جدول محاسبة النفس اليومى الرمضانى؟
السلام عليكم ورحمة الله وبركاته
كل سنة وانتم طيبين جميعا
عايزين كلنا نتفق مع بعض على شوية حاجات نحاول على قد مانقدر اننا نطبقها ان شاء الله يوميا فى رمضان
انا نزلت الموضوع دة علشان نبدأ التطبيق كلنا كأعضاء مع بعض
هنعمل لنفسنا نظام يومى النظام دة مكون من شوية جداول نحاول نطبقها على قد مانقدر
العناصر دى اللى عايزين نعود نفسنا عليها ونعملها كل يوم هى:
ترديد الاذان (له جدول خاص به)
الصلا ة (لها جدولين)
أذكار الصباح والمساء
قراءة القران(قراءة جزء واحد من القران) كحد أدنى واللى عايز يزود يكون افضل
الاستغفار (10 مرات) كحد أدنى واللى عايز يزود يكون افضل
الصلاة على النبى (10 مرات) كحد أدنى واللى عايز يزود يكون افضل
الدعاء قبل الافطار (دعوة الصائم مستجابة)
صلاة التراويح (بعد العشاء)
صلاة التهجد ( نصلى ركعتين قبل الفجر) كحد أدنى واللى عايز يزود يكون افضل
القيام بأى عمل خيرى (صدقة- وضع موضوع دينى- قراءة موضوع دينى.....الخ)-
طاعة الوالدين (اسعادهم باى شىء نقبل ايديهم - نساعدهم....الخ)
طب ازاى هنعود نفسنا على الحاجات دى...... هنمسك حاجة حاجة وهحاول اشرحهولكم ببساطة هنعمل فيها اية
.................................................. .........................
اولا: ترديد الاذان
هنعود بعضنا اننا نحاول على قد مانقدر اننا نردد اذان الصلوات الخمسة ومش بس كدة احنا هنحط لنفسنا درجة قدام كل اذان
مثلا:
فى اذان الفجر لو رددنا الاذان هنحط درجتين ولو نسيناه هنحط صفر وهكذا بالنسبة لكل اذان موجود فى الصلوات الخمس
هنحط درجة امام كل اذان
فائدة الدرجات دى هقولكم عليها فى الاخر
اول جدول هنحاول نطبقة
نحسب ونشوف هناخد فية كام من 10
طيب لازم نكون عارفين فائدة ترديد الاذان والدعاء اللى بعدة
عن جابر رَضِيَ اللَّهُ عَنهُ أن رَسُول اللَّهِ صَلَّى اللَّهُ عَلَيهِ وَسَلَّم قال:" من قال حين يسمع النداء: اللهم رب هذه الدعوة التامة،
والصلاة القائمة آت محمداً الوسيلة والفضيلة، وابعثه مقاماً محموداً الذي وعدته ، حلت له شفاعتي يوم القيامة" رَوَاهُ البُخَارِيُّ
ويفضل بعد ذلك قول :
رضيت بالله رباً ، وبالاسلام ديناً ، وبمحمدنبياً ورسولاً
اظن كدة عرفنا فائدة الترديد والدعاء ايه هوة كمان
يالا بينا نشوف العنصر التانى اللى هنعود نفسنا علية يوميا
.................................................. ........................
ثانيا: الصلاة
هنعود نفسنا على حاجتين فيها:
1- الصلاة فى وقتها
اننا نصلى الصلاة فى وقتها يعنى نسمع الاذان نقوم نصلى
(احب الاعمال الى الله الصلاة فى أوقاتها) وماتنسوش اننا فى رمضان وعايزين نعمل احب الاعمال الى الله
2-ختم الصلاة:
وهو من تمام الصلاة لازم نعود نفسنا على ختم كل صلاة علشان كتير مننا بينسوا الموضوع دة
ختم الصلاة (هنقول بعد كل صلاة 33 مرة سبحان الله – 33 مرة الحمدلله – 33 الله اكبر- نتمم المائة(لااله الا الله وحدة لاشريك له ,له الملك وله الحمد وهو على كل شىء قدير)
فى عنصر الصلاة عندنا جدولين:
الاول: جدول المواظبة على الصلاة فى اوقاتها
الصلاة فى وقتها (ناخد درجتين)
الصلاة بعد وقتها بفترة (ناخد درجة)
نسيان الصلاة (صفر)
بدرجات ونشوف اخدنا كام من 10
التانى: جدول المواظبة على ختم الصلاة
ونشوف اخدنا كام من عشرة
وكدة العنصر التانى خلص
يالا بينا على االلى بعدة
................................................
باقى العناصر هنحطهم كلهم فى جدول واحد ونحاول ننفذهم كل يوم
الجدول دة مجموع درجاتة من 20
نحسب ونشوف اخدنا كام
.................................................. ....
وصلنا لاهم نقطة هو جدول شامل لمجموع الاربع جداول اللى فوق دول
جدول محاسبة النفس فى اليوم الواحد فى رمضان
ونشوف احنا اخدنا كام من خمسين .....كل يوم ننفذ الجداول ونشوف اخدنا من خمسين وياترى بنزيد ولابنقل لو زادت الدرجة يبقى احنا فى تحسن
وهو المطلوب
هنلاقى نفسنا فى اخر اليوم اننا عملنا حاجات كتيرة اوى ومفيدة وهناخد عليها ان شاء الله الثواب
الجداول دة بسيطة وسهلة وكلها حاجات لو ربنا قدرنا نقدر نعملها كل يوم ان شاء الله وعايزين نشجع بعض وياريت تقولولى يوميا نفذتوا من الجدول اية او حتى كام الدرجة عايزين كلنا كأعضاء نشجع بعض او حتى عرفونى انتم بتنفذوة ولا لا
يارب الفكرة تعجبكم
وعايزة اشوف التطبيق
بطلب من الادارة تثبيت الموضوع اذا اعجبتها الفكرة
رد مع اقتباس
انا معايا الجدول دة جميل اوى بارك الله فيكى
