التدريب الصيفي بالكلية .. استبيان هام

[Mohamed Al Gohary]

كلنا عملنا تدريبنا الصيفي فى صيدليات .. مننا اللى خد الموضوع بجد وناوى يتدرب وينزل فعلا .. ومننا اللى عمله فى صيدليه فى حلايب وشلاتين ..

عموما مش هو ده موضوعنا .. ايه رايك لو يبقى جزء من تدريبك الصيفي فى الكلية .. يعنى هنعمل ايه !!

يعنى تتدرب فى المعامل .. وتعمل بحث علمى بحق وحقيقى .. وممكن تبقى مساعد لاحد المعيدين اللى بيحضر ماجستير او اللى بيعمل بحث .. واكيد هتستفاد كتير .. ممكن تشتغل على عينات وتعمل فيها اى حاجه انت عاوزها .. وطبعا لا هيبقى فيه امتحانات ولا درجات .. فاكيد هتشتغل لمجرد الشغل .. مش لمجرد تحصيل درجات ..

الحقيقه الفكره دى بدات تخرج للنور .. ومتحمس ليها جدا الدكتوره ماجده نصر .. وهى اللى طلبت منى انى اعمل الاستبيان ده ..

ياريت كل واحد يخش يجاوب على 3 اسئله :

1- تحب تشارك فى التدريب ده ولا لأ ؟؟
2- تحب يكون امتى بالظبط ؟؟ ومدته قد ايه تقريبا ؟؟
3- تحب يكون في مادة ايه ؟؟

[..::ciZar_Resala::..]

التدريب ده أول من فكر فيه .. و طبقه فعلاً .. هو الدكتور عطا الله ... جزاه الله عنا كل خير ..

و الناس اشتغلت بنفسها فعلاً السنة اللى فاتت ..

و طبعاً حاجة زى دى .. إنى أشتغل ف معامل الكلية و أكون متواجد فيها .. أنا بحب كده فعلاً .. و بحب شغل الكلية جداً ..

المدة .. و الله لو قالوا الأجازة كلها .. أنا عن نفسى مش هزهق .. حتى لو 10 ساعات ف اليوم ..

أما عن المادة .. المواد كلها شيقة فعلاً .. و يا ريت يكون متنوع .. بحيث إن الطالب يقضى مثلاً أسبوع أو اتنين ف كل مادة .. ..

و يا ريت مدة التدريب تكون اختنيارية للطلاب .. بحيث اللى عاوز يقعد أكتر .. براحته .. و يكون فى طبعاً شهادات من الكلية ..

[dry_tears]

1- تحب تشارك فى التدريب ده ولا لأ ؟؟

ياااه احب احب ونص جدا جدااااااااااا
دة هيقرب الصورة كتير اوىىىىى زوووووووم ان
- تحب يكون امتى بالظبط ؟؟ ومدته قد ايه تقريبا ؟؟
اكيد فى الاجازة المدة على حسب الهدف والعلم مستمر يبقة ملوش مدة
3- تحب يكون في مادة ايه ؟؟

البيو حسة ان المادة دى ليها طابع خاص ومفيدة اوى وشيقة تدفعك انك تعرف عنها اكتر واكتر طبعا بغض النظر عن امتحاناتها او او

[moslma]

طيب بالنسبة بقي لطلبة الفرقة الاولي يشتركوا فيه عادي؟ ولا ايه النظام؟ولو ينفع انا بضم صوتي مع صوت الدكتور /ياسر

[..::ciZar_Resala::..]

طيب بالنسبة بقي لطلبة الفرقة الاولي يشتركوا فيه عادي؟ ولا ايه النظام؟ولو ينفع انا بضم صوتي مع صوت الدكتور /ياسر

شكراً على ضم صوتك يا مسلمة ...

-----

ده اقتباس من مشاركة لمحمد الجوهرى .. ف نفس الموضوع .. بس اللى اتعمل ف منتدى الفرقة التانية ..

بيتهيألى هيوضح الإجابة على سؤالك ..

هو موجه لطلبة تانيه وتالته لسبب بسيط جدا انهم هما دول اللى ليهم تدريب صيفي ..

[Amira Said]

1- تحب تشارك فى التدريب ده ولا لأ ؟؟
طبعا
2- تحب يكون امتى بالظبط ؟؟ ومدته قد ايه تقريبا ؟؟
اعتقد شهرين التدريب 7 و 8 مناسبين
3- تحب يكون في مادة ايه ؟؟
كل قسم الأول يبقى عنده خطة تدريب لينا و على أساسها هنختار،، انا مش بحب الكيمياء مثلا بس ممكن الاقي مشروع فيها يشدني و احب اشتغل فيه،، لكني شخصيا أحب الفارما

الفكرة نفسها رائعة،، و ياريت تطبق السنة دي علشان نلحقها،، و لو هتطبق يبقى التفاصيل تنزل من بدري علشان نظبط مواعيد الصيدلية مع الكلية- مهما كان برضه نزول الصيدلية مهم

[pharmacistina]

كلنا عملنا تدريبنا الصيفي فى صيدليات .. مننا اللى خد الموضوع بجد وناوى يتدرب وينزل فعلا .. ومننا اللى عمله فى صيدليه فى حلايب وشلاتين ..

عموما مش هو ده موضوعنا .. ايه رايك لو يبقى جزء من تدريبك الصيفي فى الكلية .. يعنى هنعمل ايه !!

يعنى تتدرب فى المعامل .. وتعمل بحث علمى بحق وحقيقى .. وممكن تبقى مساعد لاحد المعيدين اللى بيحضر ماجستير او اللى بيعمل بحث .. واكيد هتستفاد كتير .. ممكن تشتغل على عينات وتعمل فيها اى حاجه انت عاوزها .. وطبعا لا هيبقى فيه امتحانات ولا درجات .. فاكيد هتشتغل لمجرد الشغل .. مش لمجرد تحصيل درجات ..

الحقيقه الفكره دى بدات تخرج للنور .. ومتحمس ليها جدا الدكتوره ماجده نصر .. وهى اللى طلبت منى انى اعمل الاستبيان ده ..

ياريت كل واحد يخش يجاوب على 3 اسئله :

1- تحب تشارك فى التدريب ده ولا لأ ؟؟

أيوة أكيد .. بجانب الصيدلية

2- تحب يكون امتى بالظبط ؟؟ ومدته قد ايه تقريبا ؟؟

بالنسبة ليا لو كان طول الأجازة عادي ..

3- تحب يكون في مادة ايه ؟؟

زي ما د- ياسر قال .. في كل مادة شوية ..
وان كنت أحب أن أبدأ كيمياء تحليلية أو صيدلانيات ..

يااااااااااريت دة فعلا يتحقق ..
يعني الطلاب اللي عاوزين فعلا يشتغلوا ويتدربوا بالطريقة دي يسجلوا أسماءهم ..
ويكون تدريب جاد .. لأن أكيد برده هيكون في ناس جاية تقضي وقت فراغ في معامل الكلية وخصوصا ان مفيش درجات ..

[سوزران]

انا عن نفسى اخرى الصيدلية
بس اكيد فى ناس هتستفاد جدا من الموضوع دة بس يبقى التدريب اختيارى بالنسبة للكلية مش اجبارى

[مصطفى]

1- تحب تشارك فى التدريب ده ولا لأ ؟؟
2
طبعا..نعم

- تحب يكون امتى بالظبط ؟؟ ومدته قد ايه تقريبا ؟؟
3
فى شهر 7 و 8 ...ممكن يكون مرتين فى الاسبوع او مرة مثلا

- تحب يكون في مادة ايه ؟؟

العقاقير و الصيدلانيات


الفكرة ممتازة ..و انا كان لى الشرف ان اكون من اوائل المساهمين فى هذا المشروع مع د /عطا الله الصيف اللى فات
و كانت من اجمل الاوقات .. لان شغل العملى من غير ضغوط و لا التزمات ..و انت بتشتغل للعلم فقط ..و ليس للدرجات
بجانب اننا كنا فريق عمل تحت اشراف د / عطا الله .. بصراحة نفسى يتم تعميم الفكرة على الكلية كلها بعد كده ان شاء الله

و جزاكم الله خير ا

[dr_Eucalyptus]

1- تحب تشارك فى التدريب ده ولا لأ ؟؟

طبعا ...
بالاضافه للصيدليه اكيـــد .

2- تحب يكون امتى بالظبط ؟؟ ومدته قد ايه تقريبا ؟؟
طــــول الاجازه طبعا.. ولو عاوزين فى الدراسه ماشى مفيش مشاكــل .

3- تحب يكون في مادة ايه ؟؟
زى ما زملائى سبقوا وقالوا ... كــل ماده شويه
بشكــل متناسق ومكمل لبعضه ...

وطبعا الفكـــرة حلـــــوة قووووووووى
وبخاصه لو معظم الدكاترة ينفذوها
لان أنا واصحابى لما عرفنا الموضوع ده السنه اللى فاتت... والتدريب مع د / عطا الله كان نفسنا نكــون معاه
والحمد لله إن شــــــاء الله هنكـون معاه السنه دى .