يعنى ايه بنت محترمه؟؟؟؟؟

[رحيق الجنة]

البنت المحترمة

متى نقول علي اي بنت انها " بنت محترمة " ؟؟؟؟؟
سؤال محير جدا

تلاقي كل بنت ليها وجهه نظر مختلفة عن معنى كلمة بنت محترمة
لما تيجي تسأل اي بنت مهما كانت لابسة ايه
او تصرفاتها ايه
او طريقة كلامها ايه
هتقولك انا محترمة
مثلا تيجي تسأل واحدة مش محجبة
ترد تقول انا اه بشعري بس محترمة
تيجي تسأل واحدة بتهزر مع زملاء ليها في الجامعه او العمل
تقولك انا باهزر اه بس محترمة
تيجي تسأل واحدة لابسة حجاب وبنطلون جينز مبين جسمها
تقولك انا محترمة
تيجي تسأل واحدة بتتكلم مع كل واحد بنعومة قال ايه بتتكلم بادب يعني
تقولك انا محترمة
تيجي تسأل واحدة بتلبس لبس يبين مفاتنها بس مقفول وطويل
تقولك انا محترمة

عايزين نفهم يعني ايه بنت محترمة الاول وبعدين نقول دي محترمة او لا

[Dr/Asmaa]

فى رأيى عكس كل اللى كاتباه يارحيق

[pharmacistina]

يعني مقياس الاحترام عند الناس بقى حاجة نسبية , كل واحد له فيها رأي ..

يعني مثلا واحدة نشأت في بيت الأم فيه مش محجبة , طلعت هي كمان مش محجبة و لبسها مش كويس زي مامتها , لكن تصرفاتها في الشارع و مع الناس كويسة و مالهاش علاقات بشباب و صوتها مش عالي ..
دي في نظر أسرتها و كتير من الناس ( بنت محترمة )

أو واحدة محجبة و كله تمام بس في بيتها طول النهار و الليل أغاني و أفلام قد تكون فيها مشاهد مش مزبوطة .. ايه رأيك ؟؟ محترمة و لا مش محترمة ؟؟

في رأيي مقياس الاحترام أصبح نسبي متغير ..

لكن المقياس الثابت اللي مش بيتغير هو ( مقياس التدين )
لو بنت متدينة , هتكون محجبة , هتكون بتغض البصر , هيكون صوتها مش عالي , هتكون مش عاملة صداقات مع شباب , هيكون فيها كل شيء كويس ..


اذا التدين أعظم و أشمل من الاحترام ..


التدين دة قمة الاحترام ..

و بجد ما وجدت و لن أجد احترام أكتر من اللي علمه لينا رسول الله - صلى الله عليه و سلم - في ديننا الاسلامي ..


فيااااااارب ارزقنا التدين ,

مستحيل الانسان يكون متدين صح و يقتدي بالرسول و ميكونش محترم ..

لأن الرسول كان على خلق عظيم , و أي حد يتبع سنة النبي هيكون محترم زي الرسول ( أو يحاول يشبه الرسول لأن محدش عمره يقدر يوصل لهذه المرتبة العظيمة ) سواء بنت أو شاب ..

[Dr/HULK]

مش لاقى حاجة اقولها غير

ان البنت المحترمة بتخرج من البيت المتدين

[Dr. Sahar]

الاحترام يادكتوره مش معناه انها تكون متدينه
الاحترام معاناه انها متعملش حاجه تخرج بيها عن الادب او عادات المجتمع
الاحترام انها متغلطش بالكلام او تهين حد مهما كان
الاحترام انها تصون نفسها من الوقوع في الحاجات الي تعيب سمعتها
ومقتنعه جدا اني مقياس الاحترام مش باللبس ياما ناس من بره فله ومتحشمين علي الاخر ومن جوه يعلم الله دي مش شماعه برده ابرر بيها الي بتلبس منفتح بس اللبس بالذات حريه شخصيه وهيا الي هتتحاسب عليها ومش من حق اي حد مهما كان يحكم علي احترامها من لبسها والتدين ده شيء بين الانسان وربه ومحدش يعلم ايه بين الواحد وربه ومش معنا اني لبسها ضيق او مخالف اننا نقول دي هتروح النار او دي هتروح من ربنا فين ده غلط وكمان مش الانسان الي يحكم عي نفسه انه محترم ولا لا تعامله مع الناس وسلوكه في المجتمع هو الي يخلي الناس تقول هو محترم او لا مش بحجابه ولا لبسه

[رحيق الجنة]

فى رأيى عكس كل اللى كاتباه يارحيق

عشان كدة انا بدأت كلامى بالجملة دى تلاقي كل بنت ليها وجهه نظر مختلفة عن معنى كلمة بنت محترمة
شكرا يا د اسماء على المشاركة
-----

يعني مقياس الاحترام عند الناس بقى حاجة نسبية , كل واحد له فيها رأي ..

يعني مثلا واحدة نشأت في بيت الأم فيه مش محجبة , طلعت هي كمان مش محجبة و لبسها مش كويس زي مامتها , لكن تصرفاتها في الشارع و مع الناس كويسة و مالهاش علاقات بشباب و صوتها مش عالي ..
دي في نظر أسرتها و كتير من الناس ( بنت محترمة )

أو واحدة محجبة و كله تمام بس في بيتها طول النهار و الليل أغاني و أفلام قد تكون فيها مشاهد مش مزبوطة .. ايه رأيك ؟؟ محترمة و لا مش محترمة ؟؟

في رأيي مقياس الاحترام أصبح نسبي متغير ..

لكن المقياس الثابت اللي مش بيتغير هو ( مقياس التدين )
لو بنت متدينة , هتكون محجبة , هتكون بتغض البصر , هيكون صوتها مش عالي , هتكون مش عاملة صداقات مع شباب , هيكون فيها كل شيء كويس ..


اذا التدين أعظم و أشمل من الاحترام ..


التدين دة قمة الاحترام ..

و بجد ما وجدت و لن أجد احترام أكتر من اللي علمه لينا رسول الله - صلى الله عليه و سلم - في ديننا الاسلامي ..


فيااااااارب ارزقنا التدين ,

مستحيل الانسان يكون متدين صح و يقتدي بالرسول و ميكونش محترم ..

لأن الرسول كان على خلق عظيم , و أي حد يتبع سنة النبي هيكون محترم زي الرسول ( أو يحاول يشبه الرسول لأن محدش عمره يقدر يوصل لهذه المرتبة العظيمة ) سواء بنت أو شاب ..

كلامك صح يا فرماسستينا الاخلاق هى التدين
-----

مش لاقى حاجة اقولها غير

ان البنت المحترمة بتخرج من البيت المتدين

تمام جدا ودا اللى معظمنا اتفق عليه يعنى التدين هو الاساس شكرا يا دكتور على المشاركة
-----

الاحترام يادكتوره مش معناه انها تكون متدينه
الاحترام معاناه انها متعملش حاجه تخرج بيها عن الادب او عادات المجتمع
الاحترام انها متغلطش بالكلام او تهين حد مهما كان
الاحترام انها تصون نفسها من الوقوع في الحاجات الي تعيب سمعتها
ومقتنعه جدا اني مقياس الاحترام مش باللبس ياما ناس من بره فله ومتحشمين علي الاخر ومن جوه يعلم الله دي مش شماعه برده ابرر بيها الي بتلبس منفتح بس اللبس بالذات حريه شخصيه وهيا الي هتتحاسب عليها ومش من حق اي حد مهما كان يحكم علي احترامها من لبسها والتدين ده شيء بين الانسان وربه ومحدش يعلم ايه بين الواحد وربه ومش معنا اني لبسها ضيق او مخالف اننا نقول دي هتروح النار او دي هتروح من ربنا فين ده غلط وكمان مش الانسان الي يحكم عي نفسه انه محترم ولا لا تعامله مع الناس وسلوكه في المجتمع هو الي يخلي الناس تقول هو محترم او لا مش بحجابه ولا لبسه

اسمحيلى يا دكتورة انى اختلف معاكى التدين هو مقياس الاحترام من غير شك ولو واحد فى المية
ومن كلام حضرتك قولتى الاحترام انى مخرجش عن الادب واى حاجة خارجة عن الدين خارجة عن الادب ايوة معاكى ان اللبس مش هو مقياس الاحترام النهائى بس هو اساسى جدا فى الاحترام واحدة ماشية بلبس ملفت جدا ومستفز جدا وبتضايق كل حد بتعدى من ادامة ايه فى دا يدل على الاحترام ومن عاداتنا الحياء والمظهر دا لا يدل على اى نوع من انواع الحياء
فى بقى الكلمة اللى كلنا بنقولها عشان نهرب من المواجهه ان يا ما ناس محتشمين وملتزمين وكذاا وكذاا
وناس تانية لبسهم عادى ومحترمين احنا فى الحالة دى بناخد الشواذ هما القاعدة
يعنى نسبو المحتشمين الغير ملتزمين كليا هما اقل من الواحد فى المية مش كل واحدة محتشمة اخلاقها وحشه
واللى البنات الاستايل بقى نسبه كام فى المية منهم ملتزمين كليا
احنا لو قلنا كدة نبقى بنضحك على نفسنا

[pharmacistina]

الاحترام يادكتوره مش معناه انها تكون متدينه
الاحترام معاناه انها متعملش حاجه تخرج بيها عن الادب او عادات المجتمع
الاحترام انها متغلطش بالكلام او تهين حد مهما كان
الاحترام انها تصون نفسها من الوقوع في الحاجات الي تعيب سمعتها

معاكي يا سحر ..
بس على فكرة كل اللي قلتيه عن الاحترام دة ( متعملش حاجه تخرج بيها عن الادب او عادات المجتمع و متغلطش بالكلام او تهين حد مهما كان و تصون نفسها من الوقوع في الحاجات الي تعيب سمعتها ) دة يندرج تحت التدين صح ولا ايه ؟؟

يعني أقصد التدين مفهوم أعم و أشمل للاحترام , لأن الانسان المتدين بجد ( تدين ظاهري و باطني ) لا شك انه هيكون محترم ..

بس مفهوم التدين مش مجرد حجاب شرعي و بس .. هي دي النقطة اللي انتي تقصديها تقريبا ..

التدين لبس كويس و نفس كويسة ..


كل تدين حقيقي احترام و لكن ليس كل احترام تدين ..


قد تكون واحدة محترمة ماشي زي ما انتي قلتي لكن مش متدينة , انما لو متدينة قطعا لازم محترمة دة ان صح تدينها و صدق ..

ومقتنعه جدا اني مقياس الاحترام مش باللبس ياما ناس من بره فله ومتحشمين علي الاخر ومن جوه يعلم الله

و هل دة تدين ؟؟

التدين مش بس تحشم للبنت , و مش بس لحية للشاب ..

بس اللبس بالذات حريه شخصيه وهيا الي هتتحاسب عليها ومش من حق اي حد مهما كان يحكم علي احترامها من لبسها والتدين ده شيء بين الانسان وربه ومحدش يعلم ايه بين الواحد وربه ومش معنا اني لبسها ضيق او مخالف اننا نقول دي هتروح النار او دي هتروح من ربنا فين ده غلط

صحيح مش من حق حد يقول دي هتدخل النار و دي الجنة لأن محدش عارف حاجة أصلا عن المصائر و دي حاجة الله أعلم بيها ..
اللبس حرية شخصية .. تفتكري كدة .. طيب الى أي مدى ؟؟
أصل انتي بتلبسي لبس بحريتك ماشي , لكن انتي ماشية في شارع في ناس شايفاكي , في شباب كتير و بيبصوا لأي واحدة لبسها ملفت واحنا عارفين كدة , يبقى الموضوع ما بقاش شخصي أوي .. صح ولا ايه ؟؟

عموما حياة الانسان ( مش بس اللبس ) هو حر فيها , كل واحد مسئول عن نفسه يطبق عليها قناعاته و مبادؤه , الموضوع بس مطروح للمناقشة ..

وكمان مش الانسان الي يحكم عي نفسه انه محترم ولا لا تعامله مع الناس وسلوكه في المجتمع هو الي يخلي الناس تقول هو محترم او لا مش بحجابه ولا لبسه

ماشي جميل , مقياسك بالنسبة للاحترام هو التعامل و السلوك الكويس مع الناس , عندك حق ..

في غيرك شايف اللبس الكويس مقياس الاحترام ..

أنا أعتقد التدين هو المفهوم الأشمل اللي بيجمع كل مقاييس الاحترام التعامل مع الناس و اللبس و ..... الخ


و عموما اختلاف الآراء لا يفسد للود أي قضية و أنا مبسوطة بمداخلتك ..

[Anas]

كل بنت متدينة محترمة ... و ليس كل بنت محترمة متدينة

عشان كده الرسول قال " فاظفر بذات الدين "

[د\بوسى ربيع]

الفكره ان مفيش حد يقدر يحكم على حد حكم مطلق انه متدين ولا لا لان ده بيكون ين الانسان وربنا ومعظم الناس بتبص بس للمنظهر وتقول ده متدين ودى متدينه كتير اوى بيلبسوا خمار ونقاب وهما مش مقتنعين لان دى رغبه اهلهم وكتير بنات فضليات جدا بس لابسين طرحه فبيتهيالى مش المقياس الوحيد هو مجرد المظهر ممكن التعاملات بالاضافه للمظهر كده اقدر احكم على انسان تانى جزئيه مش كل بنت وقفت اتكلمت مع ولد مش محترمه المشكله فى طريقه الكلام نفسه بدال مش بتترقق فى الكلام او بتهزر او فى غرض تانى مش مظبوط مش بيتهيالى ان ده هيكون فى حاجه تنتقص من احترام البنت خصوصا اننا فى مجتمع مفتوح بيفرض علينا اننا نتعامل مع ولاد فلو فى ضوابط من الاول لا تدعى للوقوع فى الخطا او فى اغضاب ربنا يبقى خلاص ايه المشكله

[رحيق الجنة]

اللبس حرية شخصية .. تفتكري كدة .. طيب الى أي مدى ؟؟
أصل انتي بتلبسي لبس بحريتك ماشي , لكن انتي ماشية في شارع في ناس شايفاكي , في شباب كتير و بيبصوا لأي واحدة لبسها ملفت واحنا عارفين كدة , يبقى الموضوع ما بقاش شخصي أوي .. صح ولا ايه ؟؟

عموما حياة الانسان ( مش بس اللبس ) هو حر فيها , كل واحد مسئول عن نفسه يطبق عليها قناعاته و مبادؤه , الموضوع بس مطروح للمناقشة ..

ياه يا جميل دا انتى بتوفرى عليا كلام كتيير اوى شكرا على المشاركات الهايلة دى
-----

كل بنت متدينة محترمة ... و ليس كل بنت محترمة متدينة

عشان كده الرسول قال " فاظفر بذات الدين "

تمام يا دكتور ربنا يرزقك بذات الدين على حق انت وكل شباب المسلمين
-----

الفكره ان مفيش حد يقدر يحكم على حد حكم مطلق انه متدين ولا لا لان ده بيكون ين الانسان وربنا ومعظم الناس بتبص بس للمنظهر وتقول ده متدين ودى متدينه كتير اوى بيلبسوا خمار ونقاب وهما مش مقتنعين لان دى رغبه اهلهم وكتير بنات فضليات جدا بس لابسين طرحه فبيتهيالى مش المقياس الوحيد هو مجرد المظهر

احنا قلنا قبل كدة يا دكتورة اننا مينفعش ناخد الشواذ هما القاعدة يعنى نسبة اللى ملتزمين مظهر من غير جوهر قليله اوى يعنى مش كل واحدة ملتزمة اخلاقها وحشة بالعكس اقليه قليله جدااااااااااااااااااا وبردة مش هقول كل لكن معظم اللى مش ملتزمين ظاهرا غير ملتزمين جوهر كمان دى الحقيقة اللى مش عارفة لية كلنا بنهرب منها وبنستخبى ورا الكلمة الشهيرة دى مش كل...... ومش كل.....