حقيقة لا خيال .. فقط فى كلية الصيدلة جامعة المنصورة

[Mohamed Al Gohary]

الحقيقه مش عارف أقول إيه أو أوصف شعوري النهارده ازاى ..

انا فعلا فخور بإني طالب منتمي لكلية الصيدلة جامعة المنصورة ..

معظمنا كان لما يحب يتريق يقول ان المدرجات عندنا مكيفه .. او يقول لزميله وهما داخلين المدرج اقفل الباب عشان التكييف .. وغيره وغيره ..

بس من النهارده .. ده مبقاش استخفاف .. او خيال ده بقى حقيقه ..

جميع مدرجات كلية الصيدلة جامعة المنصورة مكيفه

كل مدرج فيه اربع تكييفات الواحد خمسه حصان .. يعني المدرج هيبقى جنه ..
وكمان بدروم المبنى ب والمبنى ج فيهم تكييفات .. حاجه فعلا تفرح .. وتشرف ..

اعتقد بكده نسبة الحضور هتزيد .. وحاجات كتير ممكن تبقى احسن وافضل ..

وعلى فكره الدكتور احمد نظيف رئيس الوزراء لما جه الكليه خلال اسبوع شباب الجامعات التاسع اللى فات .. قال ان معمل بدروم المبنى ب لازم يبقى مكيف عشان الاجهزه .. بس سيادة العميد خد الخطوه وخلالها للمدرجات قبل المعمل ..

تحية شرف .. اجلالا واعظاما .. لسيادة عميد الكليه الاستاذ الدكتور محمود بكر العشماوي ..

[live_and_learn2002]

خطوة جميلة
وان شاء الله المعامل تتغير والاجهزة الى فترة صلاحيتها انتهى تتجدد وكمان المناهج الى انا حاسس انها ما اتغيرتش فعليا من التسعينات وكان العلم وقف لحد كده
بس كمان انا مفتخر اكتر بالمكرسكوبات الجديدة

[marooo]

بجد حا جه كويسه جدا وفعلا ده هيساعد على الحضور عشان الحر كان سبب اساسى لكرهى للمدرج ومنتظرين المزيد ويارب كليتنا تبقى احسن كليه

[BoNbOoNa]

تحية شرف .. اجلالا واعظاما .. لسيادة عميد الكليه الاستاذ الدكتور محمود بكر العشماوي ..

والله كلنا بنحبكيا د\ محموووووووووووود

شكرا ع الاخبار الحلوة دي د\ gohary
ان شاء الله الحضور يزيد الضعف و الفهم و التركيز يزيد 10 اضعاف

[pharmacistina]

الله أكبر ..

ما شاء الله ..

أنا مبسوطة أوي ..




بس احنا للأسف قربنا نتخرج ان شاء الله ..


خلاص الحضور هيبقى كبير و مبقاش في حجة ..

ألف شكر لادارة الكلية .. مزيد من التقدم للكلية معكم ..

[محمد_على_سلام]

الحمد لله ان احنا عندنا ادارة ممتازة كده بتعمل لمصلحتنا كلنا ويا رب كليتنا يبقى ليها مركز عالمى
انا متفائل والله ان كليتنا هتبقى احسن كتير عن قبل كده
الف شكر للادارة وللدكتور محمود والدكتور حسن الكاشف على اهتمامهم

[Amira]

.....الحمدلله.....

الف مليوووووووووون شكر للدكتور محمود بكر العشماوى

بجد الكليه ما شاء الله فى تطور

عقبال المعامل يارب وان شاء الله كليتنا تبقى احسن كليه فى الجامعات كلها

[treka 22]

بجد اخبار حلوة اوى
وفعلا كدا نسبة الحضور هتزيد

[dr queen]

ده خبر كويس جدا جدا جداااااااااااااا

شكرا جزيلا د/محمود ، ربنا يبارك لنا فى حضرتك ..

بس هى التكييفات اتركبت خلاص ولا لسه على اول السنة الجديده ؟؟؟
أنا شفت النهارده تكييفات فى الكليه متركبه جديد بس ما اخدتش بالى هى فى المدرجات ولا لآ ..

[آيه محمد]

بجد ؟؟؟؟؟؟؟؟؟؟؟؟



الحمد لله
ده كان احد الاسباب اللي مش بتخليني اعرف اقعد في المدرج
يا سلام لو البنشات والكراسي تكون بريش النعام


ده انا اقعد طول اليوم اذاكر
واخترع واعمل اكتشافات علميه كمان