الرهان

[chocolata]

الموضوع دا بقاله فترة شاغلنى جدا لانه مع الاسف الشديد منتشر جدا وخاصه بين الشباب الموضوع عنوانه كلمه واحده الرهان احساسك ايه لما تتحط على ترابيزة وكانك جماد ملكش اى شبه ابدا بملامح الكائنات الحيه خالص ومش اى جماد دا انت مرهون بقيمه الجماد دا يعنى انت قيمتك بقيمه الجماد اللى محطوط على الترابيزة ايه رايك لكل بنت او ولد ؟وبالذات للبنت لانها بتخسر ؟؟
احساسك ايه لما تعرفى انك كنتى موضوع رهان بين اتنين شباب مين فيهم اللى هيخليكى تنطقى او يخليكى تبتسمى او يخليكى تحبيه ؟
وللولد ايه رايك انت فعلا شايف ان الرهان دا يستحق فيه اثبات فعلا انك رجل ومفيش زيك اتنين انك تدوس على مشاعر انسانه وسمعتها وكرامتها لمجرد ايه بس انها احترمتك وانت بالذات ؟
نفسى بجد اعرف راى الشباب لان مع الاسف لو ولد وقع فى نفس الموقف انه بنتين اتراهنوا عليه ومقابل ايه عزومه فى اى حته او ازازه برفان ولا كيس شيبسى ولا اى حاجه ملهاش لازمه من جوالك هتحس بايه اكيد كرامتك التراب هيكون اتراكم عليها فما بالك لو انت بنت شوف اد ايه هتخسر انا اسفه انى طولت اتمنى بجد انى اسمع رايكم فى الموضوع دا

[treka 22]

هو اصلا لسه فى كدا
بس من وجهة نظرى المتواضعة اللى بيدخل فى رهان زى دا بيرخص نفسه اوى بيبقى دماغه فاضى او فاضية

[chocolata]

اولا ميرسى جدا يا دكتور على مشاركتك انت اول الضيوف غير انه دماغه فاضيه او دماغها الاذى بيبقى كبير اوى اكبر من انه يكون بسبب مجرد لعبه والمتراهنين بيعتبروها كده مع الاسف بيعتبروا مشاعر الانسان وسمعته حاجه بسيطه يتهاون بيها ويتداس عليها بشكرك مرة تانيه يا دكتور واتمنى ميكونش كل الناس كده فعلا

[SHYMAA]

شكرا شيكو على طرح الموضوع ده
فعلا بتبقى الحكايه صعبه قوى على البنت او على الولد
بتبقى لعبه مش اكتر مش بيحسو بيها اللا متاخر
بعد ما الحكايه تكبر
بس اكيد الاتنين بيكونو غلطانين
يمكن اى الطرفين ياخدها بحسن نيه فى الاول
وانه عادى لما اتنين يتكلمو كلنا زمايل برده
بس ايا كان اللى يسمح لنفسه انه يتراهن على حد تانى مش هلاقى كلمه غير انه رخيص قوى
بس مش الكل كويس ومش الكل وحش
علشان كده نبعد احسن
وتبقى علاقاتنا عاديه علشان مفيش حد يتجرح
وياريت تقولى رايك بتعجبنى ارائك قوى يا شيكو

[chocolata]

ميرسى يا جميل على مشاركتك وانا سعيدة انى ارائى البسيطه بتعجبك انا معاكى ان مش الكل وحش بس السيئه تعم وغالبا دلوقتى كل بنت بتخاف انها حتى تبين احترامها سواء بالكلام او من غير لانها خايفه تتفسر خطأ من الشخص نفسه او لو حتى طلع التفسير صحيح وانه مش مجرد احترام مش هتحس بالامان ان مشاعرها او احساسها بان لانها اكيد هتستغل اسوا استغلال بسبب حاجه المفروض تفرح اى بنت واى انسان انه يختبرها وميرسى يا جميل ياريت تكونى فهمتينى

[آيه محمد]

الانسان اللي بيراهن بيراهن علي نفسه وعلي كرامته
غضب ربنا بيكون نازل عليه
ربنا يهدي

[Mahmoud_Seif]

مش هاقول علي اللي بيحط حد في موقف زي كده غير انه رخيص جدا ومش بيحترم شخصية الاخرين اما الشخص اللي كان في موضع الرهان فكرامته محفوظه اكيد لانه كان بيتعامل بحسن نيه بس الشخص التاني ده هو اللي قابل حسن النيه بالاساءه ..........ولو يعلم ان ربنا قال كما تدين تدان وان الموضوع ده هايتردله ماكنش فكر اصلا انه يعمله.......


لكم سلاماتي ......... ولكي تحياتي دوك علي طرح الموضوع...

[chocolata]

ميرسى جدا على مشاركتك يا ايه ومنورنى يا دكتور محمود فعلا كما تدين تدان بس اسوا حاجه ان الطيبه وحسن النيه عادوا عمله نادره اليومين دول مينفعش نتعامل بيها وخصوصا فى الزمن دا وانا سعيدة ان الموضوع لفت الانتباه

[MaZeN]

لو حد عمل حاجة زي دي المفروض ما يتماداش فيها و يراعي شعور الانسان اللي هو بيعمل عليه الرهان دا .. و لو هو راعى كده اساسا هيرفض يعمل حاجة زي دي من دافع تضييع الوقت و الترفيه عن نفسه برهان مع اصحابه اساسا على حساب شعور انسان الله اعلم هيحس بايه نحيته ..

[Joker]

الانسان اللي بيراهن بيراهن علي نفسه وعلي كرامته
ربنا يهدي

كلامك مظبوط يا اّية
فعلا اللي بيراهن ده مش عارف ممكن يتوصف بإيه ؟!!!!!!!!!
تافه ؟ ممكن ! أجوف وفارغ من الداخل ؟ جايز !
بس فيه حاجة تانية لازم ناخد بالنا منها
ان البنت كمان عليها عامل مهم - ايوة مش ذنبها - بس برضه عليها عامل مهم انها لازم تاخد بالها ومتندفعش ورا مشاعرها بسرعة غير لما تكون متأكدة ان اللي قدامها ده هيقدرها ويحترم عقلها وكرامتها قبل اي حاجة