بعد التكييف .. الدواليب

[Mohamed Al Gohary]

- برضه الدكتور محمود قال لى ان فيه اخبار ساره جدا عن موضوع الدواليب .. وان من السنه الجايه هيبقى فيه نظام مختلف لموضوع الدواليب .. وهيبقى منظم جدا وعلى اعلى مستوى .. وهتبقى دواليب رسميه من الكليه ..

المشاركه دى كانت ليا فى قسم الفرقة التانيه من حوالي 3 اسابيع ..
اكيد معظمنا قراها واكتفي بالابتسامه ..

لكن عشان احنا عندنا عميد شغال بجد .. وفى صمت .. وزى ما حقق لنا حلمنا كلنا .. والمدرجات بقت مكيفه ..
الوقتي كمان دواليب الكليه الرسميه جت .. وهى موجوده الوقتي فى الكليه ..
الدواليب انا شفتها بجد حاجه تفرح .. منظر جميل .. واهم حاجه انها جوه المباني .. مش بره ..

حقيقى لا نملك سوى تقديم الشكر لعميد كليتنا الدكتور محمود بكر ..
جزاه الله كلي خير عنا ..

واكيد منتظرين المزيد منك يا دكتور ..

وإلى الأمام دائما ان شاء الله ..

[موظفه طموحه]

باسم الله ماشاء الله
فعلا النهرده فيه دواليب وصلت الكليه
ربنا يبارك فى الدكتور محمود يارب فعلا يعمل فى صمت وتظهر لنا النتائج فجاه يبحث عن حل لكل مشكله تقابل اى احد
فى الكليه تحية شكر وتقدير واحترام الى الاستاذ الدكتور محمود بكر

[..::ciZar_Resala::..]

إحنا سايبينها السنة الجاية إن شاء الله ..

مبروك الدواليب ليكوا .. و لطلبة إعدادى الجداد ..

[Mohamed Al Gohary]

دى صوره للدواليب ..

[Amira]

ربنا يبارك فى الدكتور محمود ياااااااااااارب ويخليه لينا

بجد الكليه دايما فى تطور للاحسن ربنا يكرمه ويوفقه يااارب

والله حتى كلمه الشكر ماتكفيش اللى د.محمود بيعمله لنا

الـــــــــف شكــــر للدكتـــور محمـــود بكــــر العــشمـــــاوى

[Dr/HULK]

دى صوره للدواليب ..

حلوة اوى الصورة دى



وللمزيد باذن الله

[آيه محمد]

طبعا المجهود رائع واكثر من ذلك
تحياتي لكل من بذل الجهد
ولكن تساؤل هي مش المفروض كانت هتبقي الوميتال؟؟؟؟؟؟؟

[Mohamed Al Gohary]

ههههههههههه مفيش فايده ..

عموما هو فعلا كانت المفروض تبقى الوميتال .. بس بعد اعتماد الميزانيه وعمل عروض الاسعار .. مكنش ينفع الا الخشب ..
والدكتور محمود وافق .. على اساس انه كان عاوز يعملها الوميتال عشان المطر والشمس ميأثروش فيها .. لكن طالما هى هتبقى جوه المباني .. يبقى المطر والشمس هييجوا منين !!
فليه التكلفه الاعلى ؟؟

أظن تفكير سليم وحكيم جدا ..

[Dr/HULK]

طبعا المجهود رائع واكثر من ذلك
تحياتي لكل من بذل الجهد
ولكن تساؤل هي مش المفروض كانت هتبقي الوميتال؟؟؟؟؟؟؟

جميل اوى المصريين

بكونوا مش لاقيين الحاجة ولما تبقى فى ايديهم

يشتكوا برده

[آيه محمد]

جميل اوى المصريين

بكونوا مش لاقيين الحاجة ولما تبقى فى ايديهم

يشتكوا برده

يا دكتور انا بتكلم عن واقع
انا عمري ما انكرت ولا هنكر المجهود
بس كنت بسأل لاني فعلا اعرف انها هتكون الوميتال
ودكتور محمد ربنا يكرمه وضح الموضوع
اما عن الدواليب
انا عمري ما احتجتلها وان شاء الله مش هحتاج
طول عمري بصرف نفسي
لا انا بالشكاءه ولا بالبكاءه
تحياتي