عندما تبكي المرأه ماذا يفعل الرجل?!!!!

[mohamed samir]

قــــالوا:

المرأة لم تخلق لتكون محط إعجاب الرجال جميعاً ..
بل لتكون مصدراً لسعادة رجل واحد...

الرجل لا ينسى أول امرأة أحبها..والمرأة لا تنسى
أول رجل خانها ...

المرأة قلعة كبيرة إذا سقط قلبها سقطت معه ..

المرأه ...تغلب أقوى الرجال بدمعه ..

المرأه مثل العشب الناعم ينحني أمام النسيم ولكنه لاينكسر..

المرأة الفاضلة تلهمك..والذكية تثير اهتمامك ..المراه الجميله تجذبك..والرقيقة تفوز بك...

ستظل المرأة لغزا مجهولا ..في الوقت الذي يعتقد الرجل
أنه قادر على حله...

عندما تبكي المرأة ..تتحطم قوة الرجل...

حياة المرأة كتاب ضخم مكتوب على كل صفحة من صفحاته كلمة ..حب ..

المرأة زهرة لا يفوح أريجها إلا في الظل..

تشعل المرأة النار بابتسامتها.."وتحاول عبثاً أن تطفئها بدموعها "

عذرا لكل النساء؟؟!!!!

ولكن ..لماذا لايحب الرجل دموع المراة؟؟؟!!

هنالك بعض النساء يستخدمن دموعهن كسلاح امام الرجل لكنه
في بعض الاحيان لايجدي نفعا امام نوع مختلف من الرجال
وهو الذي يكره دموع المراة........
لمــــــــــــاذا ؟؟!!

هل ياترى لان الرجل:

_ يتعب نفسيا لو اشعرته المراه انه سبب في تعاستها والدموع قد تكون دلاله على ذلك..

_ أو أن الرجل يرى دموع المراة ضعف وسذاجه وخاصة في بعض المواقف التي يرى الرجل انها تحتاج الى نقاش وليس للدموع..

_ أو أن الرجل يدرك ان دموع المراة سلاح وليس ضعف..

والان اريد ان اخذ آرائكــــم ايهـــا الرجال والنساء:

نبدأ بالرجال:

هل انت تصدق بدموع المراة وتحب المراة التي تبكي امامك؟؟!

ام انت من النوع الذي يكره دموع المراة؟؟!

هل تعتبر دموع المراة كاذبة أم تعتبرها ليست دائما كاذبة؟؟!

وهل تعتبر دموع المرأه ضعف شخصية؟؟!


والان المراة:


ايتها المراة هل انت من النوع الذي يبكي دائما دون سبب؟؟!

ام انت من النوع الذي يتمسك بدمعته امام الاخرين ولايفرط بها؟!!

هل تعتبرين المراة التي تبكي ضعيفة الشخصية ؟؟!

فى انتظار الردود

[pharmacistina]

ايتها المراة هل انت من النوع الذي يبكي دائما دون سبب؟؟!

لا طبعا ..
لازم بيكون في سبب جوايا ..

ام انت من النوع الذي يتمسك بدمعته امام الاخرين ولايفرط بها؟!!

أيوة جداا ..

أذكر كويس كلمة أستاذة اللغة الفرنسية قالتهالنا .. قالت ( خليكي قوية و دموعك متنزلش الا قدام حد يقدرها )

هل تعتبرين المراة التي تبكي ضعيفة الشخصية ؟؟!

لا أبدا ..
مش ضعف شخصية , لكن كل انسان له قوة احتمال ..

فحتى لو قدام الناس و الحزن زاد عن الاحتمال أكيد أي انسان هيعيط ..

بس يستحسن في الحالات دي يقعد في جنب .. بعيد عن الناس ..

[same7]

والان اريد ان اخذ آرائكــــم ايهـــا الرجال :

اتفضل

نبدأ بالرجال:
هل انت تصدق بدموع المراة وتحب المراة التي تبكي امامك؟؟!

اصدق
لكن
لا احب ان ارى الدموع عموما
لان الدموع يعنى فى حزن
وانا مبحبش ازعل حد منى
مهما كانت علاقتى بيه

ام انت من النوع الذي يكره دموع المراة؟؟!

لا اكره
لو دى الاداه الوحيد ليها عشان تعبر
بس لو معايا يبقى انا مت لما تعبرلى بدموعها
وبعدين انا محبش اوصلها للمرحله دى

هل تعتبر دموع المراة كاذبة أم تعتبرها ليست دائما كاذبة؟؟!

اعتقد بيكون فى حاجات او تصرفات حصلت تبين ان كانت دى كاذبه او صادقه
لانها مش هتنزلها على الفاضى كده
اكيد فى حاجه حصلت هتسبب نزولها

وهل تعتبر دموع المرأه ضعف شخصية؟؟!

لالالالالالالالالالالالالالا
دى اداه بتعبر بيها عن حزنها لو مقدرتش توصله بحاجه تانيه
او
بتستسهل السلاح ده
لانه غالبا بيجيب فايده

فى انتظار الردود

انا رديت اهوه براءه

موضوع رائع

[Rooose]

هل انت من النوع الذي يبكي دائما دون سبب؟؟!
لا لا طبعا مفيش حد بيبكي من غير سبب فعلا يستاهل البكاء
ام انت من النوع الذي يتمسك بدمعته امام الاخرين ولايفرط بها؟!!
مش دايما حسب الموقف يعني لو حاجة صعبة ومؤثرة بجد مش شرط خاصة بيا مبقدرش ومش شرط كل اللي حواليا ياخدوا بالهم بردوا..
هل تعتبرين المراة التي تبكي ضعيفة الشخصية ؟؟!
لأ طبعا خالص مفيش أي علاقة ما بين الدموع وضعف الشخصية...

الدموع ربنا خلقها في كل الناس رجال ونساء لأن ربنا عالم اننا محتاجينها ، ومعتقدش انه في انسان علي الاطلاق بالقوة الفظيعة اللي تخليه علي الأقل مرة واحدة في حياته مدمعش بارادته وهو واعي ومدرك انه بيدمع لسسب وان هو اللي اختار الدموع عشان يهدي بيها ولو شوية من الحزن اللي جواه...
كل انسان لما بيتحط في موقف صعب أسرع رد فعل هو انه يدمع حتي لو مش قدام حد لأن الدموع بتغسل الحزن...

و..شكرا جدا علي الموضوع الجميل.

[قناع الذهب]

ايتها المراة هل انت من النوع الذي يبكي دائما دون سبب؟؟!

محدش بيبكى من غير سبب مش لازم السبب دا يكون واضح وظاهر لكل الناس ممكن تبقى حاجة جوايا ومش عايزة حد يعرفها بس بالبكاء دا غصب عنى كل الناس بتعرفها

ام انت من النوع الذي يتمسك بدمعته امام الاخرين ولايفرط بها؟!!

مش اى حد اعيط قدامة ومش اى حد ممكن اسيب دموعى قدامة
بس احيانا بتبقى غصب عنى بجد يعنى موقف معرفش لازم اعيط فية او لو متدايقة من حاجة وماسكة نفسى اى حد يقوللى مالك مهما كان ممكن اعيط

هل تعتبرين المراة التي تبكي ضعيفة الشخصية ؟؟!

لا طبعا
البكاء تعبير عن احساس داخلى ولازم يطلع وعلى فكرة فية ناس مبتعرفش تعيط خالص
بس البكاء عمرة ماكان ضعف فى الشخصية ابدا
عشان انا بعيط بس هههههههه


فى انتظار الردود

[Nayroz]

الرجل لا ينسى أول امرأة أحبها..والمرأة لا تنسى
أول رجل خانها ...

المرأة قلعة كبيرة إذا سقط قلبها سقطت معه ..

المرأه ...تغلب أقوى الرجال بدمعه ..
احيانا
المرأه مثل العشب الناعم ينحني أمام النسيم ولكنه لاينكسر..
حياة المرأة كتاب ضخم مكتوب على كل صفحة من صفحاته كلمة ..حب ..
والان المراة:

ايتها المراة هل انت من النوع الذي يبكي دائما دون سبب؟؟!

كثيرا ما ابكى......بس اكيد بيبقى فى سبب .....خاصة لو اتجرحت من حد بحبه اوى .... او حسيت انى اتظلمت فى موقف انا اللى اتظلمت فيه المفروض وطلعت ظالمة من وجهة نظر الاخر ...او ا ن اللى جرحنى يبقى شايف ان الموضوع عادى وفكرة الاعتذار عنده مش واردة.. ده اكتر مايبكينى.بالاضافة الى لو كنت مقصرة فى العبادات طبعا....
ام انت من النوع الذي يتمسك بدمعته امام الاخرين ولايفرط بها؟!!

احيانا مش بقدر اتحكم فى دموعى امام الاخرين ....بالعكس ممكن اترمى فى حضن امى او اختى او صديقتى ....حد قريب من قلبى يعنى وابكى....
هل تعتبرين المراة التي تبكي ضعيفة الشخصية ؟؟!

لا لالالالا...البكاء مش ضعف ...هو تعبير عن حالة داخلية عميقة...وهو نعمة عظيمة انعم الله بها علينا..لتفريغ شحنة داخلية قد تؤدى بنا الى الانفجار لو مش خرجت مننا.......
فى انتظار الردود

موضوع اكتر من روعة

[Dr/HULK]

هل انت تصدق بدموع المراة وتحب المراة التي تبكي امامك؟؟!

طبعا حسب الموقف اللى هى بتبكى عشانه

يعنى لو حاجة تافهه يبقى طبعا دموعها دى اشتغالات

اما لو كان موقف فعلا فوق احتمالها يبقى اكيد غصب عنى هصدقه

ام انت من النوع الذي يكره دموع المراة؟؟

اكيد ومين ده اللى يستحمل يشوف واحدة بتبكى

هل تعتبر دموع المراة كاذبة أم تعتبرها ليست دائما كاذبة؟؟

ماهو لو اعتبرتها دايما كاذبة يبقى هصدقها

امتى ان شاء الله

وهل تعتبر دموع المرأه ضعف شخصية؟؟!

دا بيختلف على حسب البيئة اللى هى اتربت فيها

يعنى لو هى دائمة الاعتماد على نفسها هتبقى اقوى من اللى بتستنجد بالاخرين لحل مشاكلها



وجهة النظر دى انا معرفتش اوضحها اوى فى الكتابة

موضوع مش جميييييييييل خالص

فكرنى بحاجات مكنتش عاوز افتكرها

ماشى يابوسمرة على مواضيعك النكد دى

[Come back]

المرأة لم تخلق لتكون محط إعجاب الرجال جميعاً ..
بل لتكون مصدراً لسعادة رجل واحد...
أكييييييييييييييييد
الرجل لا ينسى أول امرأة أحبها..والمرأة لا تنسى
أول رجل خانها ...
مش عارف .. لأنه مش انا اللي احكم في حاجة زي دي بالنسبة للرجل ايوه فده أكيييييييييييييد طبعا
هل انت تصدق بدموع المراة وتحب المراة التي تبكي امامك؟؟!
الحمد لله عندي قدرة أقدر أفهم اللي قدامي صادق في تعبيره و لا بيمثل يعني أكيييييييييييييد هعرف
ام انت من النوع الذي يكره دموع المراة؟؟!
عموما مش بحب حد يبكي قدامي لأن بجد ساعات ممكن عيني تدمع انا كمان و مش بقدر امسك نفسي و انا مش بحب حد يشوف دموعي بس اعمل ايه بتنزل غصب عني
هل تعتبر دموع المراة كاذبة أم تعتبرها ليست دائما كاذبة؟؟!
و الله حسب الموقف و الانسان اللي قدامي و احساسه و ظروفه ممكن حد يبقي مش ناقص فتيجي أي حاجة و لو مهما كانت صغيرةممكن تبكيه و ده بيبكي بقا عشان كل اللي جواه و اللي هو بيكتمه و انا تقريبا بعمل كده ممكن افضل اكتم في نفسي و استحمل كتير لغاية ما يجي وقت مقدرش استحمل ........
وهل تعتبر دموع المرأه ضعف شخصية؟؟!
لا الموضوع ده مالوش علاقة بضعف او قوة الشخصية لأن لو ذكرنا أعظم من كان يضرب بهم المثل في قوة الشخصية منهم اولا رسول الله و ثانيا و ليس أخيرا سيدنا عُمر بن الخطاب كثيرا ما يذكر في السيرة انه بكي رغم اننا نعلم كلنا من هو عُمر في قوته ............ والا ما كانش ربنا خلقها لينا لأنها أكيييييييييييييد ليها فايدة عضوية و نفسية كبيرة أوووووووووووووى و بتريح كتير جداااااااااااااااااااا
ميرسي جداااااااااااااااااااااااا يا دوك ع الموضوع

[Unique Dr]

ايتها المراة هل انت من النوع الذي يبكي دائما دون سبب؟؟!
انا ممكن اكون فعلا ببكى كتير بس طبعا بيبقى فيه سبب جوايا
ام انت من النوع الذي يتمسك بدمعته امام الاخرين ولايفرط بها؟!!
لأ خالص للاسف عادة مبقدرش امسك دموعى امام الناس بحس انى مخنوقه ومش هرتاح الا لما اعيط
هل تعتبرين المراة التي تبكي ضعيفة الشخصية ؟؟!
لا ليه ملوش علاقه بضعف الشخصيه ليه منعتبرهاش نوع من الرقه او الحنيه اللى طبيعى موجوده جوه المرأه

[Unique Pharmacist]

ايتها المراة هل انت من النوع الذي يبكي دائما دون سبب؟؟!
لا -لازم يكون فى سبب
ام انت من النوع الذي يتمسك بدمعته امام الاخرين ولايفرط بها؟!!
مش فى كل الظروف و مش مع كل الناس
هل تعتبرين المراة التي تبكي ضعيفة الشخصية ؟؟!
لا- طبعا