هل ممكن تحكم على حد من خلال المنتدى....

[احمد شبند]

السلام عليكم ورحمة الله وبركاته


ان شاء الله يكون الجميع مبسوط من نتيجته وعقبال السنة القادمة باذن الله


كنت عاوز اخد رأى حضراتكم عن تقيم شخص لشخص اخر من خلال مشاركاته فى منتدانا الغالى

مع العلم ان غالبا الجانب الايجابى او الجانب الافضل هو الى بيبان على المنتدى فى وسط بعض المجاملة وقد تصل الى التزيين وطبعا الكلام الى بينكتب الواحد ممكن يفكر فيه اكتر من مرة بعكس الحياة العادية الى بيخرج من اللسان لا يمكن اعادته


مثلا لو شخص يدخن لا يمكنك ان تشم رائحة الدخان فى كتابته ولكن يمكنك ان تشمها فى حديثه



الخلاصة قد يكون الانسان انسان اخر اذا لم يختلى فما بالنا اذا اختلى ...............


يا ريت كل واحد مننا يقول رأية ان حب يقوله بصدق يتفضل او بشخصيته او او الى هو يحب .......


اسف للاطالة وربنا يكرمكم جميعا

[pharmacistina]

صح مش ممكن الحكم تماما على الشخص من خلال النت ..

Never

عشان زي ما حضرتك ذكرت في فرصة للشخص انه يفكر ,

ولو الشخص فكر في كلامه أكيد هيكون شخصية مميزة و مش هيبان الا الجانب المشرق من شخصيته ..

و دة اللي بينقصنا في الحياة العامة , شوية تفكير في المواقف ..

لكن مع الوقت كل حاجة بتظهر على حقيقتها , المواقف الصعبة هي اللي بتكشف الناس , سواء ع النت أو ع الحقيقة ..

يعني لما واحدة تكون صاحبتي أوي ع المنتدى أو حتى ع الواقع و يحصل موقف بيني و بينها و نختلف ساعتها هتبان حدود علاقتنا و تفاهمنا ..

في رأيي المواقف و العشرة هي اللي تبين الناس على حقيقتها و الذكي يقدر يفهم الشخصية اللي قدامه سواء ع النت أو ع الواقع ..

المواقف و الخلافات بتحصل برده ع المنتدى و ما أكثرها ..

و لكن في رأيي , الواحد بيحاول يحسن الظن بكل الناس مع الحرص الزائد منهم ..

يعني أنا شاركت في المنتدى دة من سنة تانية صيدلة , بقالي فترة كبيرة في المنتدى , ممكن أحكم على معظم الناس طبعا من وجهة نظري اللي أظنها صحيحة ..

لكن طبعا قد لا تصيب هذه النظرة ..

[MaZeN]

في بعض الاشياء و بعضها لاء .. بس غالبا شخصية النت بتختلف في حاجات عن الحقيقة ولكنها بتتفق في حاجات تانية .. ولكن الخلاصة انه مينفعش تحكم على شخص غير بالمعاشرة الحقيقة و التعامل وجها لوجه مش من خلال شاشة

[rose_pharm]

لا طبعا مش ممكن نحكم

لاننا ممكن نكون كلنا نميل لنكون مثاليين في تفكيرنا ولمابكلم بعض اصحابي علي الميل بحس ان مش هم الشخصيات اللي بتعامل معاها مش عارفه ليه

فاكيد منقدرش نحدد الشخصية من خلال كتابة

[ahmed kewan]

اكيد طبعا مينفعش انك تحكم على حد
من خلال المنتدى او النت

وانا هقولك حاجه يا دكتور
انا حاولت اكون على طبيعتي جدا ف الكلام
من غير مجامله ولا تزيين

يمكن حصل مشاكل مع بعض الاشخاص

فقللت مشاركاتى جدا
لانى مش عارف وبكل صراحه اجامل حد


لان شخصية النت مش هى خالص شخصيتك وسط الناس

تقبل تحياتى

حلمى كبير

[ph_hassan87]

أكيد مش ممكن نحكم علي شخصية حد من خلال مشاركاته بس علي الاقل بنعرف ولو فكرة مبدئية عن تفكيره وطبيعة شخصيته...وان كان في ناس كتير بيكون في تناقض تام بين مشاركاتهم على منتدى معين مثلا وبين شخصياتهم.........

[drH.M]

صح مش ممكن الحكم تماما على الشخص من خلال النت ..

Never

عشان زي ما حضرتك ذكرت في فرصة للشخص انه يفكر ,

ولو الشخص فكر في كلامه أكيد هيكون شخصية مميزة و مش هيبان الا الجانب المشرق من شخصيته ..

و دة اللي بينقصنا في الحياة العامة , شوية تفكير في المواقف ..

لكن مع الوقت كل حاجة بتظهر على حقيقتها , المواقف الصعبة هي اللي بتكشف الناس , سواء ع النت أو ع الحقيقة ..

يعني لما واحدة تكون صاحبتي أوي ع المنتدى أو حتى ع الواقع و يحصل موقف بيني و بينها و نختلف ساعتها هتبان حدود علاقتنا و تفاهمنا ..

في رأيي المواقف و العشرة هي اللي تبين الناس على حقيقتها و الذكي يقدر يفهم الشخصية اللي قدامه سواء ع النت أو ع الواقع ..

المواقف و الخلافات بتحصل برده ع المنتدى و ما أكثرها ..

و لكن في رأيي , الواحد بيحاول يحسن الظن بكل الناس مع الحرص الزائد منهم ..

يعني أنا شاركت في المنتدى دة من سنة تانية صيدلة , بقالي فترة كبيرة في المنتدى , ممكن أحكم على معظم الناس طبعا من وجهة نظري اللي أظنها صحيحة ..

لكن طبعا قد لا تصيب هذه النظرة ..

متفق مع حضرتك تماما

[احمد شبند]

شكرا على المشاركة جميعا وفعلا الاراء حتى الان متفقة

بس ساعات الواحد( حتى وان كان على قدر من الذكاء) قد بما بمن الله عليه من فكر او حكمة ( ممكن يكون بيحسب نفسه كدا وهو مش كدا )
المهم
ممكن يحكم على الناس من كلمة ؟؟

ممممممم مش عارف بس لازم الواحد برضو يكون دقيق فى التعامل فمثلا ممكن انا وانا بكتب كلمة اوحى للى بقراها انى مثلا ذكى جدا او بفهم فى حاجة معينة وده مش صحيح

سعات بحس ان ممكن الناس بتحاول تكون الشخصية الى هى نفسها تكون فيها وده ممكن ميكونش وحش قوى بس برضو عليه علمات استفهام كتييييييير

متابع باقة المناقشة ان شاء الله

[Dr/HULK]

النت مش بيدل على الشخصية الا من خلال منتدى بيتيح لك الكلام فى كل المواضيع

مش المنتدى بتاعنا اللى هدفه الاساسى معلومات عن الكلية

يعنى مثلا فى المنتدى ده اناجبان جدا فى ردودى

وده سببه طبعا حكاية حذف العضوية من المنتدى واللى اكيد بتنفعك فى الدراسة

اما ممكن فى منتديات تانية ببقى شخص تانى ممكن يدل على شخصيتى تقريبا مش كلها طبعا

فى المنتدى ده لما تقرأ موضوع مش عاجبك

وحتى موضوعه مش منطقى وتلاقى الناس كلها عماله تشكر فى الموضوع

مش عارف ليها ساعتها بحس انهم بينافقوا نفسهم

عشان كده بيتهيألى انك صعب تعرف شخصية حد من خلال المنتدى بتاعنا بالذات



اوعى تكون شامم ريحة الدخان انا مش بشرب حاجة غير الشاى

[جمال الشافعي]

لا طبعا مش ممكن احكم علي حد من المنتدي
الحكم علي الشخص لو اتعاملت معاه لمدة
مثلا في بعض الناس بتشوف شخص وتتسرع في ابداء رايها فيه من اول مرة بس بيكتشفوا في الاخر انهم غلطانين وانهم اتسرعوا
لازم اتعامل مع الشخص اللي قدامي لفترة علشان احكم عليه طبعا