عادى تتجوز وتعيش فى بيت اهلك ولا؟؟؟؟

[قناع الذهب]

زمان كان من العادات الاجتماعية ان يتزوج الرجل في بيت اهله ...

حيث كان الاب يبني بيتا كبيرا يسكن فية جميع اولاده ... وكانت الزوجة راضية بهذا الوضع لان هذا

كان هو المألوف والمتبع عند الجميع ... ولم تكن تحدث مشاكل نتيجة ذلك مثل المشاكل التي

نسمع عنها اليوم اذا سكن الزوج مع اهله نظرا للظروف المادية التى يمر بها الشباب فيصعب

عليهم شراء
مسكن مستقل .


هيا بنا نتناقش جميعا ًحول سلبيات وإيجابيات هذا الأمر
من وجهة نظركم


ايها الشاب


*هل تفضل ان تسكن في مسكن مستقل ام مع اهلك؟

*واذا كان احد والديك او كلاهما سيعيشان بمفردهما بعد زواجك .. وزوجتك تريد الاستقلال في

مسكنها .. فماذا ستفعل ؟

*وهل لزوجتك حق في طلب هذه الاستقلالية من وجهة نظرك؟

*وهل سيؤدي السكن مع الاهل الى إثارة المشاكل نظرا لاختلاف الطباع والعادات بين الزوجة

ووالدة الزوج على الاخص؟



ايتها الفتاة


*هل تفضلين الاستقلال في سكن منفصل ام مع اهل زوجك؟

*واذا طلب منك زوجك السكن مع اهله هل ستوافقي.. ام ترفضي وتطالبي بسكن خاص.. او

ترفضيه زوجا لكى؟



يللا كلة يجاوب بسرررررررررررعة
سمسمة

[MoRsY]

موضوع جميل

*هل تفضل ان تسكن في مسكن مستقل ام مع اهلك؟
مسكن مستقل
*واذا كان احد والديك او كلاهما سيعيشان بمفردهما بعد زواجك .. وزوجتك تريد الاستقلال في مسكنها .. فماذا ستفعل ؟
الأولوية للوالدين طبعا

*وهل لزوجتك حق في طلب هذه الاستقلالية من وجهة نظرك؟
من حقها أن تطلب ولكن ليس من حقها أن تقرر
*وهل سيؤدي السكن مع الاهل الى إثارة المشاكل نظرا لاختلاف الطباع والعادات بين الزوجة ووالدة الزوج على الاخص؟
بكل تأكيد (دا فيه أفلام بتتعمل على الموضوع دا)

[قناع الذهب]

شكرا د\مرسى على ردك ومستنية ردود اكتر
اية الناس نامت ولا اييييييية

[احمد شبند]

السلام عليكم

لو المسكن المستقل هقدر من خلاله ابر اهلى واصل رحمى يبقى طبعا هو الافضل

ولو بيت الاهل مثلا كبير بحيث انك تكون فى شقة منفصله وبلا مشاكل وبلا تدخلات فى الخصوصيات يبقى افضل

ولكن الاحتمالين صعبييييين جدا ففى الحالة الاولى الدنيا بتاخد الى ما يتخدش

والحالة التانية محتاجة بيت متكامل وده نادر انك تلاقيه الا من رحم ربك

عموما الخير فيما قدره الله

بس ده رأيى بأختصار

[قناع الذهب]

لنا ليا رد بكرة ان شاء الله
احسن معدتش قادرة اكتب خاااااااااااااالص
وعايزة اجى بكرة الاقى 600 رد هههههههههه

[drsherbiny]

اولا احب اشكرك علي مواضيعك الحيوية بجد تسلمي


ايها الشاب


*هل تفضل ان تسكن في مسكن مستقل ام مع اهلك؟

انا افضل طبعا معا اهلي بس في شقة مستقلة بيا لو مثلا انا واخواتي كل واحد ليهم شقة مستقلة ايه المشكلة


*واذا كان احد والديك او كلاهما سيعيشان بمفردهما بعد زواجك .. وزوجتك تريد الاستقلال في
مسكنها .. فماذا ستفعل ؟

والله زي مقولت لحضرتك يا اما هفضل في شقتي الي في بيت ابويا جمب والدي او والدتي وان مكانش يبقي في سكن قريب منهم ولو حد منهم مثلا مريض هيفضل معايا مهما اروح

*وهل لزوجتك حق في طلب هذه الاستقلالية من وجهة نظرك؟
لا طبعا ازا كنت زي مقولت في شقة مستقلة

*وهل سيؤدي السكن مع الاهل الى إثارة المشاكل نظرا لاختلاف الطباع والعادات بين الزوجة

في المدينه غالبا معدش في مشاكل لان كل واحد بيكون في حاله بس لو في ارياف ونظام بيت العيلة ايوة في مشاكل وكبيرة اوي كمان ممكن توصل لحد الطلاق خصوصا معا تعنت الحماه وكمان احيانا بتكون الزوجة شرانية زي ما بيقولوا

[*Aya*Verse*]

*هل تفضلين الاستقلال في سكن منفصل ام مع اهل زوجك؟

افضل ان اكون في سكن منفصل او اكون معاهم في نفس البيت بس في شقة منفصلة

*واذا طلب منك زوجك السكن مع اهله هل ستوافقي.. ام ترفضي وتطالبي بسكن خاص.. او
ترفضيه زوجا لكى؟
لو قصدك ان اكون في نفس الشقة طبعا هرفض وهطالب بسكن خاص
ولو هو اصر علي كده ففي حالتين
*لو كنت بحبه فحاول اقنعه تانى
ولو مش اقتنع
هقعد مع اهله بس تكون مامته طيبة .....انتى فاهمة قصدى طبعا

*بس لو كنت مضحية بيه يبقي خلاص............

[BoNbOoNa]

ايتها الفتاة

أوامرك

*هل تفضلين الاستقلال في سكن منفصل ام مع اهل زوجك؟
صعب اوي اقول اجابة مطلقة ... يعني ده حسب العائلة و اكيد لازم نختار شريك كويس و عائلته كويسة .. لانك لما بتتزوجي بتتزوجي عائلة بأكملها و ليس رجلا فقط ... بس اعتقد ان الطبيعي انه يكون سكن مستقل
لان كل اللي شفتهم ساكنين مع عائلة الزوج او العكس بيكون فيه مشاكل كتير ملهاش لازمة مع الاسف

*واذا طلب منك زوجك السكن مع اهله هل ستوافقي.. ام ترفضي وتطالبي بسكن خاص
هوافق ... بس ده في حالة عدم توافر سكن مستقل لا يمنعه من ان يصل رحمه ,,, و في نفس الوقت لازم يكون سكني مع اهله لا يمنعني من صلة رحمي انا ايضا
يعني لازم نوصل لحل وسط بحيث لا تنتهك خصوصيتنا و في نفس الوقت منقصرش مع اهلنا
.. او

ترفضيه زوجا لكى؟
استحالة توصل لمرحلة الرفض و اكيد هدعم زوجي حتي لواضطريت اضحي شوية بس اذا كنا في خطوات نحو هذا الحل الوسط .... لان حق عائلتي عليا غير قابل للتفاوض و لا النقاش ... امي ثم امي ثم امي ثم ابي ... و يعييني علي برهم زوجي و اعينه انا ايضا علي بر امه و ابيه .... و انا محبش ابدا اقارن بين حد و اخر يعني مش هقول انا بختار زوجي علي اهلي ولا العكس ... كل واحد منهم له حقوقه و المفروض الا تطغي اي منها علي الاخري

تقبلي رأيي المتواضع ... و جزاكي الله كل خير يا سمسمة

[pharmacistina]

[COLOR=#008080]


ايتها الفتاة


*هل تفضلين الاستقلال في سكن منفصل ام مع اهل زوجك؟

*واذا طلب منك زوجك السكن مع اهله هل ستوافقي.. ام ترفضي وتطالبي بسكن خاص.. او

ترفضيه زوجا لكى؟



يللا كلة يجاوب بسرررررررررررعة
سمسمة

بدون تجميل للكلام ..

و بصراحة ..

طبعا أفضل الاستقلال ..

و عمري ما أحب السكن في بيت عيلة ..

و أرفض حاجة زي كدة مهما كان الشخص مثالي لأني عمري ما هرتاح غير في بيت مستقل , حتى لو كان بيت بسيط بس يكون مستقل ..

و على فكرة ,

الصح ان بيت الزوج ( المستقل ) يكون تقريبا نفس ظروف بيت البنت قبل الزواج ..

يعني انتي دلوقت ليكي غرفة لوحدك , بتحبي الهدوء مثلا , لما تيجي تخرجي بتستأذني من والدتك أو والدك , بتخرجي كل خميس فسحة مثلا ,

ما ينفعش تيجي بعد الزواج تلاقي كل حاجة انقلبت و المطلوب منك ان انتي تتكيفي مع الوضع الجديد !!!

كدة كتير ع البنت ..

زي واحدة كانت بتقول ..

هي في بيت مستقل لكن جمب بيت حماتها مفيش خطوتين ..

حماتها بقى تقريبا مقيمة عندهم ..

من الصبح تيجي ترن الجرس , و تيجي مثلا ترتب في الشقة و تغير نظامها تشيل فازة الورد من هنا تحطها هنا و تقول ( هنا أحلى ) , و هي اللي تقرر هتعمل ايه ع الغداء , و تشيل و تحط ..

طب هل دي حياة ؟؟

أي واحدة في الدنيا المفروض انها تكون هي مسئولة و مستقلة و تعيش حياتها ,

حتى لو غلطت في حاجة الزوج ممكن يوجهها , حتى لو في مشكلة بين الزوج و الزوجة هما يحلوها بدون تدخل ..


و أهلا و مرحبا بكل الناس لما ييجوا يزوروا البيت دة , فساعتها تكرميهم أوي و تعامليهم أحسن معاملة و تحسسيهم انهم أصحاب البيت , لكن الأهل ييجوا يقيموا .. دي صعبة ..

في رأيي ..

بيت يعني خصوصية و راحة و هدوء ..

و بيت العيلة لا في خصوصية ولا راحة ولا هدوء ..


معلش أنا بقول رأيي بصراحة ..

Thanks

[same7]

ايها الشاب
*هل تفضل ان تسكن في مسكن مستقل ام مع اهلك؟

لا ابقى مع بابا وماما بس
و
فى بيت مستقل

*واذا كان احد والديك او كلاهما سيعيشان بمفردهما بعد زواجك .. وزوجتك تريد الاستقلال في مسكنها .. فماذا ستفعل ؟

لو بابا وماما رافضين يبقى مرفوض مقدرش اقول لا
لكن هما عارفين انا بعمل ايه وبفكر ازاى وموافقين
مش هقول بفكر فى ايه بقى

*وهل لزوجتك حق في طلب هذه الاستقلالية من وجهة نظرك؟

اكيد
بس لو بابا وماما رفضوا يبقى مش هرفض انا كومان
لان لو حصل اى صدام اكيد هفضل بابا وماما
مينفعش يعنى

*وهل سيؤدي السكن مع الاهل الى إثارة المشاكل نظرا لاختلاف الطباع والعادات بين الزوجة ووالدة الزوج على الاخص؟

لالالالالالالالالالالالالا
وان شاء الله ميكونش فى مشاكل

وانا موافق على كلام pharmacistina عندها حق مش هيبقى مظبوط
حلو الموضوع يا سمسمه