تسالي ع الماشي

[romaysaa]

ده حال المتزوجين بعد كام سنه

........لب وسوداني

بقول لها ..
ما تيجي نهزر ..
نجري ونلعب ..
ونكسر كل الحاجات ..
ونجيب م اللي فات ..
يومين حلوين ....
قالتلي والنبي إنت فايق ورايق ..
قولتلها ...
طب وليه نتضايق ..
إحنا لسه صغيرين ..
وأكبر عيالنا ..
يا دوب تسع سنين ..
يعني لو بنحكم مصر ..
تبقي يا دوب لفة ونص ..
مش عشرين ..
- وطي صوتك البت بتذاكر ..
والواد مصدقت إنه نام ...
إنما إيه اللي صحي ف قلبك ..
من تاني الغرام ..
قولتلها جوايا كلمتين غزل ..
قالتلي والنبي إنت عسل ..
بس الظروف ..
- مالها الظروف ..
فاكرة لما كنتي ..
بتحوشي م المصروف ..
جبتيلي ورد ف عيد ميلادي ..
- وجبتلك بلوفر صوف ..
- وجبتيلي بلوفر صوف ..
- فاكر لما بوستني ..
وإحنا لسه مخطوبين وأبويا لاحظ ..
يالهوي كنت هموت م الكسوف
- فاكرةأول مرة قلت لك بحبك ..
وشك إحمر ..
- إنت اللي وشك كان مخطوف ..
- مش إنتي كنتي بترسمي زمان ..
- وإنت كمان كنت بتكتب شعر ..
- هو احنا بطلنا نحس ..
- إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..
غير معروف
مع تحيات علي سلامة
وتحياتي
romaysaa

[dr-aya]

- مش إنتي كنتي بترسمي زمان ..
- وإنت كمان كنت بتكتب شعر ..
- هو احنا بطلنا نحس ..
- إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..

جامدة الحتة دى قوى إحنا فعلا بطلنا نحس وعملنا نفسنا مش شايفين
بغض النظر عن أى حاجة الحتة دى أثرت معايا جامد
ميرسى على التوبيك وتقبلى مرورى

[romaysaa]

مرسي جدا على مرورك يا آية
وانا نزلت التوبيك ده مخصوص
علشان حتة الإحساس دي
و برده حتة الرومانسية
ولكن الظاهر إنه
لم يلاقي
الإعجاب اللي كنت
متوقعاه
ياجماعة أدخلوا وقولوا
نقد عاااااادي
حتى ممكن نتناقش
لكن الإنسحاب
مش هيفيدني
ولا هيفيدكوا
ولا إيه؟؟

[NonY]

مرسي جدا على مرورك يا آية
وانا نزلت التوبيك ده مخصوص
علشان حتة الإحساس دي
و برده حتة الرومانسية
ولكن الظاهر إنه
لم يلاقي
الإعجاب اللي كنت
متوقعاه
ياجماعة أدخلوا وقولوا
نقد عاااااادي
حتى ممكن نتناقش
لكن الإنسحاب
مش هيفيدني
ولا هيفيدكوا
ولا إيه؟؟

هههههههههههههه
متقلقيش انتى لسة منزلة الموضوع النهاردة

بس يا رب دا ما يبأة حالنا لما نتجوز
مع ان كل المؤشرات بتقول كدا

بس بصراحة هنا هى اللى غلطاااانة
كانت تقوم تكسر و تهزر ايه الرخامة دى

[romaysaa]

مرسي جدا يا NonY على ردك
ويا ريت بلاش التفاؤل زيادة عن اللزوم
وإن شاء الله
حالنا ممكن نصلحه
وعندك حق هي غتتة فعلا
كانت تقوم تكسر
لحظة ممكن يا جماعة
تكون أقصدها خير
عاوزة توفرله
بدل ما يجيب
الحاجات اللي اتكسرت
تااااااااااني
هههههههههههههههههههههههههههههههههههههههههههههههه

[NonY]

ههههههههههههههههه
صح ..

يباة هو اللى غتت

[Unique Dr]

تكسر وتهزر اه بس انتو متفائلين اوى هى زمانها مهدود حيلها طول اليوم بسببه هو وعيالو
يبعد عنها بأه الساعه دى

[ELANDALEEB]

فعلا
ياترى ايه السبب !!!!


التوبيك تحفة
مع تحياتى
...........

[romaysaa]

أولا :متشكرة جدا على مروركم
ثانيا: أعتقد إن السبب يا دكتورالعندليب
هو الروتين اللي بقت حياتنا كلها فيه
ولأن الهزار والتكسير شئ غير معتاد
فبالتالي العقل يستسهل ويقوم بالشئ المعتاد
وهو التليفزيون
ويرفض التكسير
ومن الواضح إن العلاج يتلخص في
جعل الهزار والتكسير
جزء من حياتنا
علشان عقلنا ميرفضوش
مع مراعاة إحترام الوقت
يعني الهزار له وقته والجد له وقته
وشكرا