ياترى ايه أقدم حاجه بتحتفظ بيها ؟؟؟

[dr_shimaa]

بســــــــــــ( الله الرحمن الرحيم )ـــــــــــم

كل واحد منا له ذكرياته الجميلة.......

ومواقفه الحلوة وبعضها اشياء صغيرة ..

يمكن ما تكون في قيمتها المادية .....

شي يذكر .. ولكنها بقيمتها لنا شئ كبير وغالي .......

بما فيها من ذكرى لنا تشكل اهم الاشياء

ونحتفظ بها يوم بعد يوم ..سنة ورا سنة ..

كلما نظرنا لها تتجدد الذكريات وتحرك المشاعر ........

يمكن تكون رسالة....... او ساعة ........او قلم .......

او ميداليه نقش عليها حرف غالي ...............

او ورد..............او.....

تتعدد اشياءنا الصغيره في حجمها .......

الكبيره في قيمتها لارواحنا وحياتنا ......

فياترى ايه هو أقدم شي تحتفظ به الى الان؟؟؟؟؟

[dr queen]

كروت وهدايا عندى من ابتدائى وبعتز بيها جدااااااااااا ..
وكل لما ببقى متضايقه أو أصحابى بعيد عنى بطلعها واتفرج عليها وأقرأ الكروت ..


شكرا ليكى يا شيماء على الموضوع الجميل ..

[محمد سمير]

التوبيك فكرته حلو يادك وتسلم دماغك
انا طبعا محتفظ بشهادات تقديرى ولما بشوفها ببقى مبسوط اوى
وعلى فكره لسه فى حاجات تانيه محتفظ بيها بس المرات الجايه نقولها
مرسى على التوبيك مره تانيه يادك

[dr_shimaa]

انا كمان زيك ياغاده

نورتى الموضوع

[dr_shimaa]

التوبيك فكرته حلو يادك وتسلم دماغك

انا طبعا محتفظ بشهادات تقديرى ولما بشوفها ببقى مبسوط اوى
وعلى فكره لسه فى حاجات تانيه محتفظ بيها بس المرات الجايه نقولها
مرسى على التوبيك مره تانيه يادك

عقبال لما تحتفظ بشهادة التخرج ان شاء الله

مستنين باقى الحاجات وشكرا على مرورك

[ms_Belladona]

اوتجراف صغير بس فيه ذكريات جميلة اوي
من اصحابي والمدرسين ايام المدرسة وبعتز بيه جدا

موضوع جميل اوي يا شوشو
جزاكي الله خير

[lonley]

موضوع رااااائع
وبالنسبالي بحتفظ باوراق امتحاناتي من ايام الحضانه
والورق متصحح واللي عليه نجمه أو ورده أو وجه مبتسم
وكان كلهم 10من10 طبعا
بس الله يرحم دي أيام زماااااااااااااااان وراحت لحالها
وشكرا يادكتور

[Ramy Saad]

يااااااااااه
أنا من أكتر الناس احتفاظا بما يذكرني بالماضي ومن الناس الي مابتنساش الماضي بتاعها أبدا

محتفظ بصورة جمعتني بأصحابي في الفصل في الإبتدائي
محتفظ بالامتحانات تقريبا كلها من الإعدادية لحد امتحان الصيدلانيات التيرم الأول
محتفظ بالهدايا اللي أخدتها من مدرسي الثانوي والإعدادي
محتفظ بالفلوس الي مكتوب عليها إهداءات من المدرسين
محتفظ بهدايا أخدتها من ناس باعتز بيهم جدا من سنين طويلة جدا
محتفظ بمذكرات الثانوية العامة
محتفظ بأوراق قديمة جدا
محتفظ بكل حاجة ليها موقف معايا ولو مر عليه سنوات طويلة


عموما باحتفظ بكل حاجة ممكن تذكرني بالماضي بتاعي حتى ولو كانت ذكرى مرة

[ELANDALEEB]

بجد الموضوع جميل اوى اوى اوى
انا بقى احتفظت بكل شىء خاص بطفولتى
كل اللعب بتاعتى لسه محتفظ بيها ومازلت بلعب بيها وانا فى اودتى لوحدى
بحب اتفرج على صورى ايام زمان ... ايام المدرسة الابتدائى والحضانة
محتفظ بساعة غالية عليا اوى اوى بس مش بلبسها دايما بتفرج عليها افتكر صاحبها علطول
وادعيله بالرحمة
لا بجد انا عندى اشياء غريبة اوى اوى
حتى بيتهيألى لسه محتفظ ببرادة الحديد اللى اخدناها فى العلوم فى رابعة ابتدائى
لما كنا بندرس المغناطيس

تسلم يادكتور على الموضوع التحفة

[dr queen]

يااااااااااه
أنا من أكتر الناس احتفاظا بما يذكرني بالماضي ومن الناس الي مابتنساش الماضي بتاعها أبدا

محتفظ بصورة جمعتني بأصحابي في الفصل في الإبتدائي
محتفظ بالامتحانات تقريبا كلها من الإعدادية لحد امتحان الصيدلانيات التيرم الأول
محتفظ بالهدايا اللي أخدتها من مدرسي الثانوي والإعدادي
محتفظ بالفلوس الي مكتوب عليها إهداءات من المدرسين
محتفظ بهدايا أخدتها من ناس باعتز بيهم جدا من سنين طويلة جدا
محتفظ بمذكرات الثانوية العامة
محتفظ بأوراق قديمة جدا
محتفظ بكل حاجة ليها موقف معايا ولو مر عليه سنوات طويلة

وأنا كمان محتفظه بكل ده ..