دراسات عليا 2009

[omima ramadan]

السلام عليكم ورحمة الله وبركاته

اليوم قرأت اعلاناً بقسم الدراسات العليا عن فتح باب التسجيل للدراسات العليا دبلومة وماجستير في الفترة من 20/7/2090/ حتي 10/8/2009

المتاح هو:

ماجستير كيمياء عضوية

دبلوم التصميم والتشييد الكيميائي للأدوية

دبلومة النباتات الطبية

دبلومة الميكروبيولوجي

دبلومة الرقابة والتحليل الدوائي

دبلومة التكنولوجيا الصناعية


ولما سألت هل ينفع دفعة 2009 تقدم؟ الموظفة قالتلي لوو استخرجتوا شهاداتكوا قبل انتهاء موعد التقديم
لن نقول لكم :لا.

[kannoone]

الفكرة ان الاقسام الي احنا بنحبها اصلا مش محتاجة دارسين.
يعني القسم الوحيد الي محتاج طلبة ماجستير الكيمياء العضوية!!!!!!!!!!!
معني كده ان حاجة الاقسام تحول دون رغبة بعض الطلبة في تحقيق رغبتهم في دخولهم القسم الي بيفضلوه.

[pharmacistina]

الفكرة ان الاقسام الي احنا بنحبها اصلا مش محتاجة دارسين.
يعني القسم الوحيد الي محتاج طلبة ماجستير الكيمياء العضوية!!!!!!!!!!!
معني كده ان حاجة الاقسام تحول دون رغبة بعض الطلبة في تحقيق رغبتهم في دخولهم القسم الي بيفضلوه.

عندك حق تماما ..

يعني الواحد يبقى بيحب مادة معينة , نفسه يعمل فيها ماجستير ميعرفش لأن القسم مش محتاج ..

بنعشم نفسنا بانه بعد التخرج هندرس كل واحد الحاجة اللي بيحبها و يمكن ربنا يكرمنا , نيجي نلاقي القسم مش محتاج طلبة ماجستير ..

حاجة تزعل صحيح ..


استني بقى يمكن ربنا يفرجها السنة الجاية ..

و اشتغلي السنة دي عادي في صيدلية و حوشي فلوسك لأن أكيد هتحتاجيها في الدراسة بعد كدة ..

ربنا يوفقكم و كلنا ..

[د\بوسى ربيع]

الفكرة ان الاقسام الي احنا بنحبها اصلا مش محتاجة دارسين.
يعني القسم الوحيد الي محتاج طلبة ماجستير الكيمياء العضوية!!!!!!!!!!!
معني كده ان حاجة الاقسام تحول دون رغبة بعض الطلبة في تحقيق رغبتهم في دخولهم القسم الي بيفضلوه.

بصى ثقى ان فيه حكمه من كده وعلى فكره ممكن قسم انتى مش حباه تبدعى فيه اكتر من قسم حباه

[kannoone]

بصى ثقى ان فيه حكمه من كده وعلى فكره ممكن قسم انتى مش حباه تبدعى فيه اكتر من قسم حباه

حكمة من ايه يا دكتوره وازاي قسم مش حباه هتبدعي فيه ,مش معني كده ان بقلل من قسم معين واهميته لكن انت ممكن يكون في مادة بتدرسيها وانت مضطرة لكن بعد التخرج ايه الي يجبرك انك تكملي في حاجه مبتحبيهاش
يعني ليه مش ممكن تكملي في حاجة بتحبيها ؟؟؟؟؟؟؟؟؟؟؟؟؟؟؟؟؟؟؟؟؟؟؟

[XFady]

ازاي لحد 10/8 والنهاردة انا شفت ورق على الطابلوه باسامي الناس اللى تم قبولها

[omima ramadan]

ازاي لحد 10/8 والنهاردة انا شفت ورق على الطابلوه باسامي الناس اللى تم قبولها

ايه ده بجد؟

أنا شفت الاعلان في قسم الدراسات العليا الدور الثاني بالمبني الاداري والموظفة اللي هناك قالتلي اننا ممكن نقدم لو خلصنا اوراقنا واستخراج الشهادات قبل 10/8 ...

مش عارفة يا دكتور ايه الوضع بالصبط لأني مش رحت الكلية من زمان.

عموماً جوزيت خيراً علي التنبيه.

[XFady]

والله انا رحت تانى وسألت
قالوا ان الباب كان مفتوح من شهر مايو واتقفل
ورجعوا فنحوه تانى لان لسه فيه اقسام عايزة طلبة

وفعلا زي ما انتى تفضلتى فيه فعلا 7 دبومات لسه فيه اماكن

وطبعا زي مانتى عارفة الدبلومات دي الاقبال عليها ضعيف اما لصعوبتها او لعدم جدوي اخدها وتضيع الوقت فيها

طبعا دبلومة الحيوية اول دبلومة خلصت
وكمان دبلومة صيدلة مستشفيات (سهلة الدبلومة دي)
اما دبلومة المايكروبيولوجي بتاخد اي عدد من الطلبة لصعوبتها الشديدة


شكرا على الموضوع

[مروة حسان]

ياجماعه الموضوع ابسط من كدة انا سجلت في دبلومه الميكرو مع اني لسه متخرجة السنه دي وكمان كان ورقي لسة ماخلصش

[Neemo0o]

tb heya el diplomaes kaman deraset ha hatet2gel wala eh???