ساحـــة حـــــوار الصيدلانيات

[wh_kaboo]

بسم الله الرحمن الرحيم

ملحوظه : الموضوع يختص فقط بمادة الصيدلانيات ، وأي مشاركة خارج الموضوع سوف يتم حذفها دون علم كاتبها !
بعد ما فات من مجازر

جه الوقت للصيدلانيات

مادة التخصص

ان شاء الله يكون ختامها مسك ويكون غير كل اللى فات

طبعا دى الصيدلانيات اللى الكل ركنها من اول السنة

يالا الكل يطلع اللى عنده ونشوف هنعمل فيها ايه

ويارب يكون ختامها مسك

[dr mayooya]

ربنامعانا يادكتور..بصراحه الواحد خلاص عايز يخلص..حاسه اني بمتحن من زمان اوي
ياريت كلنا نشد حيلنا لان الصيدلانيات ماده مش صغيرة
بالتوفيق للجميع

[pharmacistina]

[CENTER][FONT=Century Gothic][SIZE=5][COLOR=red][B][U]جه الوقت للصيدلانيات

مادة التخصص

[]

مادة التخصص

مهي المشكلة ان أنا قلت الكلمة دي أيام ساحة الفارماكولوجي ..

[wh_kaboo]

ايه ما فيش حد ناوى يذاكر ولا ايه ؟؟؟؟؟

طيب حد يقولنا نظام الامتحان ايه ؟؟؟؟

وتوزيعة الدرجات واى حاجة عن المادة .

[د\بوسى ربيع]

ايه ده حد ناوى يبدا انهارده انا بصراحه حاسانى بمتحن من يوم ما اتولدت

[wh_kaboo]

لا نحاول بس نعرف الورق فيه ايه ؟؟؟؟؟

والطريق ماشى ازاى ؟؟؟؟

مش عايزين نعمل زى الاساى انا بدات يوم الخميس

[Monaliza]

انا احترت والله هو فين التخصص في اللي بناخده !!!

هي الشطارة في انك عملت معجون سنان ولا كريم لحب الشباب بالكبريت !!!

ولا عملت الترم الاولاني كام لبوس ميتباعوش في السوق السودا ب 3 قرش!


ولا فين التخصص في الفارما اللي لو سألتك دلوقتي قولي ايه هي alpha agonist مش هتفتكر ! ولا جايز تفتكر اسم ولا اتنين

يلا ما علينا ..

اهم شوية ورق بيتحفظوا وبنسمي نفسنا درسنا

المهم


الصيدلانيات من ورق n طلعوا 35 ورقة كما قلت في ساحة حوار تالتة ...

حد شافهم ويعلق كده .. ويقولنا ايه انطباعه ؟ لأن العملية شكلها هتاخد اخر حبة مجهود

[pharmacistina]

خلاص ..
نبدأ النهاردة باذن الله ..

المنهج مستحضرات تجميل و biopharmaceutics

الـ biopharmaceutics ان شاء الله أسهل من المستحضرات لأن المستحضرات عايزة حفظ شوية ..

بالنسبة ليا هبدأ باذن الله بالـمستحضرات لأن المفروض الواحد يبدأ بالحاجة المحتاجة مجهود ..

الـ biopharmaceutics زي الترم الأول أنا ما سمعتش فيها جديد أوي خلال المحاضرات ..
من أول السنة بنتكلم في الـ Factors affecting drug absorption ..
مش عارفة فين المنهج ؟؟

المستحضرات بقى من خلال المحاضرات ..
هي الكريمات بأنواعها , مزيلات العرق و منظفات الأسنان و الشامبوهات .. يعني ..


خدوا بالكم من ..
لما يجيب formula لكريم معين عبارة عن مثلا bees wax و castor oil و ... الخ
ممكن أوي يسأل What,s the role of bees wax , أو أي مكون في الـ formula
الدكتور أثناء المحاضرة كان بيسأل في كدة ..
مرة الاجابة تكون stiffening agent و مرة تكون fatty material .. كل formula حسب نوعها ..
حاولوا تسألوا نفسكم السؤال دة و انتو بتذاكروا ..

وبعدين مش بخوف و الله ولا بنفر بس للأمانة الدكتور اسماعيل مرة قال في المحاضرة ( الامتحان هيكون non traditional )

و مرة تانية يمكن كان بيهزر الله أعلم بس قال ( الامتحان هييجي نار )

مش قصدي أخوف بس لابد الواحد يعرف حقيقة الموضوع عشان يقدر حجمه ..
عشان كدة المفروض بعد ما نرتاح مبدأ النهاردة ..


ربنا يوفقنا جميعا و نخلص على خير ..

[Larine_Resala]

بس أنا كنت سمعت ان في الbio pharmaceutics ان الترم الأول داخل معانا في المذاكرة

ياترى الكلام دا صح ولا دي مجرد اشاعة

[Monaliza]

ههههههههههه
اعتبروها اشاعة

ترم اول مين يا دوك بس

وامتحان ايه اللي هييجي نار يا منى !!!!! ! ! ! ! ! !!

الناس بتجرب فينا ولا ايه