كرامه الصيادله فوق كل شئ

[احمد الجوجرى]

للاسف يا جماعه فعلا الحرب بنا وبين الاطباء لن تتوقف ابدا على الرغم انها متوقفه من جهتنا
لكن فهى من ناحيه الاطباء مشتعله للغايه

للاسف بحثت فى منتديات كتير تخص الاطباء او المجال الطبى عامه دائما اجد مناقشات حول الفرق بين الصيدلى والطبيب لكن نجد الردود وطريقه كتابه الموضوع سيئه الى ابعد الحدود من جانب الاطباء سب وكلام بذئ جعلوا من مهنه الصيدله انها مهنه ....... للأسف مش هكمل باقى الجمله لأنكم اكيد فاهمين قصدى

عشان كده جبتلكم روابط لبعض المناقشات يا ريت تدخلوا وتشوفوها بصراحه ضغطكم هيرتفع ال المليون
لو قرأتوا بس رد واحد انا جبت 3 روابط من منتدى واحد كفايه دول دلوقتى

ممنوع منعا باتا كتابة البريد الإلكتروني (الايميل) , أرقام الهاتف او المحمول , مواقع أخرى , الجروبات , رسائل البريد الإلكتروني في المشاركات

بعد ما شفتوا الروابط ارجع واقول ان النقابه هى اللى عملت فينا كده يعنى لما يتطاولوا علينا فى الفضائيات وانا شفت حلقه بخصوص الموضوع ده والنقيب كان قاعد ماشاء الله اخرص .....nocomment

للأسف شفت حلقه كان فيها عضو مجلس الشعب قاعد يقول ان الصيادله بيشخصوا المرض ويوصف الدواء على الرغم انهم ميعرفوش حاجه عن الامراض ولا الدواء ولا الجرعات وقعد يهزق شويتين وصاحبنا النقيب قاعد ذى ما يكون فى ثلاجه وفى اخر البرنامج عرفنا ان عضو مجلش الشعب ده اصلا طبيب بشرى!!!!!!

بالنسبه للحكومه الكريمه جدا والوزير (طبيب بشرى ) عمل كادر للقطاع الطبى بيكرمنا فيه قوى

لاحظوا ان فى نهايه الصفحه ان نقيب لالاطباء احتج على الرغم من الزياده الكبيره 400% واحنا على الرغم من اننا لن نزيد عن 30% الا اننا لن نسمع صوت نقيب الصيادله

كفايه كده اصل بصراحه كلام يفور الدماغ اروح اخد دوا الضغط

[*محبة رسول الله*]

حسبى الله ونعم الوكيل

عند حضرتك حق يا دكتور
احنا اللى منزلين من نفسنا الارض
انا بجد مش قادرة افهم الناس بتبصلنا كده ليه

تخيل كل ما حد يسالنى هو انتى ف كلية ايه
اقولهم وانا والله مكسوفه-كشئ من التواضع يعنى- انا ف صيدلة

يقولولى بقالة يعنى.......

انا بضحك
لكن بجد دمى بيبقى محروق
ده فيه بنت بتقولى انتى ف كلية ايه بقا
قلتلها صيدلة قالتلى ااه يعنى مفيش حد فلح ف الدفعة غير.........
واحدة زميلتى ف طب.......

وانا ف ثانوى كنت هموت وادخل صيدلة
دلوقتى حسه انى مليش اى قيمة

حد يريحنى........
ايه اللى عمل فينا كده؟
التبلد ولا ايه بالظبط؟

بصراحة مفيش حد بيريحنى غير ابويا والدكتورة ثناء
حسبى الله ونعم الوكيل

[mona_ ph]

فعلا حسبي الله ونعم الوكيل
بيقولوا علينا عندنا عقد نفسيه عشان مدخلناش طب وفاكرين ان هما يعرفوا كل حاجه عن الطب وكمان عن الصيدله
والحقيقه الي المفروض احنا وهما نرضي بيها ان كل واحد في تخصصه يعرف عن غيره
يعني احنا احسن منهم في مجالنا الي هو الدوا وهما احسن مننا في مجالهم ولازم يفهموا ده كويس بس واضح من كلامهم انهم فاكرين نفسهم فاهمين في الاتنين
لكن طبعا محدش ينكر ان في اطباء فاهمين كويس ومقدرين دور الصيدلي الذي لا يقل عن دورهم وكلنا في النهايه هدفنا واحد وهو راحه المريض

بالنسبه لموضوع بقالين الناس الي بتقول كده حدود معرفتهم بينا ضيقه اوي وهو اننا بنقرا الدوا ونجيبه من علي الرف ومفيش اي خلفيه عندهم عن المواد الفعاله وتداخل الادويه مع بعض ومع الاكل والجرعات وحاجات كتير
وانا بسمي ده جهل منهم لانهم ميعرفوش باقي المجالات الي بتخص الصيدلي
واسفه للاطاله

[احمدلطفى]

انا هتكلم في نقطتين
1-لازم نقر بأن الصيدلي حاجه والطبيب حاجه تانيه خالص يعني ماينفعش صيدلي يفتي بغير علم ,ولو الصيدلي عنده ماده علميه محترمه نتفرق معاه جامد مثلا انا في صيدليه بيدرب معايه3طلبه من كلية الصيدله وطالب من كلية الطب كل ده عشان صيدلي فاهم وملتزم
2-واضح الناس اللي بتكلم في المنتديات مش عارفين حاجه عن الصيدله كمهنه ودا انا متفق معاك يادكتور جوجري اللي دا تقصير من النقابه وبرده من الصيدلي اللي مابينزلش في الصيدليه بتاعته الا كل فان وفان وسيبها لناس مش صيادله

[Mahmoud_Seif]

قبل ماشوف اي حاجه ... سيبكم من الكلام ده كله .... اهم حاجه اننا نكون واثقين في نفسنا كويس قوي ونكون عارفين دورنا في المجتمع ده كويس اووووي ومافيش اي كلام ياثر فينا .....وزي ماالدكتوره قالت اننا احسن من اي في مجال الدوا والعقاقير ومافيش اي حد يقدر يقول غير كده .

وليا واحد صاحبي رايح تالته ان شاء الله السنه دي بيحكيلي علي اللي بيشوفوا في الروشتات اللي بتجيله في الصيدله والاخطاء اللي بتتكب في الروشتات من كتابه اكتر من دوا ماينفعش يتاخدوا مع بعض ولا جرعه زايده ولا ولا ولا ....

المهم نكون عارفين احنا مين وبنعمل ايه ... وكل الكلام اللي يتقال نرميله ورا ضهرنا ونحاول ناخده نقطه ايجابيه لينا ... بيها نقدر نجتهد اكتر في مجالنا ....

[pharmacistina]

أنا قرأت حاجة واحدة ضحكت عليها

بس شاركت في المنتدى دة

و الله حاجة حلوة أوي


بس أنا زعلانة من حضرتك

عنوان الموضوع مش عاجبني

كرامة الصيادلة لا تنزل أبدااا لمجرد ان حضرتك قرأت موضوع كتبه مجموعة من الأطباء الصغيرين اللي عايزين يثبتوا نفسهم و يعملوا نفسهم بقى بتوع ..


زي واحد بيقول انه ناقش الصيدلي قاله تعرف الـ vagus nerve ؟؟

الصيدلي قاله : لأ

ليه ؟؟

هو احنا متخرجين من معهد لا مؤاخذة ؟؟

هو طبيب شاب في عز شباب مهنته ..

عايز يفهم الناس ان هو شاطر يعني و أحرج الصيدلي يا عيني ..

ميعرفش ان دي لو أنا كنت خليته ما يساويش بصلة قدام الناس ..

طيب احنا في شهر فضيل أهو و أنا بحلف .. أقسم بالله ان الدكتور ( الصيدلي ) مدير الصيدلية اللي بتدرب فيها اتصل بالطبيب عشان يلغي من الروشتة دواء ..

عادي يعني ..

صيدلي فاهم و متميز أحسن من ألف طبيب فاشل

و طبيب متميز و فاهم أحسن من ألف صيدلي فاشل

المعيار هو المعرفة ..

بنحب كليتنا ..

احنا ناس بنحب الكيمياء نعمل ايه ؟؟

كان المفروض ندخل طب غصب عننا عشان ننال احترام المجتمع ؟؟

للأسف أنا متأكدة انهم ولا حد منهم يعرف يعني ايه صيدلة و أحلف بالله على كدة ..

و لو طبيب عرف يعني ايه صيدلة بيحترم المجال جدااا , لأنه ببساطة فيه فهم مش موجود عندهم ..

أنا أختي طبيبة على فكرة .. و طبيبة شاطرة الحمد لله ربنا يوفقها يا رب و يكرمها ..

بتسألني في حاجات على فكرة و أنا بسألها في حاجات ..

عادي جدااا

هي تعرف أكتر مني عن الأمراض ..

و أنا أعرف أكتر منها عن الأدوية بدون شك و هي عارفة كدة ..


كرامة الصيادلة فوووووق أوي .. متنساش ان ابن سينا كان صيدلي ..

أنا لا يضرني ولا يهز شعرة فيا كلمة من اللي قرأته ..

بالعكس أنا ثابته جدااا ..

بحب مجالي جدااا الحمد لله ..

ليه نحبط نفسنا , و ليه نسمح لأي حد يحبطنا ..

أعتقد ان بيننا هنا ع المنتدى ناس لو اشتركت على منتداهم هيصعقوا ..

كن مميز ..

Read to lead

بس هو دة ..

انما أي كلام تاني و لا يهمني ..


صح يا صيادلة و لا ايه ؟؟

[احمدلطفى]

مضبوط يادكتوره بس لازم الناس الي بره تعرف يعبي ايهصيدلي

[Rooose]

ولا يفرق الكلام ده في أي حاجة وعشان محرقش أعصابي مكملتش قراية وبعدين الانسان المتفوق في مهنته حتي لو ايه محدش بيقدر ييجي ناحيته ...
سيبكوا من الكلام ده كله وبلاش ندايق نفسنا علي حاجة متستاهلش ...

[احمدلطفى]

السكوت خلت الناس دي تطاول بالطريق اللي احنا شيفنها

[pharmacistina]

مضبوط يادكتوره بس لازم الناس الي بره تعرف يعبي ايهصيدلي

نحاول ..

أهو المنتدى دة عليه تجمع كبير من الأطباء ..