اننا نناقش الموضوع دا لأنه فعلا مهم ومن الموضوعات اللى بيتناول النظره الظالمه والآراء المستفزه

ادلوقتي بقى عاوزين نتناقش سوا يعني ايه رايكم في الكلام دا كبنت لو جتلك واحده وشكتلك حاله زي دي تنصحيها انها توافق ولا ترفض مع التوضيح في الحالتين وكولد هل ممكن تعمل زي الزوج دا في يوم من الايام وتطالب الزوجه ان ابنها ميعش معاكم ليه اه وليه لا

من حق كل انسان ان يتزوح فهو حق مشروع له فالمرأه بأى صفه أو وضع سواء مطلقه ,أرمله من حقها وهذا ما أحله لها الشرع أن تتزوج
لكن لو اتكلمنا بصفه خاصه وبناء على ماذكر فى الموضوع ان المرأه فى هذه الظروف تحتاج لمن يساعدها فى تربيه أولادها سواء أكان هذا لظروف ماديه أو لظروف أخرى لأن تربيه الابناء أمر شاق جدا قد لا تقوى علي القيام به امرأه لوحدها ( هذا فى بعض الحالات)
يعنى زواجها للمره الثانيه بيكون فى الغالب علشان الأبناء طيب ازاى توافق انها تتزوج علشانهم وفى الوقت نفسه مطلوب منها التخلى عنهم طب ايه الفائده بقى من الزواج دا هنقول ممكن علشان الظروف الماديه طب هل الأولى انى اوفر لأبنائى الماده واتركهم بلا حنان ولا عطف وهم فى أشد الاحتياج ليهم عن غيرهم أكيد لو هى عملت كدا عمر الابناء دول ماهيكونوا ذوى شخصيه سويه يبقى انا حطمت أولادى بدل مااساعد على تربيتهم دا بالاضافه ان عمر الزواج التانى دا ماهيستمر يعنى زى ماذكرتى ازاى هى تقدر تربى أولاده واولادها هى بعاد عنها ازاى تعطى حنان وتبقى أم وأبنائها محرومين من الأم ومن حنانها فدا هيعمل مشاكل كتير جدا وهيكون نهايه الزواج دا فى الغالب الانفصال ولو ظل الابناء معاها فى نفس بيت زوجها التانى و مثلا كان غليظ القلب على ابنائها اكيد هيبقى فى عداء بين الابناء والزوج التانى يبقى انا كسبت زوج وخسرت ابناء يبقى نصيحتى ليها رفض الزواج

وسؤال بقى للبنات لو تخيلتي نفسك في يوم من الايام لاسمح الله ومعاكي اطفال من تجربه سابقه هتتجوزي علشان تربيهم ولا هترفضي وتفضلي انك تتفرغي لتربيتهم بمجهودك ومن غير مايدخل حياتهم رجل غريب

عن نفسى وعن اقتناع شديد هرفض الزواج من شخص تانى وانى أدخل على أولادى رجل غريب قد يكون السبب فى الفرقه بينى وينهم لأن بعض الرجال تتملك الغيره من قلوبهم حتى تصل لابناء الزوجه لمجرد انهم من رجل آخر

وهل عايشتم حد في المجتمع عاش تجربه مماثله

أنا هقول قصتين القصه الأولى لامرأه كانت متزوجه ولديها 3 ابناء بعدالطلاق تزوجت من آخر تاركه ابنائها غير مباليه بهم فماذا كانت النتيجه
ابنها الاكبر والذى كان طالبا فى كليه الشرطه ترك الكليه وأدمن المخدرات وهو الآن سجين وبقيه ابنائها تركوا المدارس وأصبح هناك عداوه وكراهيه للأم
والأخرى كان لديها طفلان اكبرهما 10 سنوات وهو الذى ابتدأ بافتعال المشاكل حتى اصبح هناك عداوه بينه وبين زوج الأم الذى طالب فى النهايه بأن تترك الأم أطفالها حتى يستمر الزواج الذى انتهى الانفصال
______________
أكيد مش كل زواج هيكون نهايته بالطريقه دى لأن فى بعض الزيجات بتستمر لأن الزوج بيكون رحيم بالابناء ورجل متفهم حنون وعلى الجانب الآخر زوجات بتكون رحيمه بالابناء
وأكيد فى ظروف وحالات تقتضى ان تتزوج بآخر فالحياه هتستمر ولن تقف عند جانب أو حادث معين لكن المهم هو انه اذا لزم الزواج لابد لنا ان نختار ونتقن فى الاختيار وان نراعى مصلحه الابناء أولا وأخيرا
ولابد من البعد التام عن الأمثله المطروحه فى الموضوع دا كان رأيى فى الموضوع
وبشكرك ياسمر بجد على طرحك للموضوع المهم دا كعاده مواضيعك اللى بجد افتقدناها

[summer breeze]

اول مره اعرف ان الناس انتزعت من قلوبهم الرحمه للدرجه دي

لايامنمونه لو على الناس في كدا واكتر من كدا كمان الا من رحم الله

طبعا لو واحد طلب منها انها تسيب اولادها ترفض ومن غير تردد ده رأي
وانا افضل ان الانسانه اللي لا قدر الله يحصل معاها كده تتفرغ لتربيه اولادها من غير ميدخل في حياتهم راجل غريب الا اذا كان انسان عاقل ومقدر ده ودول طبعا مش كتير

معاكي اكيد يامنى بس مش كل السيدات بتكون عندهم المقدره على الرفض دي يعني في اللي ظروفها الماديه بتحتم عليها انها تقبل علشان تقدر تربي الاولاد دول والا هيبقى مصيرهم الشارع وناس تانيه بتجبرهم ظروفهم الاجتماعيه على القبول تلاقي عليها ضغط من كل المحيطين بيها انها تتجوز علشان يبقى في رجل يرعاها ويساعدها على تربيه الاولاد وكدا وزي ماقلنا النوعيه دي بتبقى فرصهم في الزواج قليله وممكن تحت الضغوط دي تقبل باي حد
بشكرك كتير يامنمنه على تواجدك في الموضوع وعلى مشاركتك الحلوه

[summer breeze]

كل سنه وانتى طيبه ياسمر ووحشتنا موضوعاتك الجميله واللى دايما بتناقش قضايا مهمه

وانتي طيبه يانور احنا اللي وحشنا وجودك معانا ومشاركاتك اللي دايما بتضيف للموضوع

ب

صراحه كنت اتمنى اننا نناقش الموضوع دا لأنه فعلا مهم ومن الموضوعات اللى بيتناول النظره الظالمه والآراء المستفزه

بس كدا انتي تؤمرينا يانور طبعا المراه المطلقه او الارمله بتعاني فعلا من ظلم شديد من المجتمع من حيث نظرته ليها ومن حيث تعامله معاها ويزداد الوضع حده لما يكون معاها اولاد ودي الناحيه اللي حبيت اننا نلقي الضوء عليها لكن ميمنعش اننا نناقش اشكال الظلم التانيه ونشوف ليه المجتمع وصل لكدا

يعنى زواجها للمره الثانيه بيكون فى الغالب علشان الأبناء طيب ازاى توافق انها تتزوج علشانهم وفى الوقت نفسه مطلوب منها التخلى عنهم طب ايه الفائده بقى من الزواج دا هنقول ممكن علشان الظروف الماديه طب هل الأولى انى اوفر لأبنائى الماده واتركهم بلا حنان ولا عطف وهم فى أشد الاحتياج ليهم عن غيرهم أكيد لو هى عملت كدا عمر الابناء دول ماهيكونوا ذوى شخصيه سويه يبقى انا حطمت أولادى بدل مااساعد على تربيتهم دا بالاضافه ان عمر الزواج التانى دا ماهيستمر يعنى زى ماذكرتى ازاى هى تقدر تربى أولاده واولادها هى بعاد عنها ازاى تعطى حنان وتبقى أم وأبنائها محرومين من الأم ومن حنانها فدا هيعمل مشاكل كتير جدا وهيكون نهايه الزواج دا فى الغالب الانفصال

كلام جميل فيه قدر كبير من العقل والاتزان بس !!!!!!!!!
الكلام اللي قلتيه دا يانور يتطلب امور كثيره علشان يبقى تنفيذه متاح اولها ان السيده نفسها تكون صاحبه عقليه متفتحه وتقدر تشوف الامور بالصوره اللي انتي عرضتيها دي ودا طبعا في 70 % من الحالات مش موجود لان دلوقتي الزمن طغت فيه الماده على كل شيء حتى على المنطق هيا دلوقتي لو سابت اولادها في بيت اهلها مقابل انه ينفق عليهم هتوازن بين الايجابيات والسليات دول هيبقوا في بيت جدهم وانا هبقى اجي اشوفهم ومش بعيد تكون حاطه امل ان الزوج يلين بعد زمن ويوافق على اقامتهم معاها في نفس السكن وفي المقابل من وجهه نظرها هتوفر لاولادها ماكل افضل ملبس احسن وطبعا تعليم افضل من لو كانت لوحدها هتعمل دا كله ازاي ومنين ؟؟؟؟؟

ولو ظل الابناء معاها فى نفس بيت زوجها التانى و مثلا كان غليظ القلب على ابنائها اكيد هيبقى فى عداء بين الابناء والزوج التانى يبقى انا كسبت زوج وخسرت ابناء يبقى نصيحتى ليها رفض الزواج

هنرجع تاني ونقول ان الفئات دي حظوظهم في الزواج قليله ودي بقت حاجه خلاص مترسخه في ذهن المجتمع وفي ذهن السيدات دول كمان وبالتالي كون ان واحد يتقدملها بظروفها دي ويقبل وجود اولادها معاها دي من وجهه نظرها حاجه عظيمه جدا (كانها عندها عاهه مستديمه ولا حاجه وهو قابلها على حالتها !!!!!!!) ويعني يبقى الرجل دا شاريها قوي وبيموت فيها علشان كدا قبل الوضع دا
وبعدها بقى بتتضح الحقايق ويظهر ان دا كله كان مجرد تمثيل لانه طبعا مش معقول وهو لسه خاطبها هيبقى وحش مع اولادها اكيد هيبقى الاب الرحيم الشفيق لحد لما يتجوزها وبعدها ................

عن نفسى وعن اقتناع شديد هرفض الزواج من شخص تانى وانى أدخل على أولادى رجل غريب قد يكون السبب فى الفرقه بينى وينهم لأن بعض الرجال تتملك الغيره من قلوبهم حتى تصل لابناء الزوجه لمجرد انهم من رجل آخر

تمام يانور دي بقى نقطه مهمه وبرضه مترسخه في ثقافه المجتمع عندنا ودا تلاقيه متضح في المثل اللي دايما بيتردد في الحالات دي
يامربي في غير ولدك ياباني في غير ارضك
مش عارفه بصراحه هل فعلا الناس بتشوف ان مينفعش اني اعامل ابن زوجتي دا على انه ابني واكبره وارعاه علشان في كبري الاقيه حد بار بيا واتسند عليه كنت برضه حابه نناقش رايكم في النقطه دي وايه مدى صحتها من وجهه نظركم
اما عن القصص فبصراحه المفروض يتعرضوا في بريد الجمعه
بس يانور لفت نظري حاجتين في اول حاله قلتي الام تركت الاولاد غير مباليه بهم ودي بقى كارثه كبيره ومن رايي دي متستحقش لقب ام

اما القصه التانيه فدي برضه مشكله كبيره جدا ان الطفل يتقبل حد تاني مكان والده او مكان والدته بتحتاج صبر كبير قوي من الطرف التاني وطوله بال ومثابره لان دا ايا كان طفل وصعب عليه انه يتقبل الموضوع

وأكيد فى ظروف وحالات تقتضى ان تتزوج بآخر فالحياه هتستمر ولن تقف عند جانب أو حادث معين لكن المهم هو انه اذا لزم الزواج لابد لنا ان نختار ونتقن فى الاختيار وان نراعى مصلحه الابناء أولا وأخيرا

هو دا المفروض لكن علشان يتحقق لازم نظره المجتمع كله للفئه دي تتغير علشان يكون بجد عندهم حريه اكبر في الاختيار
شكرا كتييييييييييييييير يانور على المشاركه الرائعه نورتي التوبيك

[متفائل]

جزاكم الله خيرا يا دكتورة على هذا الموضوع
خصوصا أنه يناقش أحد مشاكل المجتمع
و التى قد يكون معظمنا بعيدا عنها
أشكر الجميع على هذه الايجابية


أؤمن أن السبب فى الكثير من المشاكل التى نعاصرها الان هى هذه الحالة من السلبية و اللامبالاة و عدم الاكتراث بما يدور من حولنا و أصبحنا نرتضى الكثير من الأمور و كأنها فرضا علينا و أصبح شعار الكثيرين منا :
يا عم و أنا مالى
يعنى هو أنا اللى هصلح الكون
يا عم خليك ماشى جنب (أو فى )الحيط . حسب الرواية
يا عم... ..كبرررررررررررر
الى غيرها من العبارات عن لسان الكثيرين

ولعل الموضوع يذكرنى بحديث الرسول ( صلى الله عليه و سلم ): " مثل المؤمنين فى توادهم و تراحمهم و تعاطفم مثل الجسد إذا اشتكى منه عضو تداعى له سائر الجسد بالسهر و الحمى "

واذكر بخصوص هذا الموضوع بالحديث: " لا يؤمن أحدكم حتى يحب لأخيه ما يحب لنفسه "

وهناك الكثير من الأحاديث الأخرى التى توصى بحقوق المسلمين بعضهم على بعض

فالقضية قضية إيمانية فى المقام الأول و الحالات التى ذكرتموها لا شك أن هناك خلل فى إيمان أصحابها
وللحديث بقية إن شاء الله

[muna7assan]

السلام عليكم ورحمه الله وبركاته
وعليكم السلام ورحمه الله وبركاته

كل سنه وانتم طيبين جميعا وينعاد عليكم رمضان بالصحه والخير دايما يارب
وانتى طيبه يا جميل

انا هقول مثل واحد بس شفته على ارض الواقع يعني مش من برنامج ولا من تلفزيون ولا حاجه واحده مطلقه وشابه ومعاها ولد اتقدملها رجل ثري وميسور وعلى مستوى رفيع علميا مش فاكره هو كان دكتور في الجامعه ولا طبيب بشري المهم هو كمان معاه ولد اتقدملها وعارف ظروفها وان ليها ابن وكل حاجه يقوم بقى يشترط ايه بصي نتجوز تربيلي ابني بس ابنك ميعشي معانا
ها دا ايه دا بقى يعني هيا مش انسانه دي وليها مشاعر يبقى شعورها ايه وانت بتطالبها تربيلك ابنك وتاكله وتشربه وهيا راميه ابنها يعني متوقع منها تعمل دا ازاي ؟

الموقف اللى زى دا يخلى الشخص دا ينزل فى نظر اى حد حتى لو كان دكتور فى كليه لأن دا مش تصرف شخص طبيعى

ادلوقتي بقى عاوزين نتناقش سوا يعني ايه رايكم في الكلام دا كبنت لو جتلك واحده وشكتلك حاله زي دي تنصحيها انها توافق ولا ترفض مع التوضيح في الحالتين

لا اخليها ترفض طبعا
لان الشخص دا عاوز خادمه له ولأبنه مش ام ومربيه فاضله
اصلا الست اللى توافق على كده لايمكن حد يستأمنها على اولاده
اذا كان ابنها فرطت فيه يبقى هاتعامل ابن جوزها ازاى؟

وسؤال بقى للبنات لو تخيلتي نفسك في يوم من الايام لاسمح الله ومعاكي اطفال من تجربه سابقه هتتجوزي علشان تربيهم ولا هترفضي وتفضلي انك تتفرغي لتربيتهم بمجهودك ومن غير مايدخل حياتهم رجل غريب
لأ انا افضل انى اعيش لهم هما وبس
وما احبش ابدا انى ادخل على اولادى زوج اب

وهل عايشتم حد في المجتمع عاش تجربه مماثله بس ياريت ياجماعه تبقى حاجات واقعيه مش من التلفزيون ولا المجلات

ايوه شفت بنفسى حالتين
الاولى الام رفضت الزواج وعاشت علشان بنتها ودلوقتى ما شاء الله مربياها احسن تربيه واحسن تعليم ومصاحباها
والتانيه كانت نفس ظروف الاولى معاها بنت واحده بس وافقت على الزواج وللأسف البنت بتعانى ولا هيا لاقيه اهتمام من زوج امها ولا من امها نفسها

ميرسى على التوبيك الجميل دا
بجد موضوع مهم جدا وموجود حوالينا كتيييييير

[summer breeze]

أؤمن أن السبب فى الكثير من المشاكل التى نعاصرها الان هى هذه الحالة من السلبية و اللامبالاة و عدم الاكتراث بما يدور من حولنا و أصبحنا نرتضى الكثير من الأمور و كأنها فرضا علينا و أصبح شعار الكثيرين منا :
يا عم و أنا مالى
يعنى هو أنا اللى هصلح الكون
يا عم خليك ماشى جنب (أو فى )الحيط . حسب الرواية
يا عم... ..كبرررررررررررر
الى غيرها من العبارات عن لسان الكثيرين

متفقه مع حضرتك جدا يادكتور هو مفيش حاجه اصلا جايبه المجتمع بتاعنا ورى غير ثقافه نفسي نفسي دي ومفيش فرد يحط نفسه ابدا مكان اخوه ولا يخطر على باله انه ممكن في يوم من الايام يكون في نفس الوضع ........

ولعل الموضوع يذكرنى بحديث الرسول ( صلى الله عليه و سلم ): " مثل المؤمنين فى توادهم و تراحمهم و تعاطفم مثل الجسد إذا اشتكى منه عضو تداعى له سائر الجسد بالسهر و الحمى "

واذكر بخصوص هذا الموضوع بالحديث: " لا يؤمن أحدكم حتى يحب لأخيه ما يحب لنفسه "

وهناك الكثير من الأحاديث الأخرى التى توصى بحقوق المسلمين بعضهم على بعض

عليه افضل الصلاه واتم التسليم ماهو لو الناس استقامت على شرع ربنا والتزمت بهدي الحبيب المصطفى مكنش زمانا اضطرينا نتكلم في موضوع زي دا وابسط حاجه قوله ( الساعي على الأرملة والمسكين كالمجاهد في سبيل الله أو القائم الليل الصائم النهار)
اما بقى في حق الاولاد اللي بيساء معاملتهم دول فيكفي فيهم قوله تعالى (فاما اليتيم فلا تقهر )
ربنا يصلحنا ويهدينا لتطبيق شرعه

فالقضية قضية إيمانية فى المقام الأول و الحالات التى ذكرتموها لا شك أن هناك خلل فى إيمان أصحابها

اكيد يادكتور ربنا ينير القلوب بنور الايمان ويقذف بالرحمه في قلوب الناس

وللحديث بقية إن شاء الله

في الانتظار باذن الله يادكتور وجزاكم الله خيرا على مشاركتك معانا

[summer breeze]

الموقف اللى زى دا يخلى الشخص دا ينزل فى نظر اى حد حتى لو كان دكتور فى كليه لأن دا مش تصرف شخص طبيعى

معاكي حق يامنى احيانا الواحد بيستغرب من تناقضات عجيبه في الناس يعني انت دكتور جامعي ومثقف وقبل كل دا ودا انسان مسلم ازاي تطلب حاجه زي دي بس للاسف بقى يامنى اللي زي دا كتروا قوي ومن شتى الطبقات والبيئات

لا اخليها ترفض طبعا
لان الشخص دا عاوز خادمه له ولأبنه مش ام ومربيه فاضله
اصلا الست اللى توافق على كده لايمكن حد يستأمنها على اولاده
اذا كان ابنها فرطت فيه يبقى هاتعامل ابن جوزها ازاى؟

فعلا يامنمونه الجزء الاولاني صح هو مش عاوز اكتر من خادمه او هاوس كيبر لمده 24 ساعه بس الجزء التاني بقى بلاش التعميم يامنى كدا ظلمتي ستات كتير بتقبل والله وبتربي كل دا على امل انه يرضى عنها ويغير رايه في يوم من الايام

لأ انا افضل انى اعيش لهم هما وبس
وما احبش ابدا انى ادخل على اولادى زوج اب

سبحان الله تقريبا مفيش بنت ولا سيده مصريه تتسال السؤال دا غير وتجاوب نفس الاجابه وعلى فكره دا وضع مش طبيعي دا رد فعل للوضع السائد في المجتمع رد فعل للماسي الموجوده عندنا لانها خايفه على ولادها من الرجل دا والا يعني هو في واحده عاقله هيتقلها تعالي نفتح بيت وتعيشي فيه ملكه معززه مكرمه واولادك هما اولادي وبعدين تلاقي كل الستات يقولولك لا مندخلش على اولادنا رجل غريب !!!!!!!!!!!!!!!!!!
مع ان ايام الرسول عليه الصلاه والسلام الصحابيه زوجها يستشهد في المعركه تتزوج من صحابي اخرالرسول نفسه عليه الصلاه والسلام تزوج من ام سلمه رضي الله عنها بعد وفاه زوجها اثر جرح في غزوه احد وعمر ماذكر في التاريخ الاسلامي حوادث من اللي احنا بنسمعها دي ولا صحابيه تشتكي من اساءه زوجها لاولادها ولا الجنان اللي احنا بنسمعه دلوقتي دا

ايوه شفت بنفسى حالتين
الاولى الام رفضت الزواج وعاشت علشان بنتها ودلوقتى ما شاء الله مربياها احسن تربيه واحسن تعليم ومصاحباها
والتانيه كانت نفس ظروف الاولى معاها بنت واحده بس وافقت على الزواج وللأسف البنت بتعانى ولا هيا لاقيه اهتمام من زوج امها ولا من امها نفسها

ماشاء الله الام الاولى دي نموذج جميل ربنا يخليلها بنتها ويديم بينهم الحب والبر
اما الحاله التانيه بقى فربنا يريح البنت دي ويصلح حال البيت اللي هيا فيه علشان تستقر وتحس بطعم العيشه وسط اسره متحسش بالغربه فيها

ميرسى على التوبيك الجميل دا
بجد موضوع مهم جدا وموجود حوالينا كتيييييير

ميرسي ليكي انتي ياقمر على مشاركتك الجميله نورتي التوبيك بمرورك

[Nayroz]

[

ادلوقتي بقى عاوزين نتناقش سوا يعني ايه رايكم في الكلام دا كبنت لو جتلك واحده وشكتلك حاله زي دي تنصحيها انها توافق ولا ترفض مع التوضيح في الحالتين وكولد هل ممكن تعمل زي الزوج دا في يوم من الايام وتطالب الزوجه ان ابنها ميعش معاكم ليه اه وليه لا


لا طبعا ترفض لانها فى الاخر انسانة لو قدرت تقبل وتقدر تربى غير ابنها وسايبه ابنه ا ياعالم لمين .....بكرة مش هتقدر....وهتحصل مشاكل وحوارات ملهاش لازمة......وهيبقى حجة الزوج احنا اتفقنا على حاجة وقبلتى بيها عايزة تغيريها دلوقتى
وبعدين كدة الزوج لو بيتجوز بنية ا نه عايز حد يربى ابنه اليتيم....يبقى بيظلم الزوجة دى مرتين
مرة لما ظلمها بانه اعطى لنفسه حق سلبه منها وهى ت ربية ابنها
ومرة لما اتجوزها بس عشان تربى ابنه.....كدة اتجوز مربية لابنه وليس اكثر.........

وسؤال بقى للبنات لو تخيلتي نفسك في يوم من الايام لاسمح الله ومعاكي اطفال من تجربه سابقه هتتجوزي علشان تربيهم ولا هترفضي وتفضلي انك تتفرغي لتربيتهم بمجهودك ومن غير مايدخل حياتهم رجل غريب

لاقدر الله لو حصل ......وزوجى توفى وعندى اولاد.....غالبا مش هفكر غير فى تربية اولادى وانهم يبقوا احسن ناس....وبعدين يعنى هو انا لو ما اتجوزتش تانى يعنى مش هعرف اربيهم؟؟ وبعدين يا عالم لو جبت ليهم زوج ام هيبقى عامل ازاى ولا هيعاملهم ازاى ....مش كتير بنلاقى الزوج التانى اللى يقدر زوجته ويحب اولادها ويعتبرهم اولاده...وممكن فى الاول يبقى موافق وراضى بالوضع وبعدين يزهق..ولو ربنا رزقنى منه باولاد هيعاملهم ازاى بالنسبة لاولادى من الزوج الاول؟؟؟؟؟؟
لالالالالالالالالالالالا.......لاقدر الله لو حصل مفيش زواج مرة تانية....وبعدين باذن الله لو اتجوزت هكون بحب زوجى ده اوى وهيبقى اغلى انسان فى الدنيا هو واولادى......ومقدرش اتخيل انى اتجوز حد تانى بعديه لو توفى لاقدر الله قبلى..مهما حصل....وهعيش على ذكراه وتربية اولادى وبس......

وهل عايشتم حد في المجتمع عاش تجربه مماثله بس ياريت ياجماعه تبقى حاجات واقعيه مش من التلفزيون ولا المجلات

لا الحمد لله ما عايشتش حد حصله كدة......كله من خلال التليفزيوووووووووووون.....

تسلمى يا دكتورة على الطرح وفعلا موضوع مهم جدااااااااااااا
.................................................. .سلاماااااااااااااااااااتى............