ايه اللى هيحصل بعد ماعرفنا المشرفين على التدريب

[Dr/HULK]

فى الاول قبل الموضوع

بشكر دكتور انس اللى ريحنا من انى انزل الكلية عشان اشوف المشرف على التدريب بتاعى


بعد كده دلوقتى انا عرفت الدكتور اللى بشرف عليا

ايه اللى هيحصل بقى لانى مش عارف

[era]

ولا انا اعرف

[Dr/HULK]

شكله كده محدش عارف ولا ايه

طب فين طلبة تالتة

ياريت اى حد يعبرنا

[سامح هادى]

على قدر ما اعرف ..........ودى تحتها خطوط حمرا كتيييير............. مفروض بيبقى فى اجتماع مابين المشرف وطلابه بيوضح لهم الخطوط العريضة وهيعملوا ايه اما عن ميعاد الأجتماع واللى بيحصل فيه فده الله به اعلم

[Dr/HULK]

شكرا جدا على المعلومة دى

كده الواحد عرف رجله اليمين من رجله الشمال

[dr..dody]

هههههههههههههههههههه
دى ع اليمين والتانيه ع ايدك الشمال ع طول

[Mohamed Al Gohary]

المفروض ان كل دكتور بيعلق ورقه بيعلن فيها عن معاد اجتماعه مع الطلاب اللى تدربيهم معاه ..
والطلاب بيعرفوا الاجتماع ده وبيحضروه .. وبيستلموا فيها استمارات التدريب والدكتور بيطلب منهم بقى الابحاث اللى هو عازها .. وبيخبرهم عن الطريقه اللى هيتم التواصل بيها بينهم ..

[Ramy Saad]

شدوا حيلكم يا دكاترة وخدوا التدريب بجدية

بالنسبة للسؤال ( ايه الي هيحصل )
كل طالب دلوقتي هيكون مع دكتور مشرف عليه في التدريب
( ما أضفتش جديد صح ؟؟؟ )

المهم
أغلب الدكاترة بيبقوا معلقين ورق قدام المكاتب بتاعتهم بمواعيد اجتماع بيهم
والبعض مش بيجتمع بالطلبة في الحالة ديه نروح للدكتور في مكتبه ( من غير اجتماع .. كل طالب لوحده )
وممكن عدد من الدكاترة يبلغك بالبحث بتاعك من خلال سكرتارية القسم
( كدة كدة هتنزل الكلية يا Dr/HULK ... لا مفر بس ممكن واحد صاحبك يكفيك المشوار ده )


الدكتور بيكلفكم ببحث تعملوه أثناء الصيف وأثناء تدريبك في الصيدلية
ممكن يكون في الأدوية أو بحث عن مرض معين أو عن أي حاجة ليها صلة بالمجال الطبي

الدكتور بيتابعك طول فترة التدريب من خلال التليفون
احرص على التواجد في الفترة اللي انت اخترتها
( لو هتغيرها بلغ الدكتور ضروري )

بعض الدكاترة بيتابعك طول التدريب من خلال اجتماع دوري كل فترة معينة
بيشوف أخبارك وانت ماشي ازاي ( بس الموضوع ده قليل جدا عشان ماتتصدموش )

بعض الدكاترة يقولك تعالى أول الدراسة أو في الميعاد اللي هيحددوا ليك عشان تسلم البحث
هتسلم البحث وتسلم ورقة التدريب بتاعتك وتقييم الصيدلي اللي بتتدرب معاه ليك
ممكن تتسأل في البحث بتاعك وممكن لأ



وبعدين خلاص
هتكونا بدأتوا في سنة ثالثة وكل سنة وأنتم طيبين

[Pharmcist_girl]

شدوا حيلكم يا دكاترة وخدوا التدريب بجدية

بالنسبة للسؤال ( ايه الي هيحصل )
كل طالب دلوقتي هيكون مع دكتور مشرف عليه في التدريب
( ما أضفتش جديد صح ؟؟؟ )

المهم
أغلب الدكاترة بيبقوا معلقين ورق قدام المكاتب بتاعتهم بمواعيد اجتماع بيهم
والبعض مش بيجتمع بالطلبة في الحالة ديه نروح للدكتور في مكتبه ( من غير اجتماع .. كل طالب لوحده )
وممكن عدد من الدكاترة يبلغك بالبحث بتاعك من خلال سكرتارية القسم
( كدة كدة هتنزل الكلية يا Dr/HULK ... لا مفر بس ممكن واحد صاحبك يكفيك المشوار ده )


الدكتور بيكلفكم ببحث تعملوه أثناء الصيف وأثناء تدريبك في الصيدلية
ممكن يكون في الأدوية أو بحث عن مرض معين أو عن أي حاجة ليها صلة بالمجال الطبي

الدكتور بيتابعك طول فترة التدريب من خلال التليفون
احرص على التواجد في الفترة اللي انت اخترتها
( لو هتغيرها بلغ الدكتور ضروري )

بعض الدكاترة بيتابعك طول التدريب من خلال اجتماع دوري كل فترة معينة
بيشوف أخبارك وانت ماشي ازاي ( بس الموضوع ده قليل جدا عشان ماتتصدموش )

بعض الدكاترة يقولك تعالى أول الدراسة أو في الميعاد اللي هيحددوا ليك عشان تسلم البحث
هتسلم البحث وتسلم ورقة التدريب بتاعتك وتقييم الصيدلي اللي بتتدرب معاه ليك
ممكن تتسأل في البحث بتاعك وممكن لأ



وبعدين خلاص
هتكونا بدأتوا في سنة ثالثة وكل سنة وأنتم طيبين

شكرا للتوضيح وكده كده هننزل الكليه...............................

[~*nourel3en*~]

هوه يا جماعة تدريب ده يوميااا
الى عملناه فى ورقة التدريب ولا كانوا 3 ايام ؟؟