دخلنا الجامعه فرحنين

[mona_ ph]

دخلناها فرحنين مااحنا مكناش عارفين
انهم هيقولوا علينا بياعين
ندرس ونتعب ونذاكر والأخر مش عاجبين
ونعجب مين مااحنا في الأخر بياعين
بياعين مين ياتعبانين
كفايه عناد احنا منكم بقينا مخنوقين
معذورين ماانتوا مش عارفين
ان كليتنا دايما هنكون بيها فخورين
هنحقق ونوصل فيها للي احنا عاوزين
يقولولنا بتتخرجوا منها مش عارفين علي فين رايحين
واقفين مستنيين الناس تحن عليكوا بقرشين
قرشين مين ياغلبنين دي حاجات مش في كتاباتنا محسوبين
ده كلام ناس مش عاقلين
مانتوا اللي بعقولكوا ضيعتونا وخليتونا لورا راجعين
بس احنا بنقول في مين
نتكلم نتكلم وهتفضلوا مش فاهمين
شايلين عقولكوا وماشيين مغمضين
مش عايزين تفهمونا ورافضين تسمعوا الكلمتين
هنعمل ايه قدرنا ولازم نكون راضيين
ما الزمن لو رجع بينا بتاع سنتين
هنختار صيدله تاني واحنا مغمضين
وهنسيبكوا كده متغاظين مفروسين
وبعد مخليتونا سنين وراكوا دايخين
اكيد هييجي يوم وتعرفوا احنا مين وازاي وليه وفين
مين؟؟ دكاتره محترمين
ازاي؟؟ بتعبنا كتير ليالي بنذاكر سهرانين
رافعين رايه التعليم يااما التعليم
ليه؟؟ علشان حياه كل اللي حوالينا واللي احنا عشانهم موجودين
فين؟؟ في بلدنا الحلوه اللي قدرتنا بعد مكنا ضايعين

[*Aya*Verse*]

تسلمى ياmona علي التوبيك الرائع ده
وعندك حق في كل كلمة قولتيها

[Mahmoud_Seif]

سلمت اناملك دوكتور مني علي الكلمات الجميله دي ....... واحنا اللي بايدنا ان شاء الله نغير مفهوم الناس عننا ..... باحترامنا واخلاقنا ونادي مهنتنا علي اكمل وجه ....

[Hedy]

كلا مك جميل قوى يامنى ..ومعناه اجمل
وباتمنى ان ربنا يتمم لينا باقى سنين الكليه على خير
ونخرج منها فرحانين زى مادخلناها ..
بشكرك ياجميل على كلامك ..

[Alaa_Resala]

الموضوع ده مش جاي في وقته خالص معايا

لسه من يومين صيدلانية بقالها سنتين بتشتغل بتقولي انا اكتشفت ان صيدلة دي مشروع فاشل

بس الحمد لله...الواحد بيحب الكلية برده مهما حصل ويا ريتنا كنا نفضل فيها على طول

[mona_ ph]

صيدله عمرها مكانت مشروع دي مهنه
وفعلا احنا اللي بادينا نغير الوضع ده
شكرا علي الردود الجميله دي وياريت اللي يقراها يقولي ايه رأيه

[sunshine]

جميله جداااااااااااا يا منى
برافو عليكى بجد

[Dr Deya]

جميله يا د/ منى واحلى ما فيها رفع المعنويات ...............
(ولو اني مش بحب الشعر باللهجه العاميه بس هي فعلا حلوه )

[muna7assan]

انهم هيقولوا علينا بياعين

والله العظيم انا واحده قالتلى كده فضلت مخنوقه وفى الاخر رحت معيطه
بس بجد توبيك هااااااااااايل
جميل جدا يا دكتوره منى
تسلم ايدك

[mona_ ph]

شكرا يادكاتره علي الردود الجميله دي
انا نفسي بجد في رد نقوله للناس اللي مش عارفين قيمتنا