النتائج 1 إلى 10 من 10

الموضوع: وجعلنا بعضكم لبعض فتنة ....

  1. #1
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي وجعلنا بعضكم لبعض فتنة ....

    السلام عليكم ورحمة الله وبركاته



    يقول الله تعالى ( وجعلنا بعضكم لبعض فتنة اتصبرون وكان ربك بصيرا )

    وقال ايضا ( وكذلك فتنا بعضهم ببعض ليقولوا أهؤلاء من الله عليهم من بيننا )..

    فى صور كتير لكدا انا طبعا مقصدش ان مثلا يكون فى واحدة مثلا لبست ثيام عينا جهلا بالحكم (حسن ظن ) فيفتن بها كذا وكذا.....لا لا

    انا أقصد نوع اخر وهو ان قد يقوم الشخص بفتنة غيره وهو لا يشعر لا أقصد اطلاقا ايضا فتنة الشخص لشخص واحد فذلك يكون عيب على من فتن (بضم الفاء ) لا على من فتن (بفتح الفاء)....


    فمثلا :

    قد يكون شخص غنى يراه الفقراء ينفق ماله فى كذا وكذا ويشترى كذا وكذا فيفتنون به ويسخطون على أنفسهم بل قد يسرقون .......

    وممكن يكون شخص من طريقة تعامله مع الاخرين يتسبب فى فتنتهم (اقول الشخص لا يعرف ذلك) دون ان يدرى فمن الممكن من طريقة كلامك او تصرفات تطمع فيك الاخرين .....

    انا الحقيقة مش عارف أوصل الى فى دماغى قوى بس على اد الى وصل

    (كل واحد سئل نفسه ) (ويصدق نفسه )

    هل ممكن اكون انا سبب فى فتنة غيرى ؟؟؟

    وان كانت بنعم

    فكيف يكون ذلك ؟؟؟وما الحل؟؟

    جزاكم الله خيرا ونأسف على الاطالة ........

    التعديل الأخير تم بواسطة WhiteBird ; 17-07-2009 الساعة 04:43 AM سبب آخر: تعديل الايه..شكرا د.deya

  2. #2
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    بدايه وعليكم السلام ورحمه الله وبركاته

    ثانيا هقول لحضرتك حاجه يادكتور في مقوله بتقول كل ذي نعمه محسود وعلى قدر نعم ربنا سبحانه وتعالى عليك على قدر حسادك يعني لو واحد غني هيلاقي واحد فقير يحسده على هذه النعمه وممكن توصل للحقد وانه يسرق علشان يبقى زي الناس الهاي والحاجات اللي بنسمعها دي لو واحده جميله تلاقي من حولها بيحسدها على جمالها وهكذا ... على فكره الموضوع دا مش كله سيئات يعني ممكن يكون انسان غني لكن بيعمل خير كتير يشوفه شاب فقير ويسعى انه يغتني بالحلال علشان يحسن للناس زي الراجل الغني دا او حد بسبب حسن خلقه كل الناس بتحبه يقوم اقرانه يقلدوه في ذلك رغبه منهم ان الناس تحبهم زي ما بيحبوه والامثله في الموضوع دا لاحصر لها

    وخلاصه القول ان كل واحد منا ممكن يتحلى بصفه يفتتن الغير بها فياريت نحرص اننا نفتن الناس فتنه حسنه لعل الله ان ينقذنا بها يوم القيامه
    ياريت يادكتور اكون فهمت الموضوع صح تقبل مروري واترككم في رعايه الله وحفظه

  3. #3
    Pharma Student
    تاريخ التسجيل
    Apr 2009
    الدولة
    في رعاية الله
    المشاركات
    418

    افتراضي

    _لا يشكو الفتنة الا مفتون_
    الجملة دي سمعتها من الشيخ محمد حسين يعقوب
    لما واحد بيقوله كل الدنيا بقت مليانة فتن والاغاني حتي بيشغلوها في المترو واحنا راكبين
    فقاله الجملة دي
    وفعلا لو كل انسان بص لنفسه وقارن بين حالته وهو مفتون بمعصية ما وحالته وهو مش مفتون بيها
    لو مثلا فرضنا الاختلاط في الجامعة لو واحد شايف الجامعة كلها اختلاط وكله لبس مش محترم وهكذا يبقي هو مفتون
    لكن لو ربنا وقاه شر الفتنة هشوف الجوانب الكويسة الناس المتدينة الدكاترة اللي بتراعي ضميرها وهكذا

    وربنا لما بيحب عبد مش بيخليه يشوف الفتن دي ولو شافها متدخلش لقلبه

    بس انا من وجهة نظري الفتن بتجي من المجاهرة
    لما انسان يحكي لحد عن متعته في اثناء عصيانه لربنا _ والعياذ بالله _ ده بيخليه يفتن ويبقي نفسه معلقة بالمعاصي
    ولغياب النزعة الدينية الناس مبقتش عارفة الصح من الغلط


    لكن ان مش شايفة ان لما يكون واحد غني وواحد فقير لازم الاول يفتن التاني
    لان كل انسان لازم يرضي ومسيخطش
    عشان يحافظ علي اجره وكمان يعيش سعيد
    واتفق برضه مع summer breeze
    فان لو واحد غني وبينفق في سبيل الله ده يشجع الفقير

    وبرضه في رايي ان الانسان هو اللي بيتسبب في انه يظل مفتون
    لان _ النفس راغبة اذا رغبتها _ فالانسان لازم ينظر للي اقل منه مش الاعلي منه
    عشان يدوام علي شكر الله علي نعمه

    واذا شعر المرء بانه قد فتن لازم يلوذ الي الله ويلجأ اليه
    ويدعو ربنا انه يتوب عنه واللي بيدعي ربنا بقلب صالح طالبا الهداية والتوبة ربنا بيتوب عنه ويتقرب اليه ويحبه
    ويبقي ده مجرد كان ابتلاء

    ربنا يقينا شر الفتن جميعا ماظهر منها وما بطن
    اللهم آمييييييييييييييييييين

    ويارب اكون فهمت اللي تقصده
    وآسفة ع الاطالة
    وجزاك الله الخير
    ونرجو مزيد من التوضيح

  4. #4

    تاريخ التسجيل
    Oct 2007
    المشاركات
    2,080

    افتراضي

    انا متفق مع د/ سمر

    و متفق مع د / منى
    يمكن كمان قالت اكتر وافضل مما كنت هقول

    بس عندي ملاحظه صغيره :
    الايه بتقول :
    يقول الله تعالى ( وجعلنا بعضكم لبعض فتنة اتصبرون وكان ربك بصيرا) سورة الفرقان

  5. #5
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    جزاكم الله خيرا على المشاركة

    معلش ضعف حفظ يا دكتور ضياء متأسف

  6. #6
    Pharma Student
    تاريخ التسجيل
    Apr 2009
    الدولة
    في رعاية الله
    المشاركات
    418

    افتراضي

    اناممكن اضيف حاجة كمان غفلت عنها
    ان كل انسان مننا بيبقي عارف مواضع الضعف في قلبه وايه الحاجة اللي هتفتنه
    ولازم يبعد عنها وميقوحش
    يعني انا مثلا لو عارفة ان واحدة صحبتي كل ما هتكلم معاها هتتكلم في موضوع ما قد يزعزع قلبي
    مقولش اني لما هكلمها مش هتتكلم في الموضوع ده _ لان الحكاية حصلت معايا_
    وكنت بحاول بس بحس نفسي بدور في حلقة..
    بس الحمد لله دلوقتي

    وبالنسبة للفرق في الغني والفرق فانا سمعت النهاردة في محطة القرآن انه
    ما اجتمع ايمان صادق وحسد هالك في قلب واحد
    فلما الفتنة في هذا ؟!

  7. #7
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    مش هقول الا حاجة واحدة ...

    "أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ ".. من اول آيات سورة العنكبوت

    المهم هو موقفك من هذه الفتنة .... ماذا ستفعل ؟؟
    إما ان تبتعد تماما عن مصدرها ... او ان تتمكن منها و تقبضها في يدك لتقابل ربك و قد هزمت كل فتنة لوجهه الكريم ...
    أعاذنا الله و اياكم من فتنة المحيا و الممات و من كل الفتن ما ظهر منها و ما بطن
    التعديل الأخير تم بواسطة BoNbOoNa ; 17-07-2009 الساعة 07:41 AM

  8. #8
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    جزاكم الله خيرا جميعا

  9. #9
    Pharma Student
    تاريخ التسجيل
    Sep 2008
    الدولة
    حدانا فالبلد
    المشاركات
    903

    افتراضي

    في البدايه ....وعليكم السلام ورحمة الله وبركاته

    ثانيا احب اشكرك دكتور احمد علي الموضوع الجميل ده واللي فعلا كلنا محتاجين اننا نفكر فيه .......

    كل انسان في الدنيا معرض انه يفتن وده نظرا لانتشار الكثير من العادات والتقاليد الغير سليمه في مجتمعنا .....وزي مالدكاتره قالوا ان كل واحد لازم يحط لنفسه خطوط حمرا لما يحس بس انها عداها لازم يقف ويبدا يراجع نفسه ....وماينجرفش في تيار الفتنه .....

    اما بقي ان الواحد ممكن يفتن ناس تانيه فده زي ماتقال انه ممكن يكون في اتجاهين ان الواحد يعمل عمل كويس فناس كتير تفتن بيه وتحب تعمل زيه عشان تكون زيه .....وده المطلوب ..وممكن العكس ...

    وممكن لو واحد الناس حاسه انه طيب شويه في معاملاته ممكن يسيئوا فهم طيبته دي ويستغولها بطريقه مش كويسه ......

    نسال الله ان نكون سببا في فتنه الناس الي كل مايرضي الله عز وجل .....

    في النهايه بشكر كل الدكاتره اللي مابخلوش بارائهم في الموضوع عشان كلنا نستفيد ...

  10. #10
    Pharma Student
    تاريخ التسجيل
    Dec 2008
    المشاركات
    803

    افتراضي

    شكرا علي الموضوع الهادف و كلام الدكاترة بصراحة جميل ومقنع...
    بس أعتقد ان لو الرضا ملا قلوب الناس محدش هيفتن بحاجة ، يعني كل حد يحمد ربنا علي اللي عنده ولو شاف حاجة كويسة يقول ما شاء الله ولو حاجة وحشة يغيرها لو قدر ولو مقدرش يتجنبها ويبعد عنها،، بس وخلاص...
    دي مش نظرة سطحية للموضوع بس كل الحكاية اني شايفه الموضوع من الزاوية دي...

المواضيع المتشابهه

  1. مشاركات: 6
    آخر مشاركة: 02-08-2010, 11:57 PM
  2. و رجعنا لبعض تاني ...
    بواسطة Anas في المنتدى المنتدى الأدبي
    مشاركات: 40
    آخر مشاركة: 15-04-2010, 11:23 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •