بعد الميكرو

[سبحان الله و بحمده]

السلام عليكم

اخباركم ايه يا ترى بعد الميكرو؟؟؟؟؟؟؟؟

سؤال اجابته معروفه
اكيد احسن منى
انا كنت كل ما اقلب ورقه من المرجع بتاع الاسئله كان بيبقى نفسى الاقى سؤال اجاوبه

لكن للاسف مابلاقيش
ولما لقيت لقيت عليه درجتين ويارتنى لحقت احله
كان الوقت خلص
قلت تتعوض فى الشفوى
كان دكتور ext كان شايف اننا مخدناش حاجه ومنهجنا هايف
فهزقنا و خرجنا
وحاليا انا اتهبلت
وحبيت اعرف اخباركو
يمكن الاقى اللى يصبرنى او يحبطنى و قولولى هتعملو ايه فى العضويييييييييييه

[آيه الطاهر]

اعتقد ان اللي بعد الميكرو عضويه ولازم ننسي الميكرو بكل اللي حصل فيه لان انا خلاص جالي اكتئاب من الماده دي سواء ترم اول او تاني انا مش عارفه انا كنت بامتحن ولا في سبق النهارده بجد امتحان طويل وحش جدا واسئله عجيبه ولا كاني كنت باحضر محاضرات خالص بجد ده مش مقياس للمذاكره ممكن نعتبره مقياس للتعذيب وربنا يستر

بس حلو اوي موضوع الدكتور اللي هزقوا علشان المنهج سهل وهايف ده واحنا مالنا بالحكايه دي احنا هنقول للدكاتره اشرحوا ايه وما تشرحوش ايه .انا كنت عند ex بتاع الترم الاول بس الحمد لله طيب جدا مهتم بالتقدير والبيانات الشخصيه بس. باجي اجاوب مش مستني يعرف الاجابه بيدي الدرجه علي التقدير والحمد لله

[Sincerity]

بجد أنا عمرى ما مر عليا امتحان اسوء من النهارده .. للاسف بيفكرنى بامتحان العضويه بتاع السنه اللى فاتت
بس المشكله فى الامتحان ده ان اول ما اخدت ورقه الاسئله كنت هموت وأنام .. مش عارفه ايه حاله النوم اللى
جت لى فجاه دى ؟؟
كان نفسى حتى اركز فى اى حاجه لدرجه انى لما زهقت قفلت الورقه وسبت القلم وكنت هقوم فعلا
بس صعبت عليا نفسى والله .. والله حليت اى حاجه وحتى مش فاكره اصلا اللى انا حليته ...
بجد نفسى انسى اللى حصلى النهارده واعرف اذاكر عضويه ..
ربنا يسترها معانا كلنا

[thelovertiger]

[dr..dody]

مش لاقيه كلام اقوله خالث ع الامتحان الرخم ده

[sara adel]

مش عارفه انا ايه ده ايه اللى حصل فى امتحان الميكرو ده انا حضرت كل المحاضرات وزاكرت الورق ومجاش حاجه والى جه عرفاه مش كتبته لان الوقت كان خلص

عتاب منى لدكتور رمضان الامتحان غريب جداااا ووقته قليل جداا جدااا حتى الجزء الوحيد المباشر مش كتبته حرام اوى الحضور والمزاكره والاخر نحل بالحظ فى الامتحان

انا فعلا كنت منهاره بعد الامتحان لدرجه انى كنت هحلف انى مدخلش الشفوى ولما دخلت كنت اتمنى تتظبط بس لاقيت كلام غريب بسمعه

انا حاسه ان الورق والشفوى مكنش منهجنا بجد حرام يكون حالى كدا قبل العضويه

بس منقدرش فى الاخر غير اننا نقول قدر الله وماشاء فعل

[أمــ هـنـد ــة الله]

يــــاربنا بجد زعلتونى وقلقتلونى على ناس كتير

معلش يا جماعه طالما تعبتو وعملتو اللى عليكو ربنا هيكرمكم من حيث لا تعلمون

وركزو كده ف العضوية وانسو اللى فات

وربنا يكرمكم جميعا ..... وان شاء الله يبق ختامها مسك

[Ahm@d Mott@we3]

هوا بغض الجزر أنا عملت ايه بس الامتحان مش غوول أوى كده " غول شوية صوغايرين يعني "

بغض الجزر برضو ان فيه حاجات اول مرة أسمع عنها بس مش لازم أبقي عارف كل الامتحان يعني.. يلا ماعلينا
بغض الجزر كمان عن الامتحان خمس ورقات بس برضو مش شرط يبقى صعب يعني

وبأكل الجزر المرادة بقي عن ان أول 3 صفحات عليهم 15 درجة بحالهم
وبغض الجزر انى قعدت فيهم شوية كتير خالص مالص بس ده مش زنب الدكتور ده زنب الـ Pseudomonus اللى جاتلى في عينى لماأخدت الورقة ومبصتش ع الدرجات ..


يعني الخلاصة الواحد كان لازم يشغل عقله ويلف الورقة كده ويقراها من الآخر
وكان لازم برضو يشغل عقله وميجيبش ورق ابو العطاطى ده ( اللذيذ جداا )

يلا الحمد لله على كل حال
ونشوف العضوية بقي

الكوم الكبير
الكبير اوى

..

[سبحان الله و بحمده]

انا حاسه ان الورق والشفوى مكنش منهجنا بجد حرام يكون حالى كدا قبل العضويه


ده مش حالك لوحدك كلنا كده

[Sincerity]

هوا بغض الجزر أنا عملت ايه بس الامتحان مش غوول أوى كده " غول شوية صوغايرين يعني "

بغض الجزر برضو ان فيه حاجات اول مرة أسمع عنها بس مش لازم أبقي عارف كل الامتحان يعني.. يلا ماعلينا
بغض الجزر كمان عن الامتحان خمس ورقات بس برضو مش شرط يبقى صعب يعني

وبأكل الجزر المرادة بقي عن ان أول 3 صفحات عليهم 15 درجة بحالهم
وبغض الجزر انى قعدت فيهم شوية كتير خالص مالص بس ده مش زنب الدكتور ده زنب الـ Pseudomonus اللى جاتلى في عينى لماأخدت الورقة ومبصتش ع الدرجات ..


يعني الخلاصة الواحد كان لازم يشغل عقله ويلف الورقة كده ويقراها من الآخر
وكان لازم برضو يشغل عقله وميجيبش ورق ابو العطاطى ده ( اللذيذ جداا )

يلا الحمد لله على كل حال
ونشوف العضوية بقي

الكوم الكبير
الكبير اوى

..

ههههههههههههههههههههههههههههههههههه
يعنى بعد كل الجزر الكتير ده اللى بيقوى النظر برضه pseudomonas مش سابتك ..
على العموم مش لوحدك يا دكتور اللى عملت كده ... أنا أول 3 ورقات اللى ب 15 درجه دول خدوا منى وقت كتير جدا ..
واتصدمت لما ببص على اخر ورقه ف أخر نصف ساعه الاقى عليها 40 درجه بحالهم ...
والله منا عارفه كتبت فيهم ايه ولا حليتهم ازاى ...
يلا ربنا يتولاناااااا

-----

مش عارفه انا ايه ده ايه اللى حصل فى امتحان الميكرو ده انا حضرت كل المحاضرات وزاكرت الورق ومجاش حاجه والى جه عرفاه مش كتبته لان الوقت كان خلص

عتاب منى لدكتور رمضان الامتحان غريب جداااا ووقته قليل جداا جدااا حتى الجزء الوحيد المباشر مش كتبته حرام اوى الحضور والمزاكره والاخر نحل بالحظ فى الامتحان

انا فعلا كنت منهاره بعد الامتحان لدرجه انى كنت هحلف انى مدخلش الشفوى ولما دخلت كنت اتمنى تتظبط بس لاقيت كلام غريب بسمعه

انا حاسه ان الورق والشفوى مكنش منهجنا بجد حرام يكون حالى كدا قبل العضويه

بس منقدرش فى الاخر غير اننا نقول قدر الله وماشاء فعل

معلش يا ساره ... انا والله حاسه ان حد ضاربنى على دماغى من بعد الامتحان ده ..
بس هنعمل ايه ؟؟ .. يلا الحمد لله الذى لايحمد على مكروه سواه ..
حاولى تنسى علشان تعرفى تبدأى العضويه ....
ربنا معانا