ساحـــه حــــوار نظـــرى الصـيدلانيـــات

[Amira]

ஐ موعد مع الصيدلانيات ஐ

تنبيه هام :

الموضوع يختص بمادة الصيدلانيات فقط واى مشاركه خارجه سيتم حذفها فورا دون سابق انذار

مرحبا بكم جميعا ... وها قد انتهينا من امتحان التحليليه

ولنبدأ بإذن الله الاستعداد لامتحان نظرى الصيدلانيات.. ولنجعل من هذا الموضوع دليل لنا عن كل ما يخص هذه الماده من اسئلة وملاحظات ... ونتمنى من الله ان تعم فائدته علينا جميعا.

ولكن هنالك بعض الملاحظات نتمنى من الجميع الالتزام بها :

* اجتناب الخروج عن سياق الموضوع لان هدفه هو الاستفاده وليس الكلام الجانبى والمزاح فإنه سيحذف فورا .

* بإذن المولى عزوجل ستجدون كل ما تريدونه من لينكات للمحاضرات او اى شىء يخص الماده غير الاسئلة

المنهجيه هنا ف هذه الصفحه لتسهل علينا سرعة ايجاد ما نريد .

* نتمنى التعاون من الجميع وألا يبخل احد بمعلومة او اجابة عن سؤال زميله .. ولنعلم انه فى ميزان
حسناتنا جميعا...

وانتظرو كل ما هو جديد إن شاء الله

*جميع محاضرات د.ثناء موجوده فى موضوع..

.....محاضـــرات...7

*توزيع الدرجات :

د/حسن الصباغ :30 درجه

د/عبدالمنعم:30 درجه

د/ثناء : 20 درجه

*توزيع درجات جزء د/عبدالمنعم

10 درجات على الـ Incomatabilites

5 درجات على تاريخ الصيدلة ( الجزء العربى )

6 درجات على جزء suppositories

9 درجات على الـ calculations

*توزيع درجات جزء الـ calculation

3 درجات على الـ dilution of acids

4درجات على الـ alligation

درجتين على الـ calculation of doses

*ملاحظات على جزء د/عبدالمنعم

اولا بالنسبه للجزء العربى

الدكتور قال فى المحاضره نبقى عارفينه كله علشان الشفوى

انما النظرى بقى هيكون :

نعرف من العلماء الاجانب: ابيقراط وجالينوس

و العلماء العرب كلهم وهم 7 علماء:

جابر بن حيان وابو بكر الرازى و ابن سينا وابن البيطار وداوود الانطاكى و البيرونى واحمد ابو جعفر

نظام الاسئله فى الجزء ده:

1- يااما يجيب كل العلماء( بعضهم او كلهم ) ويبقى المطلوب

اذكر واحد من اشهر مؤلفات اى واحد فيهم او ليهم كلهم

2-او يجيب اسم الكتاب ويطلب اسم العالم (المؤلف يعنى) لبعضهم او كلهم

ثانيا جزء calculation of dose :

الدكتور قال مش مطلوب منكم غير الاربع قوانين باسماء العلماء اللى عملو القوانين بس وملاهم لنا فى المحاضره

ثالثا حاجه بسيطه كده فى جزء suppositories :

فى استخداماته

1- يا اما يطلب استخدام نوع واحد والاجابه تبقى استخدام النوع ده بس

2-او يطلب استخدامات الsuppositories ويسكت:

الاجابه هتبقى الاستخدامات بتاعه كل الانواع

[subzero]

ربنا يسهل
الصيدلانيات طويله و محتاجه مراجعه كذا مره
و لازم نبدا من بكره ان شاء الله
و اللى مستحمل بقا و قلبه ميت يبدا النهارده

[moslma]

ان شاء الله هاحاول ابدا بجزء الدكتور حسن ثم دكتور عبدالمنعم واسيب بقي جزء الدكتورة ثناء فالاخرلو لحقت لاني مبحبش الحفظ بكررررررررررررره ربنا معانا

[subzero]

ايه رايكوا نبدا بجزء الدكتور عبد المنعم
خفيف لطيف كده
بعد معركه التحليليه

ايه رايكم ؟؟

[dr moory]

انا فى رأى نبدأ بجزء د/ حسن الصباغ وبعدين د/ عبد المنعم
محدش يعرف د/ ثناء هتجيب mcq ولا short notes
و د/حسن الصباغ زى الترم الاول

[sunflower]

انا فى رأيى برده اننا نبدأ بجزء دكتو عبد المنعم _سهل ولطيف _(((شويه)))) بالنسبه للباقى

[SmSm]

ان شاء الله هاحاول ابدا بجزء الدكتور حسن ثم دكتور عبدالمنعم واسيب بقي جزء الدكتورة ثناء فالاخرلو لحقت لاني مبحبش الحفظ بكررررررررررررره ربنا معانا

على فكرة جزء د. ثناء زي بقية الاجزاء ده كمان ممكن يكون أسهل جزء ومحتاج بس تجميعة تظبت الفروقات بين المنهج..

[Mahmoud_Seif]

اعتقد انها مش هاتفرق كتير اننا نبدا باي جزء بس المهم الجزء اللي نبدأه نحددله وقت يخلص فيه بحيث انه مايزيدش علي جزء تاني ويكون اسهل منه ........... وبالتوفيق جميعا في الصيدلانيات.

[NonY]

اه انا بردو ان شاء الله هبدأ ب د.عبد المنعم
و يا رب يبأة كلو حلو

[أمــ هـنـد ــة الله]

ممكن نزاكر شوية من كل دكتور دا احسن عشان لو مش فضل وقت يبقى مش جزء بحاله واقع مننا

وربنا يوفق الجميع