نتائج الجمعيه العموميه لاسرة في الكلية

[AlaDDin]

تمت الحمد لله اليوم ( الاحد 30 - 8 - 2009 ) الجمعيه العموميه لاسرة ( في الكلية )
بحضور عدد لا بأس به من الاعضاء ..

1- تكمل الاسره نفس نظام السنه اللي فاتت مع بعض التعديلات ..
و النظام هو :: يتم انتخاب المقرر و المقرر المساعد من قبل اعضاء الاسره .. و طبقا للشروط و النظام الموضح
في موضوع (انتخابات اسرة في الكليه 2010 ) اللي هيتحط بعد كده

بعد كده قبل بداية الدراسه بيتعمل اجتماع لوضع خطة عمل الاسره خلال السنه كامله ..
و بعدها يتم توزيع استمارات على كل الاعضاء ..

كل عضو بيكتب الانشطه اللي هو حابب يشارك فيها او يكون مسؤول عنها

و من الاستمارات دي بعد كده هيقدر المقرر و المساعد يحددوا فريق عمل الانشطه ان شاء الله ..

2- بيتم تقييم الاعضاء من خلال الاستماره السابق ذكرها حيث ان هيتكتب فيها الانشطه اللي العضو شارك فيها ..

و الدور اللي قام بيه .. و تأثيره و نشاطه و خلافه ..

3- بعد كل نشاط هيبقى في اجتماع بسيط لفريق العمل بتاعه .. للوقوف على السلبيات و الايجابيات و تقييم النشاط بالكامل ..

4- اشتراك الاسره 10 جنيه سنويا

5- من حق المقرر و المقرر المساعد اختيار مناصب ثابته ( زي مدير دعايا او رئيس لجنة بنات او غيره .. )
لمساعدتهم في ادارة الاسره .. على ان يتم تقييم ادائها شهريا ..

بالنسبه للاعضاء اللي محضروش الاجتماع و اعتذروا لاسباب خاصه .. فالكلام ده لسه مش قرار برضه لغاية ما يصدقوا عليه ..

و لو حد عنده اي اقتراح او تعديل .. حابب يضيف او يحذف .. يا ريت نسمع رأيه ..

و شكرا للجميع ...

[battota webas]

كويس انكم حطيتوا النتايج عالمنتدى لانى نزلت الكليه بس معرفتش هو الاجتماع فين بالظبط فروحت وبجد اتمنى فعلا اتواصل معاكم قبل الدراسه عشان اكون معاكم من الاول انشالله ...لو فى اجتماع تانى ياريت تقولوا لى المكان فين عشان انا بتوه اصلا فى الكليه ....ويارب لقدام دايما

[Mohamed Al Gohary]

المكان كان فى اوضة الاتحاد وموجود فى التوبيك بتاع الاعلان .. عموما خير ..متعوضه ان شاء الله ..

يوم الحد الجاي ان شاء الله الموافق ( 30 - 8 - 2009 )

في تمام الساعه 11 صباحا .. و في اوضة الاتحاد بكلية الصيدله ..