الأوائل على اعدادى

[rofaa]

لو حد عارفهم ميبخلش علينا و جزيتم خيرا

[mirodoctor]

انا شايله نبات لو سمحتم عايزه اعرف امتحانها بيبقى امتى وازاى وكما باحضر سكاشن واشترى كتاب جديد وبيتصحح تانى ولا لأ ياريت حد يرد عليه فى اقرب فرصه

[le pharmacien]

الامتحان اخر السنه بس بيبقى قبل امتحانات النظرى بتاع اولى السنه الجايه باسبوعين كده
مفيش سكاشن ولا كتب ولا اى حاجه لانك بتتعاملى بالمنهج بتاعك وبالتوفيق

[**SAMAR_RESALA**]

الامتحان اخر السنه بس بيبقى قبل امتحانات النظرى بتاع اولى السنه الجايه باسبوعين كده
مفيش سكاشن ولا كتب ولا اى حاجه لانك بتتعاملى بالمنهج بتاعك وبالتوفيق

هو صحيح ما فيش سكاشن
بس هيبقى فيه إمتحان عملى على التيرمين قبل إمتحان النظرى
وإمتحان العملى ده هيبقى قبله سكشن مراجعه بيقولوا إن الشرايح اللى بتبقى فيه هى اللى بتيجى فى الإمتحان العملى
ده اللى أنا أعرفه

[mirodoctor]

شكرا على الرد طيب هل الماده باخد الدرجه على حسب اللى انا حليته ولا درجه قليله يعنى مقبول بس عشان انا شايلاها وهل بتأثر على التقدير العام.وكمان لو سمحتم اذاكر منين ولمين فى سنه اولى وهى اولى اصعب ولا اعدادى

[**SAMAR_RESALA**]

شكرا على الرد طيب هل الماده باخد الدرجه على حسب اللى انا حليته ولا درجه قليله يعنى مقبول بس عشان انا شايلاها وهل بتأثر على التقدير العام.وكمان لو سمحتم اذاكر منين ولمين فى سنه اولى وهى اولى اصعب ولا اعدادى

بصى يا ميرو مواد التخلفات ما فيش تقدير بيتاخد فيها أعلى من مقبول يعنى حتى لو جبتى إمتياز فيها يدوكى مقبول
يعنى أهم حاجه تنجحى فيها
ومادة التخلفات مش بتضاف لتقدير السنه الجديده(اللى هى سنه أولى يعنى)
يعنى المطلوب منك تنجحى فى النبات بس وتجيبى تقدير فى أولى

بالنسبه بأه لسنه أولى دى أسهل سنه فى الكليه
وأكتر سنه ممكن تجيبى فيها تقدير(أسهل كتير من إعدادى)
بالتوفيق ليكى

[..::ciZar_Resala::..]

بصى يا ميرو مواد التخلفات ما فيش تقدير بيتاخد فيها أعلى من مقبول يعنى حتى لو جبتى إمتياز فيها يدوكى مقبول
يعنى أهم حاجه تنجحى فيها
ومادة التخلفات مش بتضاف لتقدير السنه الجديده(اللى هى سنه أولى يعنى)
يعنى المطلوب منك تنجحى فى النبات بس وتجيبى تقدير فى أولى

بالنسبه بأه لسنه أولى دى أسهل سنه فى الكليه
وأكتر سنه ممكن تجيبى فيها تقدير(أسهل كتير من إعدادى)
بالتوفيق ليكى

بالإضافة للكلام السابق ،

أحب أنوه عن إن مادة التخلفات بيضاف التقدير الفعلى ليها فى شهادة التخرج .. يعنى مش " أهم حاجة تنجحوا و خلاص " .. لا برده أحط ف دماغى إنى أجيب فيها تقدير .. .. و إلا مدخلش امتحانها و أسيبها للسنة اللى بعدها .. بس لازم أحضر الامتحان النظرى .. عشان لو احتجت درجات الرفع ف أى من المواد ..

[mirodoctor]

شكرا يا د/سمر انا عارفه ان انا تقلت عليكى بس ممكن تقوليلى اذاكر لمين ومنين فى سنه اولى وازاى انظم وقتى لانى باسافر ومعظم الوقت بيضيع فى المواصلات وباروح البيت تعبانه جدا

[**SAMAR_RESALA**]

شكرا يا د/سمر انا عارفه ان انا تقلت عليكى بس ممكن تقوليلى اذاكر لمين ومنين فى سنه اولى وازاى انظم وقتى لانى باسافر ومعظم الوقت بيضيع فى المواصلات وباروح البيت تعبانه جدا

لا أبداً يا ميرو
راجعى الرسايل الخاصه عندك

[العصفورة]

وهى اولى اصعب ولا اعدادى

طبعا طبعا وبلا شك وبكل تاكييييييييييييييييييييييييييييييييييييييييييييييي ييييييييييييييييييييييييييييد

اولى اسهل بكتييييييييييييييييير من اعدادى

من رايى اعدادى دى اصعب سنة مش من المناهج ولا الشغل
انما لانك مش عارفة تذاكرى ازاى وتايهة و السنة بتعدى بسرعة على ما تبدأى تفهمى وتعرفى الحكاية ماشية ازاى بتلاقيها خلصت وكمان مش فاهمة اسلوب الدكاترة ومش سمعتى عنهم

انا كنت زيك بالظبط تايهة ومفكرة نفسى باذاكر وانا مش عارفة اصلا اذاكر الحاجات ازاى ولا ايه المطلوب فيها

المهم اعدادى خلصت والحمد لله تيجى لاولى اللى هى اسهل سنة
سهل تجيبى تقدير لو نتى عاوزة لانها بصراحة فرصة للى نفسه فى تقدير فى الكلية دى
بس اوعى تستهرى فيها ،لان ناس قالت دى اولى سهلة وكدة كدة لو ماجبتش تقدير هانجح،وشالوا مواد_بعيد الشر عنكم طبعا_

انشاء الله فى نص التيرم الاول هتلاقيكى فاهمة وعارفة تذاكرى احسن من اعدادى بكتير
وعلى فكرة الدرجات والتصحيح بيبقى افضل فى التيرم التانى ف انتى شدى حيلك التيرم الاول وابذلى فيه اقصى طاقة عندك وتكملى كدة التيرم التانى،باذن الله ربنا هيكرمك وتجيبى تقدير كويس
وربنا معاكى ومعاكم كلكم
اسفة على الاطالة بس حبيت اطمنك