كان طفلا

**dr/elmallah** · 27-06-2009, 09:17 PM

صحى الطفل من نومه..بدأ يومه..بدأ ياما يعيش ويشوف....بدأ يعرف يعنى ايه كلمة ظروف...اللى تضيع منه كل الحروف..وقت اما يبقى الكلام من ذهب..وقت اما يبقى لازم يتكلم...ويرد على ناس خلوه يتعلم...ان القسوة والجفاء اجمل طريقة...مع اى حد فى يوم سبب له ضيقه...عرف ازاى يبدل بين الوشوش....عرف النفاق اللى كان نفسه مايعرفوش..عرف يعنى ايه كلمة ضياع...وعرف ازاى يبيع اللى باع عرف معنى الدنيا الحقيقى...عرف انه كان مخدوع بكلمة صديقى....قام الطفل من نومه وياريته ماقام....وحاول انه يعيش وسط الزحام..... حاول يخلى القسوة حب....حاول يخلى لكل خاين قلب.....تعب الطفل البرئ من غدر البشر...وجرى بسرعةعشان يوصل للقمر...حاول يبعد عن اللى ضاع منه الاحساس...ومعرفش انه يفرق بين الخيانة والاخلاص...واختقى الطفل البرئ من الحياة.. راح فين ياترى دا باينه تاه ....وفجأة ظهر وحش مالهوش امان ....دققت فيه لقيته الطفل اللى كان ...فى يوم نفسه الخير عالناس يعود....بس ياخسارة الطفل ده ماعادلوش وجود

**skelsemo** · 27-06-2009, 09:37 PM

gamdaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaaaaaaaaaaaaaaaa

**Alaa_Resala** · 27-06-2009, 11:19 PM

حلوة يا محمود
طول عمرك بتقول حكم
بس هو برده بيعرف اهو مش عمر سمرة لوحده اللي عرف

**Nayroz** · 11-07-2009, 02:56 PM

اكتر من روعة......

**sunshine** · 11-07-2009, 09:56 PM

very wonderful

Thx dr....

**dr/elmallah** · 30-10-2009, 12:21 PM

الف شكر يا جماعة على مروركم وابدائكم رايكم وشكرا على تعليقاتكم اللى بترفع معنوياتى D:

**BonaBart** · 30-10-2009, 04:01 PM

جميييييييييل جداااااااااااااا يا ملاح باشا

بس الاجمل القائك لها

**dr.noody** · 30-10-2009, 06:11 PM

جامدة جدا
سلمت يداك يا دوك

**chocolata** · 30-10-2009, 07:18 PM

جمييييييييييييييله جدا يادكتور تسلم ايديك انا بيعجبنى اوى اوى النوع دا من الكتابه لان الاسلوب بيبقى مفيش ابسط من كده وبيوصل اسرع كمان والكلمات كلها اقوال لها حكمه تسلم ايديك ويارب نشوف مشاركات باستمرار ليك

**SHYMAA** · 30-10-2009, 09:07 PM

حلوه قوى قوى
كنت قراتها فى معرض فيرونيكا وكريستال
فى انتظار المزيد من الابداع

الموضوع: كان طفلا

أدوات الموضوع

عرض

كان طفلا

ضوابط المشاركة