ما رأيكم في صرف دواء بديل؟

[pharmacistina]

جزاكم الله خير يا جماعة والله انا حاسة انى مبسوطة بيكوا اوى حاسة ان كلكلوا اخواتى

أكيد يا سمسمة .. كل سنة و انتي طيبة يا قمر ..

أنا كمان بحس ان كلكم و الله اخواتي ..


قولولي يا جماعة ..

احنا لما بتيجي روشتة فيها صنف مش عندنا بنطلع البديل و من غير ما نقول للمريض ..

أنا شايفة ان عادي مش لازم نتصل بالطبيب طالما هو نفس الـ drug و نفس التركيز .. هناخد اذنه يعني ؟؟ عشان ايه ..

بس الحاجة اللي ممكن تؤرق الواحد ان يكون البديل اللي أنا هديه للعيان أغلى من الدواء المكتوب ..

محدش بيهتم بالموضوع دة بس أنا بحس انه ممكن يكون حرام ..

يعني المريض لو راح صيدلية تانية جاب من عندهم مش كان هيدفع أقل مما دفع عندنا

تفتكروا نعمل ايه ؟؟

انتو في صيدلياتكم بتطلعوا البدايل ؟؟ بتقولوا للمريض ؟؟ لازم كل مرة تطلعوا فيها بديل تتصلوا بالطبيب تستأذنوا ؟؟

هو غلط لو طلعنا بديل أصلا ؟؟

[wh_kaboo]

ما بلاش كلمة بديل دى المفروض انهم واحد واحنا فاهمين كده
ومش كل الناس بترضى بكده

[..::ciZar_Resala::..]

الدكتور بتاع الصيدلية اللى أنا فيها بيقول كده ..

ادهوله من غير ما تقول ..

و طبعاً أنا مسمحش لنفسى بكده .. لازم أعرفه أنا هديله إيه .. و مش بسمع كلام الدكتور و بعمل اللى ف دماغى ..

منا مش هديله دوا .. و بعد أسبوع و لا اتين مثلاً يروح يجيبه من صيدلية تانية .. يقوم يجيبله الدوا الصح .. و مفيش فيه حاجة متغيرة .. و ييجى المريض يقوله لآ مش ده .. يقوم الصيدلى يقوله لآ ده .. و اللى كان عاطيهولك قبل كده كان عاطيلك بديل ...

أنا عن نفسى برد الرد ده ..

بس لو حاجة معادتش بتنزل .. مثلاً ال Nospa حقن .. فى دكتورة مصرة تكتبها مع إنها عارفة إن ان الموجود ف السوق Dospa حقن .. فدى الحاجة اللى تطلع من غير كلام ..

مثلاً جالى واحد كان مكتوبله ف الروشتة algesal suractive و ده ب 10 جنيه .. الدكتور اللى كان صارفهاله قبل كده من صيدلية تانية كان عاطيله algasol و ده على ما افتكر ب 3.5 .. فلما بص للعلبة قاللى مش دى ..

قلتنله لآ دى .. و اللى صرفلك الروشتة قبل كده كان جايبلك بديل ..

قاللى أيوة كده أنا مبسوط .. مش عاوز بدايل يا عم طالما إنتوا الصح .. هاته ..

أنا عن نفسى لما بعمل أى حاجة .. أو آجى أطلع نفس الدوا بس بتاع شركة تانية بقول للمريض حتى لو هياخد الروشتة و يمشى .. بس ده مبدئى و إن شاء الله همشى عليه ..

[احمد شبند]

يا جماعة انا ضد البديل تماما

الدكتور بتاع الصيدلية بيقول كدا علشان يكسب ويشتغل

لان البديل سعات كتير (ايوة كتير جدا ) بيكون التركيز مضروووووب وساعات بيكون المركب بايظ

انا فعلا اكتشفت ده كتير مثلا الازروليد واليونيزيسرين الاولانى 18 جنيه والتانى 10.5 ومع ذلك اليونيزسرين الجرعة بتاعه بايظه و وملاين دقيق اه والله علشان كدا الازروليد تمنه فيه والامثله كتيييييييييير.......


ثانيا حط نفسك مكان المريض وانت رايح تشترى اى حاجة والراجل اداك حاجة غير الى انت طالبها بدون ما يقلك طبعا عمرك ما هتروح عنده بل ممكن تشتمه ادام الناس وكمان لو حد قالك انا رايح عند فلان هتقوله ده حرامى وغشاش .......ده لو انت محترم لو مش محترم بقه هتبقى فضيحة

(بجد حصل راجل جه خلى الدكتور بجد زى القطه وكان جايب ناس بجد كان ممكن يهد الصيدلية

والراجل ده الى مخليه يعمل كدا بعد لما اداه الدكتور البديل ان ابنه الاكبر من ده كان مات بسبب ان دكتور التخدير بوظ جرعة المخدر او حاجة زى كدا وطبعا الصوت العالى وكدا ده سمعة غير كويسة )


عذرا للتطويل ده رأيى باختصار

[pharmacistina]

لان البديل سعات كتير (ايوة كتير جدا ) بيكون التركيز مضروووووب وساعات بيكون المركب بايظ

ازاي يا دكتور ؟؟

مش في Quality control ؟؟

و في رقابة دوائية ع المصانع ؟؟!!

ازاي يكون في أدوية في الصيدلية تركيزها مضروب ..

انا فعلا اكتشفت ده كتير مثلا الازروليد واليونيزيسرين الاولانى 18 جنيه والتانى 10.5 ومع ذلك اليونيزسرين الجرعة بتاعه بايظه و وملاين دقيق اه والله علشان كدا الازروليد تمنه فيه والامثله كتيييييييييير.......

لو حضرتك متأكد فعلا .. احنا ممكن نحلله بطريقته الرسمية اللي في الـ Pharmacopeia و لو لقينا الجرعة خارج الـ range المسموح و الله و أنا بحلف أروح أبلغ ..


و بعدين أنا لو هعطي بديل تجاري و ليس بديل فارماكولوجي هعطي دواء فيه نفس المادة الفعالة .. و نفس التركيز بالضبط .. يعني المريض هياخد نفس الدواء بس شركات مختلفة ..

ليه لأ يا جماعة ؟؟


يااااه .. الله يرحم أيام زمان لما كانت الأدوية بتيجي ع الصيدلية علب بودرة مكتوب عليها أسماء المواد الفعالة ,, ولا أسماء شركات ولا بدايل ولا وجع دماغ ..

و كان الصيدلي يعمل الـ dosage form ..

كانت دي الصيدلة في عزها .. لما كان شأن الصيدلي أعلى من شأن أي حد بيعمل في مهنة أخرى .. لأن كان على عاتقه مسئولية كبيرة محدش غيره يقدر يمد ايده في شغل الصيدلي ..

لكن دلوقت الصيدلية بقت مكان لكل المهن .. لأن الفلاسكة بقت براد للشاي و البيكر كباية و الـ flame بقي شعلة ..

المهم ..

أنا عن نفسي البديل أنا أطلعه عادي لو نفس التركيز و نفس المادة .. مشكلتي و سؤالي في السعر ..

لو البديل أغلى ساعتها أخاف يكون حرام عليا ..

[dr/noony]

ازيكم يا دفعة كل سنة وانتو طيبين والف صحة وسعادة

أنا عن نفسي البديل أنا أطلعه عادي لو نفس التركيز و نفس المادة .. مشكلتي و سؤالي في السعر ..

لو البديل أغلى ساعتها أخاف يكون حرام عليا ..

شوفى لو عاوزة تتطلعى بديل ومتعرفيش الفرق فى السعر بصى فى الاندكس
وشوفى فرق السعر ولو كان كبير متطلعيش بديل وخلاص عشان تريحى نفسك

ليه لأ يا جماعة ؟؟

والله يا منى احنا مبنطلعش بديل فى ناس كتير بتفقد ثقتهم فى الصيدلى لو طلعله بديل
مش كل الناس بتفهم انها نفس المادة الفعالة بس اختلاف فى الشركات والاسعار
والحكاية كلها مجرد دعايا الدكتور راحله مندوب دعايا وادله كام هديه فمشى الدوا
بغض النظر عن سعره او حتى مدى فاعليته
انا اول ما نزلت السنة دى جالى واحد طالب فيوسيدين انا سمعتها فيوسيديل
زعل ان انا جيباله نوع تانى مش فاهم انهم مادة واحدة جبتله اللى هو عاوزه
وفهمته انها نفس المادة الفعالة ونفس الاستخدام يعنى مفيش فرق
ووواحدة جاية عاوزة قطرة ايزوبتوفنيكول ومكنش موجود وموجود كلورامفنيكول
كانت فاهمة اللعبة وقالت عادى جدااااااااا ومفيش مشكلة فى البديل
يعنى المشكلة اننا مش بنعرف المريض اللعبة دى بردوا محتاجة شوية صبر
محاولات تغيير مفهوم المريض عن الروشتة وكأنها شئ منزل مينفعش
نغير او نعدل فيه.........................
بابا كان تعب السنة اللى فات والدكتور كان كاتب له 4 حقن فولتارين
المهم انا قرأت النشرة بتاعة الدوا ولقيت ان مينفعش ان المريض يأخذ
أكتر من حقنتين بس ويكمل الجرعة بفولتارين جل او لبوس يعنى يغير الdosage form
عشان يتجنب حدوث قرحة فى المعدة وفعلا غيرت لبابا الجرعة من نفسى ومن
غير ماسأل الدكتور رغم ءان الدكتور جراح كبير بس هو اللى يهمه ان الالم اللى قدامه يروح
بغض النظر عن أى أعراض جانبية ومن ساعتها قلت لازم اعرف المريض اللى يجليلى
انه يقرأ النشرة بتاعت الدوا كويس عشان هو أدرى واحد بنفسه
وتخيلوا معايا لو المريض راح مثلا يعمل اعادة والدكتور قاله كرر الروشته

[..::ciZar_Resala::..]

أنا عن نفسى عمرى منا مطلع بديل إلا إذا المريض طلب .. أو الحاجة المكتوبة مش موجودة ف السوق .. حتى لو همشى روشتة بمليون جنيه .. سمعتى و سمعة صيدليتى أحسن ميت مرة من المليون جنيه ..

لما يطلع حد يتكلم عليا بره .. و يقول ده دكتور حمار .. مين هينفعنى .؟؟

موقف لسة حاصل قريب .. روشتة بحوالى 350 جنيه فيها دوا للأعصاب و حاجات نفسية .. دكتور من الدكاترة المنسوبين للمهنة طلع دوا ضعف الجرعة و قاله " خد نص حباية " عشان يمشى الروشتة ..

شوفى كم الشتايم لما الراجل جه يصرف الروشتة تانى من عندى و قالى مش ده الدوا .. و أنا فهمته اللى الدكتور التانى عمله !!

عمرى ما هحط نفسى موضع تهزىء أو شك أبداً ..

[سندريلا]

ازيكو يا دفعتى العزيزة
أخباركم ايه؟
والله بالنسبة لموضوع البديل ده انا مش بأطلعه الا اذا المريض نفسه طلب
غير كده لأ
لأن سمعتى كدكتورة صيدلانية وسمعة الصيدلية فى المقام الأول

[احمد شبند]

أنا عن نفسى عمرى منا مطلع بديل إلا إذا المريض طلب .. أو الحاجة المكتوبة مش موجودة ف السوق .. حتى لو همشى روشتة بمليون جنيه .. سمعتى و سمعة صيدليتى أحسن ميت مرة من المليون جنيه ..

لما يطلع حد يتكلم عليا بره .. و يقول ده دكتور حمار .. مين هينفعنى .؟؟

موقف لسة حاصل قريب .. روشتة بحوالى 350 جنيه فيها دوا للأعصاب و حاجات نفسية .. دكتور من الدكاترة المنسوبين للمهنة طلع دوا ضعف الجرعة و قاله " خد نص حباية " عشان يمشى الروشتة ..

شوفى كم الشتايم لما الراجل جه يصرف الروشتة تانى من عندى و قالى مش ده الدوا .. و أنا فهمته اللى الدكتور التانى عمله !!

عمرى ما هحط نفسى موضع تهزىء أو شك أبداً ..

ازيكو يا دفعتى العزيزة
أخباركم ايه؟
والله بالنسبة لموضوع البديل ده انا مش بأطلعه الا اذا المريض نفسه طلب
غير كده لأ
لأن سمعتى كدكتورة صيدلانية وسمعة الصيدلية فى المقام الأول

تمام كدا يا جماعة

امال انا كنت بحسب الناس كلها البديل دى عادى

والله الصيدلية هى الى بتكسب لو التزمنا

وعلى فكرة مفهاش حاجة لو عرضت على المريض انك تأله عندى

البديل ونفس المادة وبرده هوورحته

[impossible]

عندنا مش بنطلع اي بديل الا لو قلت للمريض وهوه عنده حرية الاختيار
انا بحسها امانه والمفروض كل الناس تعمل كده وكل ده بيعود علينا بنفع لانه بيزود ثقة الناس فينا