أحياناً يكون ما يقصده الدكتور من الخارج ..هو الاستهزاء بطلبة الكلية ومستواهم
واحياناً يكون الخطأ فعلاً في منهجنا بمعني :
في امتحان العقاقير التطبيقي الشفوي لآخر العام امتحنني أستاذ من جامعة الزقازيق يبدو انه كان قد عمل فترة بجامعة أمريكية
وسألني في أحد المركبات الكيميائية كيف يمكن التعرف عليه بالspectroscopy
فقلت له إذا استخدمنا الNMR ستكون النتائج كالتالي ...وإذا استخدمنا ال IRستكون النتائج كالتالي
فبدأ في توجيه أسئلة عن اي الجهازين ارخص ؟ وعن كيفية تشغيل الجهازين إذا ما صادفتهما في احد المعامل
فكان ردي عليه : لم يتم تدريس هذا الجزء لنا ....لقد درسنا كل ما يتعلق بالspectroscopy في هذه المادة في هذه السنة في ثلاثة محاضرات فقط وبالتالي لم يتم التطرق إطلاقاً لكيفية تشغيل الأجهزة.
سألني : ماذا كان المقرر العملي لديكم هذا العام؟
أجبته: فصل خليط من البودرة .
سألني: ألم تدرسوا هذا في السنوات السابقة؟!
أجبته : نعم.
صحيح فهمت منه اننا لم ندرس المفيد في مادة العقاقير لكن هو لم يقل ذلك ليتهكم علينا وأخبرنا انه سيعطينا درجات جيدة وأخذ يخبرنا أنه طوال تواجده بالولايات المتحدة لم ير هذا التطويل في فحص النباتات بالميكروسكوب وأن الطلاب كان يتم تدريبهم علي كيفية إجراء Spectroscopy عملياً علي الاجهزة
وأنه لم ير هذا التطويل في مناهج خاصة بالتعرف علي النباتات تحت الميكروسكوب كما يحدث بالجامعات المصرية وهو ما كان قد كرره د.أسامة بشير عندما رأي مناهج الصيدلة في اليابان.
المهم : فعلاً مناهجنا في حاجة للتغيير بما يلائم الاحتياجات العلمية الحديثة وخصوصاً مناهج العقاقير في الخمس سنوات أعتقد أنها في حاجة لتغيير جذري وشامل لأننا فعلاً لا نستفيد بما يتم تدريسه لنا في هذه المادة إلا بالقليل القليل.
لكن بوجه عام ...مستوي خريج جامعة المنصورة جيد ...نحن فقط نحتاج لبعض التعديلات حتي تكتمل الاستفادة.
شكراً يا دكتورة علي طرحك للموضوع.
-----
المشاركة الأصلية كتبت بواسطة dr/noony
1-امتحان الشفوى ايه لزمته وبيقيم ايه بالظبط ؟؟؟؟؟؟
بيقيم طالب على اى اساس مستواه العلمى مثلا؟؟؟؟؟؟
ما المستوى بيبان من حل امتحان النظرى
طيب شخصيته ازاى تقدر تقيم شخصية اللى قدامك فى 10-15 دقيقة ؟؟؟؟؟؟
والطالب اساسا اول ما بيخرج من امتحان النظرى بعد معاناه مع الاسئلة
بيبقى مش فاكر اى حاجة من كتر الاجهاد الزهنى والضغط العصبى
اللى بيعيش فيهم فى ساعتين الامتحان والانتظار امام لجنة الشفوى
2-الوسطة بقة حاجة تخنق لما تلاقى زميل اقل منك فى المذاكرة وداخل
بواسطة للدكتور وطبعا الباقى كلنا عارفينه ..........................
انا مؤمنة جدا ب علمت ان رزقى لن يأخذه غيرى فاطمئن قلبى
لكن من حقى اتكلم الموضوع فعلا مضايقنى جداااااااااااااااا
لان ازاى نخرج ناس ناجحة بالواسطة ويحسبوا علينا صيادلة ونرجع نقول
مستوى الصيادلة سئ مهو مننا لو راعينا ضميرنا وادينا لكل واحد حقه
3-وبعدين لما تدخل لدكتور يقولك اعلى درجة عنده مثلا 24
وزميلك داخل لدكتور اقل درجة عنده 28 فين هنا عدالة التوزيع
دا المثل بيقول المسواه فى الظلم عدل ..................
4-واقف ملطوع قدام باب لجنة الشفوى ربنا وحده اللى عالم بحالك
لحد لما دورك يجى وفجأة معلش استنى يابنى لما نتغدى اصل الغدى وصل
ايه غدى ايه ؟؟؟؟معلش نصف ساعة بس وجاى على طول
وتفضل سياتك منتظر ها خلصوا غدى ولا لسة........
ايه الحكاية دى كمان ماشى كل انسان من حقه طبعا الغدى لكن ليه مبنحسش
بالطلبة اعتبر الطالب ده ابنك ولا افتكر نفسك يا دكتور لما كنت طالب
كان ايه بيبقى حالك وانت واقف فى زحمة وخنقة ؟؟؟؟؟؟؟؟؟؟؟؟؟؟؟؟
افتكر مرة د/صالح الشرقاوى قالنا واحنا فى سنة اولى ان الشفوى هيبقى عليه 15 بدل 30
لان الدكاترة عارفة ان الامتحان غير عادل بالمرة لمعظم الطلبة
يعنى كل شئ واضح ومش محتاجين نتكلم اكتر من كده
واسفة على الطالة
أتفق معك فيما ذكرتيه عن امتحانات الشفوي وفعلاً لا تتحقق فيها العدالة لأن كل استاذ يكون له سقف درجات مختلف عن البقية.
late to date
رد مع اقتباس
.gif "Fop (39)")
